Maika 5:2 - Godigo dwagi yai po buku

² Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

Maika 5:2 Referans Kwoze

Matyu 2:6

‘Te Betlehem hanu, te Juda tǫ tomode, te Juda bagego tuni bidi dabego gedude nago nogi te dwasianunu elalugobeo. Te mu menio. Te nagede genuai tuni bidi me deli pedelaibao, tama agai eno hani Israel tonaluabo bidi dao,’ te po asęani,” augwaligo te po Herotbolo wai.

Dwagi Yai Gesi Po Jongo Asęani 7:42

Godigo nosali yabo sę po ola mani profet bidi mego bukude asęani po, te po me deli te tiwai dao, Godigo asaibao wali bidi te Devitgo hani asali digi tedu asaibao, te be nani nogi Betlehem tedu asaibao, te bulu polobadu Devit aga page bulu dao,” bidi mebago te po wai.

Godigo Nogi Ugwaba Sabo Tęąbi Po Wabo Buku Dabe 90:2

Te sesemane bidada peyu, bidada pabo sogo, nage te God bidibao, te polobadu me bidali, nosali me bidaibao. Tigidali bulu du pedalisąbadi, tama nago te tǫde nai tigidali nigisąbadi, tiali goli, nage God bidai dao.

Aisaia 11:1

Te Jesigo hani te ni bidi dabego gelai ni tane tiwai bididuali. Tiali goli, gesi age te ni tanede ma kolibo tiwai yaibao. Awe, te ni tanedu te gesi ni tigi holama, tama nologo me deligo du walaibao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Kolosi 1:17

Te tigidali nigali nai nigisiąbadi, te sogo aga bolo biduduai dao, tama tigidali nai agai aga bomogo tonaluyu, tama megi bugagia bidiyu tedela pabo menio.

Kraisgo Geme Dualali Sę Pedelabo Po Jonbolo Ola Mani 19:16

Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.

1 Samuel 17:12

Te Devitgo hani sibi te tiwai dao. Devit te Jesigo ogwa dao. Tama Jesi te Efrata bulu bidi, tama te Betlehem bulu te Juda hanigo tǫde bidai. Jesigo ogwa te a naga olama, meba sela elalubo sogo te Sol king pedelali, Jesi te monu dabe yai mu bidai.

Tigidali Nai Gagalama Nigali Side 48:7

Eno te kolesaga yali, magi baso meni, polobadu te naga ida Resel te ena te Mesopotemiadu ma asobadi, te aga isali. Tama tede ena moni homu dene genuai mu yai. Aga te Kenan tǫde isali, te da te bulu Efratade te dwasianu digibulu gana bidibadi tiali. Eno aga te Efrataba pabo sunumi sesegede pubulai,” wali. Efrata te Betlehem bulu dao.

1 Jon 1:1

Dago te gesi noma bidibo ula elalubo pode, te pode dagebolo e po asęna tolobao. Te Godigo nai me deli me nigisiąbadi te po hasia bidaluai dao. Te po polobadu mu elaluali goli dago te po dena ologo odali dao, tama dena gedugo suai. Awe, dago gedugo suali, tama dago nogogo tuyu yai.

Hibru 13:8

Jisas Krais aga munu me hasegelegobeo. Polobadu aga hasegelebeo, megi aga hasegelebo meni, nosali aga munu me hasegelegobeo. Aga ebo kolesaga deli naga me ela piduaibao.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Rutgo Po Elalubo Buku 4:11

Tama tigidali bidigo te po wai, “Awe, dago sulama, tama dago koneanio.” Tama tobolu bidi dabego te po wai, “Te we megi nago beba asobo we, dago homugo Genuai Bidigo agabolo wiegi yai sę emainogo, tama aga te Resel de Lea si tiwai pedalomainogo, te Israel dabego wai hauwa ame nani we, augwaligo auwa we si dao. Tama naga digi nage te nai hauwa elalubo genuai bidi nigilama, te Efratago hanide te Juda hani me dedeli, tama naga genuai nogi Betlehem hanude bidagameo.

Tigidali Nai Gagalama Nigali Side 35:19

Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.

Hibru 7:14

Dago hania koneai, dago Genuai Bidi aga te Juda hanide naga pedelai. Tama Mosesgo te hani augwali te pris hani bidaibao po me wabeo.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Jeremaia 30:21

Te augwa bidi dabe digi me deli te augwa tobolu bidi pedelama, te augwa tonalueibao. Ena Genuai Bidi, eno te po obao, te ena digi eno te bidi ena pageba oda saibao. Magi baso meni, te bidi dabe augwa homugo digi te ena pąba asobo usu egobeo.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

1 Samuel 10:19

Godigo dage ma dobola sali, te dwai sę ebo me sęgę te dageba pedalubaso sali. Tiali goli, megi dagego aga tudiba togoliyu, tama dagego te po obao, te Godigo dage tonalubo te dagego hagela ebo homu yai. Dagego homugo te eno dagebolo te king bidi me deli momainu yali. Tialima, megi da, te dage pelama, te duga hani sibi dali te Genuai Bidigo geduba dolalugi piąo,” wali.

Dwagi Yai Gesi Po Lukgo Asęani 23:38

Tama te dwasianu ni namide asęyu, te po wai, “Te bidi te Juda we bidi dabego tuni bidi dao,” tama olama asęai. Tama te dwasianu ni namide augwaligo asęani po te ni pedai ugwadu daide neligo enai.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Tuni Bidi Dabego Po Elalubo Buku Deli 5:2

Mu tama, Judago genuai nogi aga ama dede tomode elaluali, tiali goli Josepgo nogi ugwanu igulama, te gomunai ogwa nogi tiwai elaluai dao.

