Maika 6:6 - Godigo dwagi yai po buku

⁶ Te ena te dagalude Genuai Bidi Godiba lotu wainu asobo sogo da, teda eno mena nai sesaibawe? Eno aga gesbidide kidu sugunama, eno magi maiabo nai elaluaibawe? Te eno wiegi yai bulmakau wai mu selama, te siaba ulugi pabo ofa yaibawe? Ma, eno te kibu be me deli elalubo dwagi yai kau kibu wai dabe sesiyu, tama siago dela silibo ofa mobaso da, teda te usugowe, ma meniwe?

Maika 6:6 Referans Kwoze

Godigo Sęba Tagala Palai Bidigo Po 2:37

Te we bidi augwaligo te po odobo si, augwali moni homu mu elama, Pitabolo me, tama me badu Jisasgo tagala palai bidi dabebolo me te po wai, “Hani bidi ama dede, da magi egowe?”

Dwagi Yai Gesi Po Makgo Asęani 5:7

Agai bomo elama mu i weyu, te po wai, “Jisas, nage ugwade bidibo Godigo ogwa mu, nago magi sę enade yainogo ebawe? Eno te Godigo nogide nagebolo hanalu obao, nago te dene enabolo me magio,” te po wai.

Matyu 19:16

Te me sogo bidi me deli Jisas pageba sabolama, te po wai, “Po ola mabo bidi, eno mena tiwai wiegi yai kolesaga elama, tama ena te bugagia sesemane sogo bidada peyu, bidada pabo ula sogowe?” Te bidigo te po wai.

Daniel 3:26

Tama Nebukatnesar te stov sia nogani pąba pelama, tama i wai, “Satrak, me Mesak, me Abetnego, dage te Ugwade Mu Bidibo Godigo sę bidi dabe dao, dage buluba dią soao.” Tialima, polo tama augwali buluba dią asalio.

Godigo Sęba Tagala Palai Bidigo Po 16:30

Tama agai tega si buluba odasa pelama, hanalu wali, “Dage si genuai bidi dao. Eno magi sę elama, Godigo eno yali dwai sę sela sąmainu, Godigo ena ma sogowe?” wali.

Godigo Sęba Tagala Palai Bidigo Po 16:17

Tama te wegigo agai da dali Pol dali sulama, wali asali. Wali asobadi, agai po bomonama mu wali, agai te po weyu, we bidi dabebolo te po wali, “E bidi dabe te Genuai Bidi Godigo sę ebo bidi dao,” wali. “Augwali asali da, dagebolo Godigo dage ma sabo tų po ola mawai hagede asalio,” te po wai.

Dwagi Yai Gesi Po Jongo Asęani 6:26

Jisasgo po wei ponoyu, te po wai, “Mu tama eno dagebolo obao, dagego eno yali bomo yai sę page homugo koneama, ena gegeyu ebeo. Menio. Dage eno te mani bret tulama, tama dage haliga pągąwai dao. Te tiali pagede dagego ena gegebo sę ebao,” wai. Jisasgo te po Juda bage dali wai.

Dwagi Yai Gesi Po Lukgo Asęani 10:25

Te Juda dabego bomo yai po ola mabo bidi me asama, Jisas usu sai hagede, agai po hanalubo po wagasali. Agai te po wali, “Po ola mabo bidi, eno noma te bugagia gamonabo pesageba painu, magi sę yagawe?”

Daniel 5:21

Godigo agai homu kolesaga te kibu hasa dabego homu kolesaga tiwai pedalumainu ilali, tama te we bidi dabego aga sela sąwani. Tama aga te bulu uni yowi donki dabe dali bidigi pelama, tama aga te bulmakau dabego nosai tubo tiwai yaligia agai me tuali. Tama hulide tulubage segeni aga tigiba tulaluai. Tama nosali agai te tiwai koneani, te Ugwadu Mu Bidibo Godigo te tigidali we bidi tonalubo king bage tonalubo dao homu yalio. Te God agai homugo digi, agai te bidi dabe king pedalumainu ebo dao, te nago ayago aya king Nebukatnesargo te tiwai konea sai dao,” Danielgo te po wai.

Daniel 5:18

“Odao. Te Ugwadu Mu Bidibo Godigo te nago wąį Nebukatnesar te bomai genuai king pedalumainu ilali. Tama agai genuai nogi elalu, te ugwanu egulama, tama ugwadu daide mu elaluai dao.

Daniel 4:9

‘Beltesasar, te kolesaga koneai bidi dabego tobolu bidio, eno koneani, te bomai god dabego nageba te homu kolesaga menama, tama te magi nai me deli nagede geme dualalubeo. Tialima, eno na yali po megi odama, tama nago te nade yali po page pusao,’ wali.”

Godigo Nogi Ugwaba Sabo Tęąbi Po Wabo Buku Dabe 95:6

Dage asiąo, dago tobolu basi gulama, tama agaba lotu wainao. Genuai Bidigo da nigai. Tialima, da aga pąba pelama, tama kidu sugunao.

Godigo Nogi Ugwaba Sabo Tęąbi Po Wabo Buku Dabe 22:29

Te dwai kolesaga eyu, hagoma ebo bidi dabego kidu sugunama, tama agaba lotu waibao. Te bidabo ula elalubo usu isiąyu, te isabo ąǫ ebo bidi dabego, te tigidaligo kidu sugunama, te Godiba lotu waibao.

