Maika 6:8 - Godigo dwagi yai po buku

⁸ Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

Maika 6:8 Referans Kwoze

Bugagia Bidibo Kolesagade Po Asęai Buku 21:3

Dago te wiegi yai doloba pai kolesaga wali pao. Te Godigo gedude te tobage kolesagago te dago agaba ofa mabo te aiyaba mu elalubo dao.

Kolosi 3:12

Dage da, te Godigo we bidi hani dao. Agai dage dali dwagi yai homu eyu, tama dage godolo ebaso tama dage aga we bidi hani pedalomainogo, agai dage te tigidali we bidi tomodu dią sali. Tama dią sobaso, bidigo aga gesi ugwa dabe gudubo tiwai gilama dagego e dwagi yai kolesaga selama tama yao: dagego we bidi hobede yao, augwalibolo dwagi yai sę naga yao, hagoma homu eyu duga nogi ugwaba sigio. Sesena pai homu egimio, we bidi dali dua dao. Bidigo dage dali dwai sę ebaso da, te dagego sula tagalama sębę polo egimio.

Jeremaia 22:3

Genuai Bidigo e tama po walio. Dagego te wiegi yai doloba pai kolesaga naga iyąo. Te bidi me deligo gasa bidigo nai wi selama, agabolo sęgę mawai yai baso da, teda dagego aga tau selama, agai te sęgę silimainao. Dagego te tiana wai dabeba dwai sę igimio, te wilawe we dabeba dwai sę igio, te dage dali bidibo gasa tǫ kantri we bidiba me te dwai sę igio. Tama dagego te bulu we bidi dabe odolali me ela munamu dao.

Hosea 6:6

Dagego te hasa elama, tama enabolo olo mabo kolesaga, te tobage ofa sę ebo te eno godolo homu mu egobeo. Menio. Te dagego gasa we bidide homu dene eyu, tau sabo kolesaga ebo, te eno godolo mu ebo dao. Eno godolo ebo homu te dagego homu kolesaga te enaba sesemane momainu homu ebao, tama tiyu, te dagego ena bugagia konemainu homu ebo dao,” wali.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

Dwagi Yai Gesi Po Lukgo Asęani 6:36

Duga Ayago we bidi hobede elama, tau sabogia, dagego me we bidi hobede elama, tau siąo,” Jisasgo te po wali.

Dwagi Yai Gesi Po Lukgo Asęani 11:42

Dage Farisi dabego duga gide ebo yalawai nai dwasianunu selama, Godibolo mabo dao. Te tama sę da dagego ebadi goli, te dagego doloba pai kolesaga ebo tagalu, te sęgę sai we bidi tau sabo menio, me dagego te God godolo mu ebo kolesaga ebo menio. Te tama tebo sę ebogo dage dene genuai mu saibao,” wali.

Amos 5:24

Tialima, eno homugo dagego te po tų ebo kolesaga dolo naga eyu, te gasa wiegi yai doloba pai kolesaga dabe naga eyu, tama te kolesaga sesemane sogo mu elaludu, te me sula sisąbo genuai wę me deli elalubo tiwai elalubaso, usu dao,” wali.

Matyu 5:7

Te gasa bidi dabe augwali dali homu dene eyu augwali olo mu tau sabo we bidi dabe, te augwali homu pemene wiegi yai emainao. Te Godigo augwalibolo me te homu dene eyu olo mu tau sabo kolesaga yaibao.

Efesus 4:32

Te tobage dwai kolesaga munu me egimio. Te menio. Tama dagego duga ama dede dali deli homu eyu dwagi yai tau sabo sę yao. Tama duga hasi dali homu dene eyu, augwali godolo mu yao. Tama duga hasigo dwai sę dagebolo ebaso da, teda dage sębę egio, te dagego augwali godolo mu eyu augwaligo yali dwai sę sela sąyao. Te Krais agai dage tau selama tama Godigo dagego yali dwai sę sęgę sela sąwai dao. Te tiwai kolesaga dagego me tiao.

Tigidali Nai Gagalama Nigali Side 18:19

Eno aga sa muani, te agai aga wai pulubabolo me te aga wąį dabe augwalibolo olama, te augwaligo eno po wali pomainogo yaibao. Tama tiyu, augwaligo wiegi yai doloba pai kolesaga wali paibao. Tama tiyu, te eno agabolo te tigidali sę agabolo eno wali po gilama yaibao.’

