Maika 5:15 - Godigo dwagi yai po buku

¹⁵ “Te eno haliga sębę mu elama, tama te eno po sela sąbo haniani we bidi hanigo te hagoma ebo kolesaga eno wei ponaibao,” po wai dao.

Maika 5:15 Referans Kwoze

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

Maika 5:8

Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.

Godigo Nogi Ugwaba Sabo Tęąbi Po Wabo Buku Dabe 149:7

Tama augwa te gasa hani dabe dali hwįnama, tama augwaliba te dwai dene mu mayu, te augwali aiyaba elalumainao.

Aisaia 65:12

Tiali goli, eno gasagi yai sogo dageba sa muai. Te boi dabego dageba hwįagaselama, te dage augwa bainat hwą dabego ela mueibao. Te duga kidu sugunama, te tobolu tǫba basigulama, te boi bidi dabego dage tobolu mage togwaibao. Te sę dabe pedelaibao, magi baso meni, eno dage i wali, te dagego eno i wabo wei ponobeo. Te eno po me dageba pusali, tiali dagego wali pabeo. Menio. Dagego eno po sela sąyu, te eno gedude dwai kolesaga naga yali, te eno godolo homu isąwai kolesaga dabe mu ebao wali.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Maika 6:1

Genuai Bidigo te Israel po tų ilibo dagego odiąo. Genuai Bidi, nage aselama, augwali po tų yagasao, tama te bulu du dabe te po tų ebo odobo jas bidiyu, tama augwaligo te nago po dagalaibao.