Maika 6:7 - Godigo dwagi yai po buku

⁷ Eno te hauwa umabo tausen tausen sipsip omai sela asiyu, ma te eno wel botol hauwa umabo mu tausen sela asobaso da, teda Genuai Bidigo wiegi yai homu pemene egowe, ma meniwe? Ma, te ena gomunai ogwa elama, te Godigo eno dwai sęgę sela sąmainu ofa ebaso, te usu egowe? Menio! Eno homugo yali sę dabe sela sąwainogo eyu, eno te ena tigigo sali wai te ofa mawaibawe? Menio!

Maika 6:7 Referans Kwoze

Te Israel me Juda Hani Sigo Tuni Bidigo Po Elalubo Buku Si 16:3

Meni. Agai te dwai kolesaga naga yali, te Israel hanigo king bidi dabego yali kolesaga tiwai naga yali. Tama me te agai te dwai kolesaga naga mu yali. Tama tiyu, te aga wai bǫų me elama, te tibo godiba ofa nai tiwai ula mayu, te siaba tigidali mu sese ulali. Tama agai dwai kolesaga mu wali pai polobadu te tǫde bidali Israel hani isąwai we bidigo yali kolesaga wali pali. Tiali goli, Genuai Bidigo augwali sela sąnama, tama te tǫ te Israel hani augwalibolo mani, polobadu.

Godigo Nogi Ugwaba Sabo Tęąbi Po Wabo Buku Dabe 51:16

Ma, te nago eno yali dwai sę sela sąmainu eyu, eno te kibu sipsip nagebolo ofa mobaso, nago sogobeo. Nago te sabo homu igi sogo da, teda eno te ofa magasigi da. Eno kibu sipsip me elama, siaba ulama, tigidali mu dela peyu da, te nago te ebo sęde dwagi yai homu egobeo.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.

Hosea 6:6

Dagego te hasa elama, tama enabolo olo mabo kolesaga, te tobage ofa sę ebo te eno godolo homu mu egobeo. Menio. Te dagego gasa we bidide homu dene eyu, tau sabo kolesaga ebo, te eno godolo mu ebo dao. Eno godolo ebo homu te dagego homu kolesaga te enaba sesemane momainu homu ebao, tama tiyu, te dagego ena bugagia konemainu homu ebo dao,” wali.

Jeremaia 7:31

Augwaligo te lotu wabo pesage nigali nogi Tofet poali, te Hinom Odogo Bulude nigali. Te augwaligo augwa wai puluba dabe digi te isiba ulali, te tibo godiba ofa tiwai yali. Tialima, eno augwaliba te kolesaga yao po me wabeo. Tama me, te eno te tobage bomai po dageba maiabo homu munu me ebeo.

Godigo Nogi Ugwaba Sabo Tęąbi Po Wabo Buku Dabe 50:9

Tiali goli, eno te dagego obo tomode te omai bulmakau, me ma meme omai te dagego ofade sabo homu ebo meni.

Te Israel me Juda Hani Sigo Tuni Bidigo Po Elalubo Buku Si 23:10

Te king Josaia agai te augwaligo te lotu wabo pesage nogi te Tofet wabo pesage te agai dolali, te bulu te Hinom bulu odogode elaluai dao, tama te bulu me te bidi dabego gedude meda mu ilali. Tama tibaso, te bidi dabe augwaligo augwa te buluba nosali ma begasa pelama, tama te augwaligo augwa wai bǫų elama, te tibo god Molekba te ofa nai tiwai gilama me augwaligo ula magi pogobe.

Te Israel me Juda Hani Sigo Tuni Bidigo Po Elalubo Buku Si 21:6

Tama agai te aga ogwa elama, tama agai aga te wai te siaba sese ula palali, te ofa nai ulubo tiwai gilama yali. Tama agai te polobadu isali bidi isi bidigo aga tau somainu i wali, tama agai me te sogo yesi bidi me hanalu wali, tama te bidi dabe augwaligo aga tau somainu, tama agai te haniani kolesaga umabo mu yali. Manase agai te Genuai Bidi gedude sęgę sabo kolesaga genuai mu sęgę sali. Tama agai tama tibo dwai kolesaga ebaso, tama te Genuai Bidigo te king Manase dali sębę genuai mu yali.

Te Israel me Juda Hani Sigo Tuni Bidigo Po Elalubo Buku Si 3:27

Tama tibaso, te Moap king bidigo te agai godigo aga tau sao homu eyu, te aga te gomunai ogwa selama, aga te waigo te aga isibode te king nigilama, te king sę yaga wali ogwa. Tama te kingo aga te ogwa selama, tama elama, te tibo godiba ofa nai ula mawainogo te wai elali, te ogwa te isiba sese ulama, te ofa tigidali dela pela silali. Te ofa te Moap bage augwa te tibo godiba ula mawai. Agai te ofa nai ulali, te taun genuai obo ugwa badu daide ofa nai ulai. Israel bage augwaligo te tama tibo sulama, tama te augwali te sęde dwai homu mu yai. Tama augwali te boi hwįbo tagalama, tama te augwali te augwa buluba ma pai.