Kolesaga Koneai Bidigo Pusali Po Elalubo Buku 12:13

Te tigidali po siminagasu, eno te tiwai po obao, te da bidigo bidibo ulade polalubo sę te tiwai elalubao. Dago God naga dologode bidiyu, tama agai bomai po dabe wali pao.

Hosea 12:6

Tialima, dagego duga Godiba konealubo po dąų olama, ma begasa asiąo. Tama dagego aga naga wali mu asiyu, te po tų ebode te doloba pai kolesaga naga eyu, tama agai dage tau sabo tonaluiąo.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Matyu 5:3

“Te kolesaga koneani we bidi augwali te Godigo gedude augwa digi usu elama aiyaba elaluama bidibo we bidi dabe, te augwali homu wiegi yai pemene ebao. Te Godigo obo tomode augwaligo bidabo madi elalubao.

Sefanaia 2:3

Dage we bidi hamaga isąnama Genuai Bidigo po sela sąsiama ebo we bidi, dage agaba asiąo. Dagego duga digi aiyaba elaluama, tama doloba pai kolesaga naga iyąo. Tialima, dagego te tama tiyu da, teda Genuai Bidigo sębę elama, tama te dwai pe te dwai we bidi dabebolo wei ponobo sogo dage da dologobeo.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Godigo Nogi Ugwaba Sabo Tęąbi Po Wabo Buku Dabe 37:26

Te sesemane sogo te doloba pai kolesaga ebo bidigo te olo mu tau sabo wiegi yai kolesaga eyu, tama te gasa we bidi dabeba nai hauwa mayu ebo dao, tama augwa wai dabego te aya ida wiegi yai homu pemene ilibo sę ebo dao.

Nehemia 9:13

Tama augwali te Sainai bulu duba sabalubo sogo, nage te dagalude bidiyu, tama augwaliba po miai. Tama nage aiyaba dulama, nage te bulu dude bidai. Tama nago augwaliba te wiegi yai doloba pai bomai po mawai dao.

Godigo Nogi Ugwaba Sabo Tęąbi Po Wabo Buku Dabe 112:4

Hulia sai elaluai, tialima ula pedelama, dwagi yai bidi dabe augwali te ulago tau sabo dao. Dwagi yai bidigo gasa we bidi dali dwagi yai sę eyu, augwali bugagia olo tau sabo homu elama, dolo bugagia bilibo dao.

Te We Bidi Dabego Jerusalem Hagede Gela Wali 3:26

Te we bidi augwali dua bidiyu, Genuai Bidigo augwali te boi bidi dabego nogode ma oda somainu tonalubo kolesaga eyu da, te wiegi yai dao.

Godigo Nogi Ugwaba Sabo Tęąbi Po Wabo Buku Dabe 112:9

Agai nai hauwa nai meni yai bidi dabe augwali mabo dao. Agai dwagi yai kolesaga sesemane sogo ebo dao. Tama agai genuai nogi agai bulude elaluaibao, tama augwaligo aga nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 73:28

Tiali goli, ena, te ena nage pąde bidibaso, tama te wiegi yai mu ebao. God, Genuai Bidi, nago ena mu seselalubo da, tama eno nago yali sę po tigidali hanilama, pusainu ebo dao.

Tuni Bidi Dabego Po Elalubo Buku Si 34:27

nago koneani, eno mena sę te Jerusalemba iyu, me tede bidibo we bidibolo eno yaibao wali sę po nago koneani dao. Tama nago te po odali sogo nago naga digi aiyaba eno gedude aiyaba elaluai dao. Tama me ma nago naga ugwa pisąlama, tama nago enaba gela olama, tama enaba i walio. Tama tialima, ena Genuai Bidi eno te po te obao, eno nago i wali po polo odalio.

Jems 2:20

Nage homu kolesaga meni yai bidi, te nago konealubo po naga dąų weyu, tama nago wiegi yai kolesaga dali esiąyu, tama nago te konealubo po dąų wabo te olo nai tiwai eyu te usu menio. Tama tibaso, nago te po page mu koneai homu ebawe?

