Maika 5:11 - Godigo dwagi yai po buku

¹¹ “Te eno dagego taun dabe dali, te taun bagulali masigi obo dabe tigidali dolama, tama dage tede geme duala sainu ebo usu me egobeo,” wai dao.

Maika 5:11 Referans Kwoze

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.

Hosea 10:14

Tialima, te boi bidi dabego dageba hwįagaselama, te augwaligo dagego te bomai obo banis elalubo tigidali taun dolagasaibao,” wali. “Te dolobo sę te polobadu te king Salmango agai te taun Betarbelba hwįgi pelama, te nai mu dolali tiwai yaibao,” wali. “Tama aga hani dabego te augwaligo we wai dali selama, te augwali subigila sąsąnama, te augwali isai dao.

Esekiel 38:11

Te nago homugo tiaibao, te hani augwaligo hwįsama eyu, me augwaligo magi dwai sę ebeo homu yaibao. Tama augwaligo taun dabe obogo bagua sai me elalubeo, te genuai sunumi paliabo nai me elalubeo. Me te augwali seselalubo nai dabe menio, te homu yaibao. Tama tialima, nago homugo augwali dali hwįgi pabo homu yaibao,

Aisaia 6:11

Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali, “Te tigidali hanu dabe, me tǫ dabe, me be dabe sese dola silama, be dabe olo elalua pabo sogode. Tama bidi dabe te bede dabe bidi me bidisąma ebo sogoba usu nigi paibao.

Aisaia 1:7

Awe, te boi bidi dabego dagego bulu polo dola silai dao. Tama augwaligo dagego hanu dabe ulali dao. Te dagego tonalubadi, augwaligo dagego gi nai dabe sai dao. Te gasa bulu bidi dabego bulu mu dolama, tama dagego tǫ olo mu elalubao.

Te We Bidi Dabego Jerusalem Hagede Gela Wali 2:2

Genuai Bidi agai te Israel dabe hobede me ebeo. Menio. Agai augwaligo be nani sese tama dolali. Agai augwali dali sębę elama, tama agai wiegi yai kantri Judago bomai taun dabe aluama, tagalalio. Agai te kantri me, aga tobolu bidi dabe dali, sese tama dolalio, tama augwali hale dwai mu yalio.

Aisaia 2:6

Genuai Bidi, nago naga we bidi tudi ola mawai dao. Nago augwali Jekopgo wąį dabe tagalali. Magi baso meni. Augwaligo tǫ haniani pobigo pągąna pali, te Filistia bagego tǫ tiwai yali gilama. Augwaligo te dwai kolesaga dabe sia asobo badu sai dao. Megi da, nago we bidi hanigo gasa we bidi hanigo kolesaga wali pabo.

Aisaia 27:9

Tiali goli, tebogo agai te Israel dabe augwa digi yali te sęgę mu tama sia sąwainu da. Teda augwaligo te tibo godigo alta dabe sese toga sąyao. Tama te alta masigi dabe te olo hogomu gagalao. Tama me, augwaligo te tibo god we Asera piksa elalubo ni pos gelama tagaliyu, me augwali te dwagi yai hano denami ebo pauda ulubo alta doliyu emainao.