Maika 5:6 - Godigo dwagi yai po buku

⁶ Te augwaligo Asiria dabe dali hwįbo bomo mu elama, te moni bobobage bainat hwągo te augwali aiyaba elaluama, te augwa bulu tǫ kantri nogi Nimrot te saibao. Tama tebogo te Betlehemde pedelali genuai tuni bidigo da te Asiria bagego nogode ma dobola saibao. Te Asiria bage dago tǫ dąį bolama, hwįagasobo sogo, agai tama tiaibao.

Maika 5:6 Referans Kwoze

Aisaia 14:25

Te Asiria dabe eno tǫba aselama, tama eno we bidi sęgę tolomainu yaibao. Te Israel dabe te bulmakau kibu tiwai bidibao. Te bidigo sęgai ni name magede munama, tama sę emainu tonalubo tiwai yaibao. Tiali goli, te Asiria dabe Israel dabego bulu dude dabe bidibadi yaide, teda eno augwali agalama, mimieibao. Tama te genuai sęgę Israel dabego tolali, te sęgę dabe sese mu tama silaibao,” wali.

Dwagi Yai Gesi Po Lukgo Asęani 1:74

Tama agai sę dago dąų olama, tulama, wi egobeo.

Dwagi Yai Gesi Po Lukgo Asęani 1:71

God agai polobadu agai da boi bidigo nogode ma saibao wali po te sabao, te da dali dwai homu ebo bidigo nogode me agai da sali.

Sefanaia 2:13

Tama aga bomogo naga Genuai Bidigo te kantri Asiria we bidi dola silaibao. Te kantri te not badu te elalubao. Tama agai augwaligo genuai taun Ninive dolaibao. Tama te taun te olo nai meni yai olo tǫ wa pai bulu elaluaibao, tama bidi te bulude me bidigobeo.

Nahum 2:11

Hasia te genuai taun bomo mu elalu, te laion dabego be dabe tiwai elaluali, tiali goli megi da, menio. Polobadu Ninive te bomai ogwa bidi laion bugagia bidiyu, aga nai tuabo madi tiwai elaluali, te laion so me wai puluba te geme dualalu, te boi bidi dabego augwali dolomainu me ebeo. Te hasa elibo laiongo te hasa dabe te dwasianu aga kakali minama, aga so me wai dabe augwaliba mani. Aga beba te hasa pągąna palali. Tiali goli megi da, aga be mena elalubawe? Te be dolai dao.

Aisaia 33:1

Dage te gasa bulu dabe dolobo hani, dage dolaibao. Te mu tama, dage me dolobe dao. Tiali goli, dagego gasa bulu dabe dolobo bodolu sia saibao. Tama duga digi duga dolaibao. Dagego te gasa hani dabe ili po walama, tama dagego te po mia selama, tama dagego augwali te boi bidi dabego nogoba mubo dao. Te mu tama, te gasa hanigo da dage me ili po me ola masiąbadi goli. Tiali goli, dagego te gasa bidi dabe ili po wabo sogo te sia saibao. Tama te gasa bidi dabego dage ili po olama, tama dage te boi bidi dabego nogoba muaibao.

Aisaia 14:2

Awe, Genuai Bidigo te Israel hani isąwai we bidigo te Israel dabe augwa buluba ma asomainu tau somainu ilaibao, te Genuai Bidigo augwalibolo sa muani tǫ dao. Tama te we bidi dabe te Israel dabego olo sę ebo we bidi tiwai pedalaibao. Te bidi hani polobadu Israel dabe kalabus elaluali bage, megi da augwali Israel dabego kalabus bidi dabe bidaibao. Te polobadu te Israel dabe aiyaba elaluama, augwali dali dwai sę yali. Tiali goli, megi da, Israel dabego augwali tonaluaibao.

Tuni Bidi Dabego Po Elalubo Buku Si 33:11

Tama tibaso Genuai Bidigo Asiria ofisa bidi dabe augwa ami bidi dabe dali tagala palama, tama augwaligo Juda dabe dali hwįnama, tama augwali aiyaba elaluali. Tama te Asiria dabego Manase pagabi elama, tama aga gunide huku munama, tama augwaligo aga sen gebelama, tama aga augwa page bulu Babilon buluba odasa pali.