Aisaia 40:16

Te we bidi dabego te tigidali kibu hasa elali, me te Lebanon genuai ni silide te tigidali ni togolama, te augwaligo genuai sia nogolama, te kibu hasa tigidali te ofa tiwai eyu, te siago tigidali domainu igi da, te tagalao, augwaligo te ofa te God gedude olo nai tiwai igi dao.

Pris Sę Ebo Bomai Po 18:21

“Odao, ena duga Genuai Bidi eno dagebolo te duga wai dabe elama, te isiba ulama, te tibo god Molekba ofa ebo habu selama, te po eno dageba bomai po obao. Tiyu, dagego eno nogi aiyaba elaluidalio, te dagego God dao,” wali.

Filemon 1:12

Te eno te bidi Onesimus dali dwagi yai homu eyu godolo mu ebo digi, megi eno aga nage pageba ma tagala palobao.

Amos 5:22

Dagego te isiba tigidali ulama dabo ofa yabo nai sesebaso, me wit me ofa ebo goli, te ofa denami ebo eno me odogobeo. Dagego te bulmakau dabeba nai madubaso, te augwali nisalio. Tama dagego te bulmakau dabe te enaba ofa tiwai eyu, buba hwi wainogo sesali goli, eno te ofa dabe me sula tagalaibao.

Esekiel 23:37

“Augwali si te penani we da, te bidi me ela muai dao. Augwali sigo te tibo god dabe dali penani tiwai yali. Augwali sigo eno wai dabe ame nani, tiali digi augwali sigo augwali elama, te tibo god dabeba ofa eyu yalio.

Jeremaia 19:5

Augwaligo te tibo god Balba lotu wabo pesage dabe nigilama, tama augwa wai dabe digi te siaba ulali, te Balba ofa ebo tiwai yali. Tialima, eno augwalibolo te kolesaga yao po me wabeo. Te eno bomo yai pode me tebeo, tama me te eno te tobage bomo yai po maiabo homu me isąwai dao.

Jopgo Po Asęani Elalubo Buku 29:6

Tama eno bulmakau kibu, me meme kibu sigo ame pę hauwa mu sai dao. Tama te oliv du wel te eno masigigo nigai tang wę digi pągąnaluai dao,” wali.

Te Israel Tobolu Bidi Dabe 11:39

Te polua si silama, tama aga aya bidiboba ma asali, tama ayago te Genuai Bidi dali bomai po dąų wali gilama tama tialio. Tama te wegi te bidi me deli dali me pagela pisąwai wegi. Te Israel dabede elalubo kolesaga page tama telalubo dao.

Te Israel Tobolu Bidi Dabe 11:31

teda eno te hwįgi pali silama, te ena eno beba ma asobo sogo, tama eno be taga soyu te sunumiba te ena tiąba asobo bidi da, teda eno aga te nagebolo mawaibao, te ofa me deli te tigidali siaba ulumainu ebo gilama yaibao,” wai.

Pris Sę Ebo Bomai Po 20:1

Te Genuai Bidigo Mosesbolo te tiwai po walali,

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Bugagia Bidibo Kolesagade Po Asęai Buku 21:3

Dago te wiegi yai doloba pai kolesaga wali pao. Te Godigo gedude te tobage kolesagago te dago agaba ofa mabo te aiyaba mu elalubo dao.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Hosea 5:6

Augwaligo sipsip me bulmakau te Genuai Bidiba ofa yainu sali, tiali goli augwaligo te ofa olodali yali. Magi baso meni, Genuai Bidigo augwali tagalali, tama tiyu augwaligo aga munu ma susiąbo ąǫ yai.

Godigo Nogi Ugwaba Sabo Tęąbi Po Wabo Buku Dabe 51:18

Naga homu kolesagago digi, te Saion we bidi dwagi yai homu ma ilao. Naga digi Jerusalem genuai hanu moni masigigo nigali obo ma dodolao.

Jeremaia 6:20

Augwali te Sabea hani bidi dabeba pelama, te wiegi yai denami ebo hano yabo pauda abeligi pali. Tama augwa te tobage awi te wiegi yai denami ebo nai abelali, te digibulu bidi dabede abelai. Augwaligo homugo te nai dabego te augwa lotu wabo te wiegi yai eno gedude pedelaibao homu eyu tiali. Tialima, menio. Tama me, eno te augwaligo siaba ulama tigidali domainu ebo ofa, me te gasa ofa dabe augwaligo enabolo ebaso, te eno wiegi yai homu pemene ebo menio.