Maika 5:1 - Godigo dwagi yai po buku

¹ Dage Jerusalem dabe, hodaluao, te tigidali ami selama, sisinagasao. Te boi bidi dabego da bagua salio. Augwaligo te Israel tuni bidi nabogede te donogo eliyu, aga te genuai hale ebo ilaibao.

Maika 5:1 Referans Kwoze

Te We Bidi Dabego Jerusalem Hagede Gela Wali 3:30

Te bidi dabego aga nabo gede nogo sawaligo elebaso da, tama aga dali dwai po waiyu ebaso da, teda agai augwaligo te tama sę emainu sula tagalamainao.

Jopgo Po Asęani Elalubo Buku 16:10

“Bidi dabego ena bobegela sali, enade dwai sę yainu. Augwaligo ena gisugu mayu, eno naboge eleyu ebo.

2 Korin 11:20

Awe, te bidigo dage te aga dologoba mubaso, ma agai dagego nai tigidali silibaso, ma agai dage dali hagoma ebaso, ma agai dage gesabidide elibaso da, teda agai tama temainogo te dagego gogolobo dao, po meni!

Godigo Sęba Tagala Palai Bidigo Po 23:2

Tama Pol agai te po wabode, te pris tobolu bidi agai nogi Ananaias, te bidi agai Pol pagede dolalubo bidibolo te po tama wali, “Dagego te bidi pedauwalide elao,” wali, tama augwaligo Pol elali.

Dwagi Yai Gesi Po Jongo Asęani 19:3

Tama augwaligo Jisas dali tibo posobo po weyu, “Siade dao, Juda we bidigo tuni bidi da” olama, tama augwaligo nogo sawaligo aga nabo gede elali. Augwaligo aga dolobo sę yainogo, te tiwai te ami bidi hauwago aga elidu geai.

Dwagi Yai Gesi Po Jongo Asęani 18:22

Tama Jisas agai te po tama obadi yaide, enesigi bidi me deli Jisas pąde dolaluali bidi, te enesigi bidi agai Jisas nogo sawaligo Jisas nabo gede eleyu, te po wai, “Nago te tobage po te pris tuni bidi dali wei ponoyu obawe? Te dwali,” te po wai.

Matyu 26:67

Tama megi da augwaligo pesa Jisas gesabiba sąwani, tama augwaligo nogo sugunama aga elali, tama mebago nogo kalago aga elama,

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Matyu 27:30

Tama olama, tama augwaligo agabolo pesa sąyani, tama augwaligo te awi dili ma dobola selama, aga toboluba elidu geai.

Matyu 5:39

Tiali goli megi eno dagebolo obao, te bidi mego dwai sę dagebolo ebaso da, te dagego agabolo te sę ebo wei ponogio. Menio. Te bidi me deligo nage nabo gede me badu nogogo elebaso da, teda nago gasa me badu nabo ge me te begelao, agai tede elemainao.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Habakuk 1:6

Odao. Eno te Babilon dabe augwali bomai hani mu pedelemainu ilaibao. Te bidi dabe augwali te bidi dwai dabe dao, tama augwali hwįbo bomai bidi dabe dao. Megi augwali ami bidi dabe tigidali kantri dabeba pelama, augwali polo aiyaba elaluama, tama augwali tonalubao.

Amos 2:3

Eno te Moap king ela mubadi, te aga ofisa dabe dali tigidali ela mueibao.” Te po da, Genuai Bidi aga po dao.

Joel 3:9

Godigo Joelbolo weyu, te po te tigidali hani we bidiba wao po wali. “Dage te boi hwįabo sisi elaluao. Te tigidali ami sisinagasomainu i olama, te hwįgi pao,” walio.

Esekiel 24:2

“Tǫde bidio, te side naga gagalasa, te Babilon kingo te Jerusalem bagulubo sę yali. Tialima, nago te side te Israel dabego koneyu, te nago po te mu po yabo te po wabo dei asęao,” wali.

Jeremaia 25:9

Tama tialima, odao. Ena Genuai Bidi, eno te not badu bidibo Israel hani isąwai bage hani tigidali i waibao. Tama me, te eno ena sę bidi i waibao, te king Nebukatnesar, te Babilon bidi dao. Tama eno te hani dabe odasa aselama, te e Juda dabego tǫ dolama, te tǫ pąde bidalubo gasa we bidi hani dabe me dolaibao. Eno te not badu hani dabego augwali mu dola silimainogo elama, tama augwali sesemane sogo doludaibao. Te gasa hani we bidi dabego subo sogo da, te augwali dwai noma mu siyu, wi umabo mu yaibao.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Aisaia 10:6

Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”

Aisaia 8:9

Bugagia odao, dage te we bidi digibulu bidibo me, pąde bidibo me, dage Israel hani isąwai bage. Dagego hwįabo no muyu, bomo selama elalubo sę yao. Tiali goli, dagego bomo da, toga paibao. Tama dage noma selama, kone tųą pebela waibao.

Te Israel me Juda Hani Sigo Tuni Bidigo Po Elalubo Buku Si 24:2

Tama tibaso, Genuai Bidi Godigo te Babilon hani bidi me siyu, me te Siria hani bidi dabe me siyu, tama me te Moap hani bidi dabe me siyu, tama me te Amon hani bidi dabe me siyu elama, tama te king Jehoiakim dali boi hwįnama, tama te Juda hanigo bulu Jerusalem taun dolomainu Genuai Bidigo tagala palali. Genuai Bidigo agai tama tiali sę te agai te profet bagebolo pusa mani poba usu nigi pai, te profet bidi dabe te aga sę ebo bidi dabe da.

Te Israel me Juda Hani Sigo Tuni Bidigo Po Elalubo Buku Deli 22:24

Profet Sedekaia, te Kenango ogwago, Mikaiago Ahapba te pusali po odama, te aga Mikaia pąba pelama, tama aga naboge badu nogo sawaligo eliyu, te tama po wai, “Te Genuai Bidigo Noma Mobo Bidigo ena magi elama tagalama, te nageba solama, tama nagebolo te po maniwe?”

Tigidali Nai Gagalama Nigali Side 35:19

Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Bomai Po 33:27

God Tigidali Sogo Bida Bida Pabo God dao, aga te dago duala sabo pesage dao. Tigidali sogo da aga nogogo tolaluyu, tama agai da me tagalobo menio. Dage te duga tǫ dabe sigi pabo sogo da, agai te boi bidi dabe sela sąwaibao. Tama dagebolo augwali sese elama, isila sila po walaibao.

Te Israel Tobolu Bidi Dabe 17:7

Te sogo te Livai hanigo te gesi ogwa bidi me deli elaluali, aga te Betlehem te Juda tǫde bidali.

Bugagia Bidibo Kolesagade Po Asęai Buku 8:23

Polobadu mu, te Genuai Bidigo tǫ nigisiąbadi, agai ena nigilama, tama ena bididuali.

Esekiel 21:32

Tama dage te isigo sia ulama, te dela silibo tiwai yaibao. Dagego kaneme te duga tǫde digi gelaibao. Te mena bidi deligo dage homu kone ma palogobeo. Ena Genuai Bidi, eno te po wai dao,” te po wali.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.