Maika 6:1 - Godigo dwagi yai po buku

¹ Genuai Bidigo te Israel po tų ilibo dagego odiąo. Genuai Bidi, nage aselama, augwali po tų yagasao, tama te bulu du dabe te po tų ebo odobo jas bidiyu, tama augwaligo te nago po dagalaibao.

Maika 6:1 Referans Kwoze

Jeremaia 22:29

Israel tǫ, Israel tǫ, nago Genuai Bidigo po odao.

Bomai Po 32:1

“Dagalu dali, tǫ dali, dage sigo eno po odao. Eno wabo poba bugagia olo munama, odao.

Maika 1:2

Dage tigidali we bidi hani, te po odiąo. Dage te tǫde bidibo bidi tigidali, te Godigo poba olo muiyąo. God Genuai Bidigo dage po tų ilaibao. Dagego odao. Genuai Bidi aga be te dagalude bidiyu, te po walio.

Esekiel 36:1

Genuai Bidigo ena dali e tama po wali, “Tǫde bidio, nago te Israel dabego bulu du dabebolo eno augwalibolo wainogo ebo te poba bugagia olo saganama odao po walao.

Godigo Nogi Ugwaba Sabo Tęąbi Po Wabo Buku Dabe 50:4

Agai te dagalu me tǫ asomainu i olama, augwali sigo agai te aga we bidi dabego ebo kolesaga te bugagia dagalobo suagasamainu eyu, agai augwali si i obao.

Bomai Po 4:26

Odiąwe, megi eno te dagalu me tǫ si i obao, te augwaligo eno dage dali te wabo bomai po odomainu. Ma, dagego Godigo po sela sąyani da, teda dua dao. Godigo dage tigidali polo tama te tǫde sela sąwaibao. Tama dage te Jordan wę u badu elalubo te tǫde bobobage sogo bidigobeo, te dagego megi te sainu ebo te tǫde. Menio. Dage sese sia saibao.

Esekiel 36:8

Tiali goli, te ni dabe te dagego bulu du dabede ma holaibao. Tama augwaligo yabe hauwa solama, tama augwali du hauwa walaibao. Dwasianu sogo mu tama, eno we bidi dage Israel dabe dage te kantri Israelba ma asaibao. Tama dagego te wiegi yai ni du dabe tuaibao.

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Dwagi Yai Gesi Po Lukgo Asęani 19:40

Jisasgo te po wei ponani, “Eno dagebolo obao, e we bidigo sagia sobaso, teda e masigi dabego te tobage po wabo gagalaibao, Godigo nogi ugwaba saibao,” wali.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.

Esekiel 37:4

Tama Genuai Bidigo enabolo te po wali, “Eno homugo nago eno po te dili dabebolo pusao. Te dili dabebolo e tama po pusao, ‘Dage dili mu wa pai dabe, dagego Genuai Bidi eno po odao.

Jeremaia 13:15

Dage Juda, Genuai Bidigo po dageba walio, te dagego agai poba bugagia olo muiąo. Dagego hagoma munu me elamu dao wali.

Amos 3:1

Dage Israel, dage tigidali hani Genuai Bidigo dage Isipde ma dobola selama, odasa asali, dagego agai dagebolo mabo po odiąo.

1 Samuel 15:16

Tialima, Samuelgo agabolo te po wai, “Sagia sao. Pedauwali panialuao. Tama eno nagebolo te Genuai Bidigo megi hulide enabolo wali po waibao,” wali. Tama Solgo te po wai, “Te usu da, nago enabolo wao.”

1 Samuel 12:7

Tialima, dagego olo bugagia munama odalubadi, tama eno dage te Genuai Bidi gedude po tų ilaibao. Eno dagebolo te po obao, te Genuai Bidigo bomai sę elama, te dage me ma siyu, te duga wąį nǫų dabe me ma sai dao.

Maika 5:15

“Te eno haliga sębę mu elama, tama te eno po sela sąbo haniani we bidi hanigo te hagoma ebo kolesaga eno wei ponaibao,” po wai dao.

Maika 6:2

Dage te bulu du dabe, dage te tǫ page dąų waliyu, te tǫ sesemane bidada pidu, bidada pabo nai dabe, dagego te Genuai Bidigo po tų ebo odiąo. Magi baso meni. Genuai Bidigo aga we bidide po olama, waibao. Agai po te Israel dabeba kisilama waibao.

Aisaia 3:13

Genuai Bidigo tigidali we bidigo po tų odainu no sealuba.

Esekiel 6:3

Te Israel dabe augwaligo bulu du dabe, me odogo bulu dabeba te tama po wao, augwaligo te ena God Genuai Bidigo, eno augwaliba wainogo ebo po odiąo po wao. Eno te boi bidi dabe tagala palama, te Israel dabe augwaligo te tibo godiba lotu wagi pabo bulu du dabe dolaibao.