2 Samuel 21:3

Megi da, te Gibeon dabego Devit suagasobaso, tama agai augwaliba te tama po wai, “Eno homugo dago dageba te dwai sę yali dodolainu ebao, tama dagego te Genuai Bidiba hanaluama, te aga we bidi hani dabolo wiegi yai sę emainu yao. Dagego homugo eno magi sęgo te dwai sę yali dodolumainu homu ebawe?” Devitgo te Gibeon bage te po hanalu wali.

Ma Dobola Sali 12:5

Tama dagego kibu sipsip omai, ma te meme omai, te kibu be deli yai sa muao. Dagego te sipsip meme te tigide keni keni yai me selamo dao.

Efesus 3:14

Te Godigo agai homugo da Juda bidi hani dali te dage Juda hani isiąwai bidi hani dali te si deliba wadolama te hani deli tiwai elama bidimainu yali. Tama te hani si deliba wadolabo homu yali te homu Godigo polobadu osogo dualaluali. Tama polobadu Godigo dualaluali po page megi eno homude konebaso da, teda eno kidu sugunama God Ayabolo hanalobo dao.

Dwagi Yai Gesi Po Makgo Asęani 12:33

Dago aga godolo mu ebo, te tigidali homugo me, te tigidali kolesagago me, te tigidali dago bomogo tama tiao. Tama dago gasa bidi godolo yainu te denade godolo ebo tiwai gilama yao. Dago te bomai po si wali pali da, teda te kolesagago te dago te Godibolo siaba tigidali te hasa ulubo ofa ilibo te tigidali aiyaba elaluama, tama te gasa ebo ofa tigidali me te aiyaba elalua silaibao,” te bidigo te po wai.

Hibru 10:11

Te tigidali pris bidi dabe augwali doligulama, tama augwa pris sę tigidali sogo ebo dao. Tama tiyu, augwaligo te ebo ofa tiwai naga me idu gebo dao. Tiali goli te ebo ofa dabego te we bidigo dwai sęde sali sęgę sela sąbo usu munu me egobeo.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.

Godigo Nogi Ugwaba Sabo Tęąbi Po Wabo Buku Dabe 95:2

Da te aga pąba pelama, tama agaba usu da po wao. Dago te wiegi yai pemene ebo balia po meba weyu, tama agai nogi ugwaba sinao.

Aisaia 40:16

Te we bidi dabego te tigidali kibu hasa elali, me te Lebanon genuai ni silide te tigidali ni togolama, te augwaligo genuai sia nogolama, te kibu hasa tigidali te ofa tiwai eyu, te siago tigidali domainu igi da, te tagalao, augwaligo te ofa te God gedude olo nai tiwai igi dao.

Jeremaia 6:20

Augwali te Sabea hani bidi dabeba pelama, te wiegi yai denami ebo hano yabo pauda abeligi pali. Tama augwa te tobage awi te wiegi yai denami ebo nai abelali, te digibulu bidi dabede abelai. Augwaligo homugo te nai dabego te augwa lotu wabo te wiegi yai eno gedude pedelaibao homu eyu tiali. Tialima, menio. Tama me, eno te augwaligo siaba ulama tigidali domainu ebo ofa, me te gasa ofa dabe augwaligo enabolo ebaso, te eno wiegi yai homu pemene ebo menio.

Esekiel 46:9

“Te we bidi augwali ena Genuai Bidiba augwaligo te lotu wabo sogo naga lotu wagasiyu yaibao. Tialima, augwali u not badu genuai obo sunumi badu tomoba asai baso da, teda augwali lotu ola silama, tama augwali u saut badu te genuai obo sunumi badu buluba ma pomainao. Tialima, augwali saut badu obo sunumi badu tomoba aselama, lotu wagasai baso da, teda augwali te not badu te obo sunumidu buluba ma somainao. Augwali augwa te asali sunumidu deli naga augwali ma pelamo, menio. Augwaligo te obo gasa sunumidu taga pao.

Hosea 5:6

Augwaligo sipsip me bulmakau te Genuai Bidiba ofa yainu sali, tiali goli augwaligo te ofa olodali yali. Magi baso meni, Genuai Bidigo augwali tagalali, tama tiyu augwaligo aga munu ma susiąbo ąǫ yai.

Amos 5:22

Dagego te isiba tigidali ulama dabo ofa yabo nai sesebaso, me wit me ofa ebo goli, te ofa denami ebo eno me odogobeo. Dagego te bulmakau dabeba nai madubaso, te augwali nisalio. Tama dagego te bulmakau dabe te enaba ofa tiwai eyu, buba hwi wainogo sesali goli, eno te ofa dabe me sula tagalaibao.

Ma Dobola Sali 23:15

Tama dagego te Bo Disiąwai Nai Bret te genuai side te me bodolu munama, tama sisinama, lotu po wainogo, te eno wali po gilama tiwai yao. Tama dagego te bo disiąwai nai bret te a naga olama nogo me badu si, te tama sogo polua nogi Abip, te sogode te nai tuabo bodolu muai dao. Magi basowe, te poluade naga dagego te bulu Isip taga soai. Tama dagego enaba lotu po wagasainogo da, dagego te ofa yabo nai deli me selasa asiąo.”

Godigo Nogi Ugwaba Sabo Tęąbi Po Wabo Buku Dabe 116:12

Genuai Bidigo enaba wiegi yai sę mu yalio. Tama tialima, eno magi nai agaba mawaibawe?

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Bugagia Bidibo Kolesagade Po Asęai Buku 21:3

Dago te wiegi yai doloba pai kolesaga wali pao. Te Godigo gedude te tobage kolesagago te dago agaba ofa mabo te aiyaba mu elalubo dao.