Maika 4:5 - Godigo dwagi yai po buku

⁵ Te tigidali hani bulu bage deli deli augwa te tibo godiba lotu weyu, te augwali wali pabo dao. Awe, tiali goli, te da Israelgo te lotu Godiba waibao, te dago sesemane bidada peyu, bidada pabo Genuai Bidi da, te aga deli naga wali pabo dao.

Maika 4:5 Referans Kwoze

Sekaraia 10:12

Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Josua 24:15

Tiali goli, dagego te Genuai Bidiba lotu wabo hagela homu ebaso da, teda dagego bugagia homu kone palao. Te dagego lotu po debolo waibawe? Te duga wąįgo te Mesopotemiade te tibo godiba lotu wali te Godiba lotu po waibawe? Ma, te Amor dabego tibo god, te megi te dage te bidibo tǫde te Godiba lotu waibawe? Tiali goli, ena, te ena we wai sibi dali, te dago da te Genuai Bidiba naga lotu po waibao,” Josuago te po wai.

Aisaia 2:5

Asao, Jekopgo wąį dabe dage, da Genuai Bidigo da mani uladu pinao.

Godigo Nogi Ugwaba Sabo Tęąbi Po Wabo Buku Dabe 48:14

Dagego augwaliba te tama waiyagameo, “Te Godigo da tonaluai da,” po wao, “Aga te dago sesemane sogo bidada peyu, bidada pabo God dao. Tama sesemane sogo te aga poligi soyu, tama dabolo te sunumi ola mawaibao,” te po wao.

Kolosi 2:6

Dagego “Awe, Krais Jisas aga dago Genuai Bidi dao,” te po dagego polobadu olama tama aga tama saligo da, teda agai kolesaga eyu aga dali hodobo bidao.

Aisaia 26:8

Awe, Genuai Bidi, da nago bomai po wali peyu, bilibo dao. Tama dago nage deli naga tonaluyu, tonalubo dao. Dago nago genuai nogi godolo mu ebo dao.

Te Israel me Juda Hani Sigo Tuni Bidigo Po Elalubo Buku Si 17:34

Tama te megi tama me, te hani augwaligo te kolesagadu me wali peyu bidibao. Augwaligo te Genuai Bidi dolo mu lotu po wabo meni, tama augwaligo te agai te bomai po te Jekopgo hanibolo mani po augwaligo wali pabo meni. Jekop te bidi te aga te Genuai Bidigo gasa nogi me poali nogi, te nogi te Israel da.

Te Israel me Juda Hani Sigo Tuni Bidigo Po Elalubo Buku Si 17:29

Tiali goli, te hani dabe deli deli augwaligo te tibo god noma nigilama, teba wali pabo kolesaga me idu bidali. Tama augwaligo te god noma nigali, te polobadu te Israel hani dabego te lotu po wali pesagede muna muna pai, te bulu du dabede. Tama augwaligo te deli deli hani augwa god deli deli nidigi pelama, tama augwa bidibo taun bulude muna muna pali.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Godigo Nogi Ugwaba Sabo Tęąbi Po Wabo Buku Dabe 71:16

God, Genuai Bidi, te eno nago genuai bomode homu kone palu, tama te eno nago nogi ugwaba sobao. Eno te tiwai po waibao, “Genuai Bidi naga, aga te doloba pai dao,” waibao.

Godigo Sęba Tagala Palai Bidigo Po 14:16

Tama polobadu Godigo tigidali we bidi hani augwa kolesagadu pabo sula tagalai.

Aisaia 26:13

O Genuai Bidi, dago God, te gasa genuai bidi dabego da tonalubadi goli, dago nage deliba naga genuai nogi mabo dao.

Bomai Po 27:10

Tama tialima, dagego agai po wali piąo. Tama dagego agai bomai po eno megi dagebolo mabo, te po tigidali mu wali piąo,” wali.

Godigo Nogi Ugwaba Sabo Tęąbi Po Wabo Buku Dabe 20:6

Megi da, eno koneanio, Genuai Bidigo ena tau sabo da, te king aga digi sa muani. Aga te aga wiegi yai tedali bulu dagalude bidibao, tama agai eno gedu haluasa po wabo odobo dao. Te agai bomode digi agai ena tau selama, tama eno hwįbo side te eno augwali aiyaba mu elalubo dao.

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.