Maika 4:12 - Godigo dwagi yai po buku

¹² Tiali goli, te hani bidi dabego te Genuai Bidigo homu kolesaga konesąwai. Te Genuai Bidigo augwali sisinama, te augwaliba dwai dene maiabo te augwaligo konesiąma wali, te bidigo te bo elalubo wit sisinama, te agaga pelama, te wit nai ge sainu ebo tiwai gilama yaibao.

Maika 4:12 Referans Kwoze

Aisaia 55:8

Genuai Bidigo te po wai, “Eno homu kolesaga te dagego homu kolesaga tiwai elalubeo. Te eno kolesaga te dagego kolesaga tiwai meni, te gasa tedali mu elalubo dao.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.

Dwagi Yai Gesi Po Lukgo Asęani 3:17

Nai dagalobo bidi aga savol selama, tubo nai wit ge dali sabea dali si dagalaibao. Tilama, aga te nai ge naga aga beba muyu, sabea naga te siaba muaibao. Tama te nosali asobo bidi agai te we bidi dagalu me te hasi yaibao, augwali me badu agai te sula sisąbo siaba mawaibao,” Jongo te po wali.

Aisaia 21:10

Eno we bidi dabe, hobede ya, te boi bidi dabego dage te bidi dabego wit elebo tiwai yalio. Tiali goli, megi da, eno te God Tigidali Bomo Elalubo Bidigo mani po dagebolo pusubao. Aga te Israel dabego God dao.

Godigo Nogi Ugwaba Sabo Tęąbi Po Wabo Buku Dabe 147:19

Agai aga po te Jekopba mawai. Awe, te po dabe me, bomai po me, agai te Israel dabeba mawai dao.

Godigo Nogi Ugwaba Sabo Tęąbi Po Wabo Buku Dabe 147:20

Agai te tiwai sę te gasa hani dabeba munu me isiąwai. Augwaligo te aga bomo yai po dabe me konesiąwai. Dago te Genuai Bidigo nogi ugwaba sinao.

Aisaia 10:7

“Tiali goli, Asiria tuni bidigo homu kolesaga, eno kolesaga dali side gasa me tali. Agai te gasa bulu hauwa me dolabo homu elalubao. Tama augwali sese silabo homu ebo.

Aisaia 29:7

Tama te gasa genuai bulu dabe te Jerusalemba hwįagasainu asali da, te Godigo altaba, teda augwali munu me bidigobeo. Tama augwaligo te hanu sainu yali sę olo dali hagawaibao. Te sę dabe sese sia saibao, te Jerusalemgo nade suali tiwai yaibao.

Jeremaia 51:20

Genuai Bidigo e tiwai po wali, “Babilon, nage eno egebe wąbi tiwai bidibao, te eno hwįainu sabo nai tiwai dao. Eno nage selama, te hauwa we bidi hani dabe me te bomai kantri tǫ dolai dao.

Joel 3:2

Te eno tigidali we bidi hani selama, te odogo malu tǫ pesageba sisinagasali, augwaligo God Te Po Tų Odobo Jas Dao nogi polali tǫba. Te pesagede eno te po tų elama, tama te Israel hani isąwai bage augwaligo te eno we bidi dabeba yali tigidali kolesaga dagalaibao. Te hani dabego eno tǫ pepedama, te augwa hasi dobola sali, tama augwaligo te Israel dabe te gasa bulu tǫ kantriba wi tedela pomainu ilalio.

Jeremaia 51:33

Tigidali Bomo Elalubo Genuai Bidi, aga Israelgo God, agai e tiwai po wali, “Te boi bidi dabego Babilon agabo te bidigo tubo nai wit agabo tiwai yaibao. Bidigo te tau yali nai togobo tiwai eyu, te boi bidi dabego Babilon togolama, dolaibao. Tama te sę yabo sogo pąba pedelalio,” wali.