Polgo Po Pas Rom Dabeba Asęani 7:16

Tama eno homugo hagela mu yali kolesaga te eno yali goli, eno koneani, te dwai sę dao, tama te kolesaga ebo eno hagela yalio. Tama tialigo da, eno homu me te bomai po me te deli dao, te eno te po obao, “Awe, te Godigo bomai po te wiegi yai naga dao.”

Tuni Bidi Dabego Po Elalubo Buku Si 32:26

Tiali goli Hesekia me Jerusalem dabe augwaligo dwai kolesaga tagalama, tama augwa digi augwa aiyaba elaluali. Tama tibaso, te king Hesekia bidibadi Genuai Bidigo augwali dene me mabeo.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

Polgo Po Pas Rom Dabeba Asęani 9:20

Bidi me deligo te tiwai po hanalu weyu da, teda eno te po wei ponoyu te po waibao, “Abagi, nage de da weyu, tama nago te po Godibolo ela palamuo. Ma te mama tǫgo nigali senego te aga nigali bidigo geda muani homu eyu, tama te bidibolo te po wai, ‘Magi baso nago ena te tiwai nigali’ po waibawe? Menio.

Dwagi Yai Gesi Po Lukgo Asęani 10:42

Tiali goli, sęgę yai nai deli mu te elalubao. Tama Mariago homugo te saiba homu yali te segąį nai te saleao. Mego me dobagobeo,” Jisasgo te po wai

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Tuni Bidi Dabego Po Elalubo Buku Si 33:23

Tama tiali goli agai aga digi Godigo gedude aiyaba elalubeo, te aga ayago yali tiwai ebeo. Menio. Agai dwai sęgę sabo sę genuai mu ela pidu geani.

2 Tesalonaika 2:16

Te dago Aya God agai da dali dwagi yai homu eyu, da godolo mu ebo dao. Tama tiyu, agai da olo mu tau siyu, dago homu kolesaga dwagi yai eyu, sesemane sogo bidada paibao. Tama agai da olo mu tau siyu, tama Godigo da nosali bugagia bidimainogo yaibao, da tonaluyu bidibo dao. Tama dago homugo dago Aya God dali, dago Genuai Bidi Jisas Krais dali, augwali sigo dagego homu kolesaga bomo dąų walomainao, tama dage tau sao, dagego tigidali dwagi yai kolesaga eyu, tama dwagi yai po naga omainogo yao. Dago homugo tama timainogo ebao, tama tibaso dago gedu haluasa po obao.

Tigidali Nai Gagalama Nigali Side 5:22

Tama Enok aga te God dali deli homu naga eyu bilali. Tama tiyu, aga te kibu be 300 ma bidibadi, tama aga te gasa ogwa wegi dabe me ame nai.

Pris Sę Ebo Bomai Po 26:41

Dagego hagoma ebaso, tialima eno dageba dwai dene menama, tama dage te duga boi bidi dabego tǫ kantriba tagala palali. Tialima, duga hanigo te hagoma ebo tagalobo sogo te augwa digi elaluama, te augwa yali sęgę dwai dene sobaso da,

Tuni Bidi Dabego Po Elalubo Buku Si 33:19

Tama king Manasego meba po dabe te gasa buku mede elalubao. Augwaligo te Profet Dabego Po Bukude elalubao. Te bukude agai dwai dwai sę dabe yali te po dabe me pusuyu, me agai Genuai Bidibolo tudi ola mani po dabe me pusa elalubao, tama te bukude te lotu wali pesage po, me te tibo godiba lotu wali pesage, me god we Asera piksa noma, me agai nogogo nigali tibo god piksa dabe po me tede elalubao. Te aga digi tibo god nigilama lotu weyu yali po me te Profet Dabego Po Bukude te elalubao. Tama te bukugo agai homu begelama, tama aga digi aga aiyaba elaluali po me tede te bukude pusai dao. Tama me agai Godibolo gedu haluasa po obaso tama Godigo agai gedu haluasa po odali po dabe pusali po me te elalubao.

1 Korin 7:16

We, nago te naga bidi tau selama, te aga Godigo po wali pabo bidi pedelabo, ma meniabo, te nago konebeo. Te nage bidi, te nago naga we tau sobaso tama aga te Godigo po wali pabo we pedelabo, ma te meniabo me, te nago konebe dao.

