Maika 5:8 - Godigo dwagi yai po buku

⁸ Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.

Maika 5:8 Referans Kwoze

Sekaraia 10:5

Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.

Sekaraia 12:3

Te tama tiabo sogo pedalubaso da, teda eno te Jerusalem te sęgę yai masigi me deli mu tiwai ilaibao. Te tigidali bulu tǫ kantri bidi dabe te Jerusalem dali boi hwįainu teba sisinagasaibao, tiali goli augwa digi dolaibao, bidigo te moni sęgąį masigi ugaba sagulubo tiwai gilama mu yaibao.

Sekaraia 9:15

Tama Genuai Bidi Tigidali Bomo Elalubo Bidigo te aga we bidi tudi badu tonalu posolalueibao, tama augwaligo augwa boi bidi dabe ela silaibao. Te boi hwįbo side te augwaligo i wabo te bomai ąį tuai bidigo i hae wabo tiwai eyu, tama augwaligo te boi bidi dabe ela mueibao. Te boi bidi dabego kaneme te augwaligo te ofa yainu te poude tabilama te altaba gealubo tiwai yaibao.

Hosea 5:14

Megi da, ena te bomai laion tiwai pedalama, tama eno te Israel me Juda si dali hwįaibao,” wai. “Te ena digi eno augwali pepeda palama tagalaibao, tama augwali te tiwai bidimainu yaibao. Te eno augwali kekasa pelama, te bidi me deligo augwali tau siyu, eno nogode ma sainu ebo usu me egobeo,” wali.

Godigo Nogi Ugwaba Sabo Tęąbi Po Wabo Buku Dabe 50:22

“Te ena tudiba mubo we bidi, dagego odao. Te dage te tiwai tama bididubaso da, teda eno dage dolaibao, tama te bidi me deligo dage ma sainu ebaso, te usu me egobeo.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Godigo Sęba Tagala Palai Bidigo Po 18:6

Tiali goli, augwaligo homugo te po pusubo po odobe. Augwaligo agade sębę yali, tama augwaligo aga dali dwai po mu wali. Tama tibaso, Pol aga tama kolesaga yali, agai nogogo te aga gudali ugwade elaluali pobele bage tedala sąyani. Tama tiyu agai te dąį yali, agai nosali augwali ma homu egobeo olama, te sę yali. Tama agai augwalibolo po walali, “Tialima, nosali dage hagawai baso da, duga sę dao,” wali. “Eno sę menio. Tialima, megi eno dage taga peyu, eno te Israel hani isąwai bidi dabebolo Godigo po pusa mawaibao,” te po wai.

Matyu 10:14

Tama bidi me deligo beba dage me sela pisąma, tama dagego po me odisąbaso da, teda te be dali te hanu si tagalama, tama dagego duga sągąde pu elalubo pobele bage sela sąyąo, te augwaligo konemainogo te Godigo me augwali tagalai.yabo te homu emainogo yao.

Tigidali Nai Gagalama Nigali Side 49:9

Juda, nage te gesi ogwa bidi laion me deli tiwai. Agai te aga hasa elama, tama nosali te aga geme dualalubo pesagede geme ma duala sigi pabo tiwai yali. Juda te ogwa bidi laion me deli tiwai aga da. Agai te aga sągą dili dodolama, tama nosali aga pibo da. Tama me deligo te aga dali hagoma me eyu me egobeo.

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

Israel Hanigo Namba 24:9

Israel dabe te boma pai laion tiwai dao. Te aga pilamubadi da, te bidi me deligo aga hodolobo usu egobeo. Ma, te bidi mego Godigo te Israel dabe dali wiegi yai sę yao po wali da, teda eno homugo Godigo te bidi dali wiegi yai sę yaibao. Ma, te bidi me deligo Godigo te Israel dabe dolomainao po wali da, teda eno homugo Godigo te bidi dolaibao,” Balamgo te po wai.

Godigo Nogi Ugwaba Sabo Tęąbi Po Wabo Buku Dabe 44:5

Te nago bomogo naga dago te boi bidi dabe sela sąyu ebo dao. Mu tama, nage da dali bidiyu, tama dago te da dali hwįbo bidi dabe aiyaba elaluyu, sągągo agabo dao.

Godigo Nogi Ugwaba Sabo Tęąbi Po Wabo Buku Dabe 104:20

Nago be huliao wabo dao, tama hulide uni hasa dabe bilibo dao.

Bugagia Bidibo Kolesagade Po Asęai Buku 30:30

Te laion dabe te boma pai mu elaluyu, te gasa hasa sibi aiyaba elalubo dao. Te augwali bilibo sogo, augwali te magi nai me delide wi me eyu me egobeo.

Aisaia 5:29

Te ami bidi dabego te hai wabo te laion yowigo bulu hasa ela munama, dągą wabo tiwai waibao. Augwaligo boi bidi dabe toulama, tama sela paibao, te laion yowigo bulu hasa elama, sela pabo tiwai yaibao. Tama bidi mego augwali ma sogobeo.

Esekiel 39:10

tama te kibu be a naga olama, me badu nogo si te kibu bede augwaligo buside o kala sili bulude isi gegebo sę meni yaibao. Menio. Te augwaligo te hwįbo nai dabe naga augwaligo isi ulubo sę eyu yaibao. Tama te kolesagago da, te Israel dabe augwaligo augwa boi bidi dabe augwaligo dwai kolesaga wei ponaibao. Te boi bidi dabego Israel dabe doado bage dabe wi sai, tama megi da, te Israel dabego te boi bidi dabego nai dabe saibao. Te da, God Genuai Bidi eno po dao,’ nago te po te bidi Gokbolo pusao,” wali.

Maika 2:12

Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.

Maika 4:7

“Te hani bidi te dwasianu naga dao, te augwali te augwa page bulu digibulu bidali, te bilabo usu meni yani, tiali goli te eno ma gagalama, te augwali bomai hani we bidi pedalumainu ilaibao,” wali. “Tialima, ena te augwa king te Saion bulu dude sesemane bidada peyu, bidada paibao,” wai dao.

Maika 5:3

Tialima, Genuai Bidigo aga we bidi dabe digi te boi bidi dabego nogode bidimainu ilama, te Godigo we me deli sa mubo sogoba usu niyu, te ogwa me deli ame naibao. Tialima, te sogo te bidigo abagi dabe augwali te gasa bulu tǫ kantride kalabus sę igi pali bidi dabe, te augwali ma aselama, te augwa hani dali deliba ma sisinagasaibao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Sekaraia 11:6

Genuai Bidigo te tama po wai, “Te eno te tǫde we bidi dabe homu dene me egobeo. Te ena digi eno te tigidali deli deli te augwali te augwa kingo nogoba mueibao. Tama te king dabego augwali dolaibao, te sipsip kibu dabe aga ayago te sipsip kibu elebo tiwai yaibao. Te kingo augwali dolobo sogo da, teda eno augwali me tau sogobeo,” te po wai dao.

Malakai 4:3

Eno te sę dabe ebo sogo te dwai sę ebo bidi dabe dagego aiyaba elalueibao, tama augwali te tǫ hogomu agabo tiwai yaibao,” wai dao.

Sekaraia 14:18

Te Isip dabe augwaligo te Tolu Yabe Bede Osogo Bidibo Genuai Bodolu Muani Side te Jerusalemde lotu wabo hagela homu ebaso da, teda te deli tigi poai gasi te Genuai Bidigo te pisąbo homu meni yani te bidi dabeba tagala palali, te gasi Isipba me pedelaibao.