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Kraisgo Geme Dualali Sę Pedelabo Po Jonbolo Ola Mani 21:6

Agai enabolo te po ma wali, “Te sę tigidali pedela silalio! Ena da, ena digi te hasia bidaluali bidi dao, ena te nosali mu sogo bidalueibao wali bidi mu dao, te ena tigidali nai page bidi, tama eno ebo sę tigidali ela silibo dao. Tama niwai bidi aga te ąį nogone ebaso da, teda eno te bidibo ula sabo ąį te wę ulude selama tama agabolo olo mawaibao.

Kraisgo Geme Dualali Sę Pedelabo Po Jonbolo Ola Mani 2:8

Te bidigo enabolo po me wai, “Te Efesus hanuba u po asęna tolama, tama megi Smerna hanude Godigo po odoyu bidibo we bidi tonalubo ensel mobo bidibolo e po asęna tolao: ena da, ena digi te hasia bididuali bidi dao, ena te nosali sogo mu bididuabo bidi mu dao. Tama polobadu ena isai, tiali goli ena ma hodaluama, megi me bidibao. Tama eno e po nagebolo ola tolobao.

Godigo Nogi Ugwaba Sabo Tęąbi Po Wabo Buku Dabe 132:6

Te Betlehemde dago te Genuai Bidigo Dąų Wali Bomai Po Munalubo Halobage po odali. Tama dago te Kiriat Jearim tǫde elalubo gegelama suai.

Tuni Bidi Dabego Po Elalubo Buku Deli 2:54

Salma te Betlehem taun we bidi dabego bulai wąį nǫų da, tama me te taun Netofa, me te bulu Atrot. Betjoap tama te Manahatgo hani pedai dabe, te augwali Sor dabe dao.

1 Samuel 23:23

“Dagego te aga geme dualubo pesage tigidali te bugagia koneama, tama polo aselama, enabolo wagasao. Tama ena dage dali pelama, tama aga tede me bididubaso da, teda eno aga bugagia gegegi paibao. Tama eno aga pobeasa peyu, te tigidali Juda pedai badu pobaso da, teda te eno aga sigi pabo si mu te usu naibao.”

1 Samuel 17:18

“Tama te nogo si sis me sela pelama, tama te ami hani dabe augwa polalubo ofisa bidi magi pao. Tama nago naga ama dede dabeba hanalu, te augwali bugagia bidibawe, ma meniwe, te po hanalu wao. Tama nago nai me deli selasa ma asobaso da, teda eno koneama, te nago augwali suali da waibao.

Bomai Po 1:15

Tama tialima, eno te polalubo bidi dabe, te koneai bidi dabe me, te wiegi yai tobolu bidi dabe eno sai dao. Te duga digi duga hani deli deli tomode sa muai dao. Tama eno augwali dagego tuni bidi bidimainu sa muai dao. Tama mebago te 1,000 we bidi tonaluyu, meba te 100 we bidi tonaluyu, mebago te 50 we bidi, me te nogo si we bidi tama tonalubo sę yai dao. Tiali me ma, eno deli deli hani tomode ofisa bidi deli deli sa mumuna pai dao.”

1 Samuel 8:12

Tama agai te bidi meba te 1,000 ami bidigo kepten polalubo bidi, me te 50 ami bidigo polalubo bidi tama nigilaibao. Tama agai te dagego wai mebago te agai gi bulabo tǫ elimainu eyu, tama mebago te agai gide inayu tau yali nai saibao. Tama mebago te hwįabo ene nigaibao, tama agai karisde peyu, hwįabo nai dabe me nigaibao.

Ma Dobola Sali 18:25

Tama agai te Israel dabe augwali tomode te po page koneai bidi dabe augwali sa munama, tama augwaligo te bidi sese hauwa 1,000 we bidi, me te we bidi 100, we te 50, we te 10 we bidi meba tama tonaluabo bidi nigilai.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Tigidali Nai Gagalama Nigali Side 35:16

Augwaligo te Betel taga peyu, tama augwali te Efrata teba painu yali. Augwali pedubadi, tama te Reselgo wai tega pabo sogo te pedelali. Tama aga dene genuai mu sai.

Te Israel Tobolu Bidi Dabe 17:7

Te sogo te Livai hanigo te gesi ogwa bidi me deli elaluali, aga te Betlehem te Juda tǫde bidali.

Rutgo Po Elalubo Buku 1:1

Tama te tobolu bidi dabego te Israel dabe augwali tonalubo sogo, tama augwaligo te augwali tonaluabo tuni bidi king me deli nigilisiąbadi, tama genuai nasi te tǫba pedelai. Tama te Betlehem hanu bidi me deli, aga te Juda hani me deli dao, aga pelama, te Moap tǫ pedaiba kibu be meba bidigi palio, aga augwaligo tǫde bidai. Agai te tǫ abeliyu mone me sabeo. Te bidi aga we dali, aga ogwa si dali pai.

Aisaia 55:4

Konea sao, eno aga genuai bidi pedalumainu ilama, te agai gasa bulu tǫ kantri tonalumainu yai. Te agade, te eno bomo augwaliba ola mawai dao.

Hosea 6:3

Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Maika 4:10

Tialima, dage Israel we bidi dabe, dage i hai weyu, gela weyu, tama te wego wai tega painu te tigi dene ebaso, subigila bebegeli bilibo tiwai yao. Magi baso meni, megi dage te taun tagalama, te kala elalubo pesagede bididuaibao. Te dage augwaligo te Babilonba sela paibao. Tiali goli, nosali Genuai Bidigo dage te boi bidi dabego nogode ma dobola saibao wali.