Tuni Bidi Dabego Po Elalubo Buku Si 30:11

Tiali goli te Aser hani bidi meba, me Manase hani bidi meba, me Sebulun hani bidi mebago te po odama, tama augwaligo augwa digi Genuai Bidigo gedude aiyaba elaluainu augwali Jerusalemba pali.

Dwagi Yai Gesi Po Lukgo Asęani 12:14

Jisasgo wei ponoyu, te po wali, “Bidi mego te nai bugulabo bomo enabolo mabe, te nai bugulabo eno usu egobeo. Te eno sę menio.”

Bomai Po 30:15

“Tialima suao, eno megi dage sunumi si te ola mobao, te tama tialima, dagego sunumi deli naga wali pali da, dage bidibo ula wiegi yai mu saibao, tama dage tigidali sogo bugagia mu bidaibao. Tiali goli, dagego gasa sunumidu pali da, teda dage dwai dene siyu elama, tama dage isaibao.

Aisaia 56:1

Genuai Bidigo te po wali, “Dage eno we bidi dabe, odao. Eno dagebolo te eno bomai po polobadu mawai dao. Tama eno dage dali te sesemane elaluabo po me dąų walai dao. Dagego te po si bugagia wali peyu, te wiegi yai doloba pai kolesaga naga iyąo, magi baso meni, te eno dage tau selama, ma sabo sogo, te pąba pedelai dao. Awe, dagego eno doloba pai kolesaga ebo tamadi sueibao.

Esekiel 33:14

Tama eno bidi dwai dabebolo augwali isimainao po wabo dao. Tiali goli, te dwai kolesaga ebo bidigo aga yali dwai kolesagaba tudi ola menama, tama agai doloba pai kolesaga naga idu baso da,

Maika 6:9

Te dago Genuai Bidiba wi homu ebo, te wiegi yai homu kolesaga dao. Genuai Bidigo te Jerusalemba i weyu, te tama po wai, “Dage te taunde bidibo we bidi dabe, dagego odiąo, te dage dene mabo bomo elalubo bidigo wabo po sao,” wai dao.

Sekaraia 7:9

“Polobadu eno te po ena we bidibolo mawai dao, ‘Te po tų ebo sogo te dagego tigidali wiegi yai doloba pai kolesaga naga iyąo. Tama dagego duga deli hani dabe dali hobede homu iyąo, tama augwali tau sabo sę yao.

Bomai Po 27:10

Tama tialima, dagego agai po wali piąo. Tama dagego agai bomai po eno megi dagebolo mabo, te po tigidali mu wali piąo,” wali.

Josua 24:14

Tama Josuago po ma weyu, te po wai, “Tialima, megi da, dagego te Genuai Bidi dologode bidiyu, agaba lotu po weyu, tama sesemane sogo dagego agade sę te dagego bomo tigidali teba munama, sę yao. Dagego te tibo godiba homu kone ebo tagalama, te duga wąį dabego te Mesopotemiade me te Isip pedai badu side bidali sogo augwalibolo te lotu po wali. Dagego te Genuai Bidiba naga lotu po wao.

Godigo Nogi Ugwaba Sabo Tęąbi Po Wabo Buku Dabe 101:1

Genuai Bidi, eno te nage wali mu pabo kolesaga, me te doloba pai kolesagade tęąbi po obao. Genuai Bidi, eno nageba homu kone palama, tama eno te tęąbi po obao.

Jeremaia 9:23

Genuai Bidigo te tama po wali, “Te po page koneai bidigo aga koneani kolesaga wiegi yai homu pemene igio. Tama bomai bidigo aga bomode homu pemene igio. Te mone bidigo aga monede wiegi yai homu pemene egio. Menio.

Jeremaia 22:16

Te doado bage meni yai bidi, me te doado bage sǫą pali bidi dabe, te sogo augwali te po tųba pedalubaso, agai augwaligo po te doloba pai kolesagade dagalali. Tama te tigidali we bidi te bugagia dugulaluali. Ena Genuai Bidi, eno po dolo obao, te ena konea pali bidigo ebo kolesaga mu te tama dao.