Te Israel me Juda Hani Sigo Tuni Bidigo Po Elalubo Buku Si 15:29

Te bidi Peka king bidibo sogo, te Tiklat Pileser, te Asiria king bidi, augwali asama, te Israel hani dali boi hwįagaselama, tama augwali aiyaba elaluama, tama te Asiria hanigo te taun tigidali sesa pali, me te taun Ijon sali, me te taun Abel Betmaka, tama me te taun Janoa, tama me te taun Kedes, tama me te taun Hasor, tama te genuai distrik Gileat, tama me te moni distrik Galili me, tama te Naptali hanigo tigidali tǫ pedai dabe me, te Asiria hanigo sali. Tama te bulu we bidi dabe augwaligo selama, tama te Asiria digibulu buluba kalabus mugi pali.

Dwagi Yai Gesi Po Lukgo Asęani 24:27

Tama Jisasgo Mosesgo asęani pode gagalama, tama tigidali Godigo sę nosali pedelabo po ola mani profet bidi dabego po Jisasgo te bidi sibolo ola mawai. Tigidali po buku dabede wali po Jisas aga tigide digi yali sę po wai. Te Jisas aga dali po page mu te bidi si dali ola mawai.

Aisaia 37:36

Tialima, te sogo hulide naga, te Genuai Bidigo ensel mobo bidi me deli te Asiria dabe bidalubo pesageba pelama, te umabo bidi sese hauwa 185,000 ami bidi ela muai. Te kigamu mu Senakerip hodaluama, te ami bidi dabe isai tigi munalua pabo sualio.

Aisaia 37:37

Tialima, aga dali te meba bidibo ami bidi dali, augwali hogodama, te Asiria pabo sunumidu begasa wali palio. Tama Senakerip te moni hanu Niniveba pelama, bidigi pai dao.

Bomai Po 32:2

Eno pogo te dage we bidi bugagia sę mu ilaibao, te tulubage tulama, tama te nosai dabe bugagia holobo tiwai yaibao. Eno pogo da, te tulubage tulama, tama te tubo nai dabe hogodo gesi ma holama, dila pelama, tama genuai ebo tiwai yaibao.

Tuni Bidi Dabego Po Elalubo Buku Deli 1:10

Kusgo gasa ogwa me elaluai, aga nogi te Nimrot. Nimrot te hasia mu te we bidi tonalubo bomai king bidi pedelama bidali.

Jopgo Po Asęani Elalubo Buku 29:22

Eno po augwaligo haliga tomoba mu pai dao, te tulubage te tǫ tomoba pabo tiwai tama yai dao. Tama eno po ola silibo si da, augwaligo po mu meni yai dao, te eno homu kolesagade ebo po iba tega sabo meni.

Godigo Nogi Ugwaba Sabo Tęąbi Po Wabo Buku Dabe 72:6

Nago te king wiegi yai bidi pedalumainu ilao, teda agai kolesaga wiegi yai eyu, te tulubage te gi nasi dabeba tulama, tama te nai wiegi yai pedalubo tiwai emainu yao.

Godigo Nogi Ugwaba Sabo Tęąbi Po Wabo Buku Dabe 110:3

Te nago te boi bidi dabe dali hwįainu ebo sogo, te naga hani bidi dabego usu da, pinao po weyu, te nage dali pelama, tama nage tau somainu yaibao, tama dage te Godigo bulu duba ugwaba holaibao. Tigidali sogo hulide tulubage wę segeni te nosade pedalu, tama te nosago gesi bomo siyu ebo dao. Tama nage me nage te tigidali sogo bomo saibao.

Aisaia 6:13

Tama ma dwasianu we bidi hani te tǫde me bidibaso da, augwali me silaibao. Tiali goli, tagala, te bulude we bidi meni baso me, te nosali ena we bidi me ma pedalaibao, te ni age te bidigo polo gelai ni tanede age ma dalasa holobo tiwai ma yaibao,” wali.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Sefanaia 3:12

Tama te we bidi augwali eno Jerusalemde bidimainu sula tagalaibao. Augwaligo nai dabe hauwa meniama, tama augwaligo augwa aiyaba elaluama elaluaibao. Tama augwali enaba aselama, tama augwali tau somainu enabolo hanalu waibao.