Maika 3:4 - Godigo dwagi yai po buku

⁴ Nosali me sogo si te pedalubo side tama, dage te Genuai Bidiba gela waibao, tiali goli agai te dagego gela wabo me odogobeo. Agai te dagego gedu haluasa po wabo me odisąwaibao, magi baso meni, dagego te dwai kolesaga yalio.

Maika 3:4 Referans Kwoze

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

Bugagia Bidibo Kolesagade Po Asęai Buku 1:28

“Te tama tebo sogo te eno dage tau somainu te dagego ena i waibao, tiali goli eno po wei me ponegobeo. Tama dagego ena gegebo sę ebadi, tiali goli te dagego ena me susiąwai.

Esekiel 8:18

Tibaso, eno augwaliba dwai dene umagia mabo sę eyu, te eno haliga sębę yaliba usu naibao. Te eno augwali bugagia bidimainu me sula tagalogobeo. Te eno olo mu tau sabo wiegi yai kolesaga te augwaliba me egobeo. Te eno augwali tau somainu i bomonama obadi goli, tialima eno te augwaligo gedu haluasa po wabo me odogobeo,” te po wai dao.

Godigo Nogi Ugwaba Sabo Tęąbi Po Wabo Buku Dabe 18:41

Te augwali bidi me deli tau somainu te i wali, tiali goli dego augwali tau saibawe? Te me deli meni yai. Augwaligo te Godiba i wali, tiali goli agai augwaligo te gela wabo me odobeo.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Matyu 7:22

Tama te genuai sogo asobo si, te we bidi hauwa augwaligo enabolo te po waibao, ‘Genuai Bidi, Genuai Bidio, dago nago nogi weyu, dago Godigo po te we bidibolo pusai dao. Nago nogigo bomogo dago te dwai haubo te we bidide elaluali sela sąwai dao, dago te we bidi noma sabo bomai sę yai dao,’ augwaligo te po waibao.

Aisaia 3:11

Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.

Dwagi Yai Gesi Po Jongo Asęani 9:31

Dago koneai, Godigo te dwai sę ebo bagego hanalu wabo po odobo menio. Tialima, bidi me deligo agai Godide wi eyu, Godigo po odoyu, Godigo homu wali pabo bidi, te bidigo hanalu wabo po Godigo odobo dao.

Dwagi Yai Gesi Po Lukgo Asęani 13:25

Tama te be page bidi hodaluama, te be sunumi palia sai madigi, tama dage te be mesalode bulu badu dolalueibao. Tama dolalubadi, dagego te be sunumiba bego bego wabo gagalama eyu, te po waibao, ‘Genuai Bidi, tų dayao, da tomoba asaio.’ Tiali goli, agai dagebolo te po wei ponaibao, ‘Dage menadu asaiwe, eno konebeo. Dage eno konebeo.’

Sekaraia 7:13

Tama eno augwaligo gedu haluasa po wabo odai menio. Magi baso meni, augwaligo eno po odisąma ebaso.

Jeremaia 33:5

Tama augwa te Babilon dabe dali hwįgi pali. Tiali goli, eno wado po umagia mu weyu, te eno haliga sębę dwai mu te Jerusalem augwaligo ebo dwai kolesagade ebaso, te eno augwali tau sabo hagela yali. Tama tialima, te boi bidi dabego augwali ela munama, tama te isai bidigo tigi dabego te taunde be dabe pągąna saibao,” wali.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Bugagia Bidibo Kolesagade Po Asęai Buku 28:9

Te bidigo te Godigo bomai po tudiba mubaso da, teda Godigo agai gedu haluasa po wabo me odogobeo. Te Godigo te gedu haluasa po wabo te kukumini ebo nai subo tiwai yaibao.

1 Samuel 8:18

Nosali te king pedalubode tama te kolesaga dagebolo ebaso, teda te dagego te duga kingo ebo kolesagade te wado eyu, dagego God Genuai Bidiba po hauwa waibao. Tiali goli, duga digi te king nigilali, tama tibaso, Genuai Bidigo te dagego wabo po me odogobeo.” Samuelgo Genuai Bidigo te wali po sese te bidi dabebolo tama pusali.

Jopgo Po Asęani Elalubo Buku 27:9

Te sęgę yai sę augwalide pedalobo sogo da, tama augwaligo Godigo augwali tau somainu i wabo dao. Teda Godigo augwaligo i wabo odaibawe? Mu meni.

Jopgo Po Asęani Elalubo Buku 35:13

Augwaligo doloba pai kolesaga meni. Tama tibaso, God Tigidali Bomo Elalubo Bidigo augwaligo i wabo odogobeo.

Jeremaia 11:11

Tama tibaso, ena Genuai Bidigo, eno po dolo tama obao, te eno augwali dwagilama mu dolaibao, te sę augwaliba ebo me ela soagobeo. Te augwaligo enaba i weyu, tau somainu yaibao, tiali goli, eno augwaligo i wabo me odogobeo.

Jeremaia 14:12

“Te augwaligo nai habu selama, enaba gedu haluasa po obadi goli, te tagalao, eno augwaligo i wabo munu me odogobeo. Te augwaligo sia ulama, tigidali dela pabo ofa ebadi goli, te tagalao, te wit ulubo ofa ebo me, eno te we bidi augwaliba wiegi yai pemene me egobeo. Menio. Te eno boi bidi dabe tagala palama, augwali elagasomainu yaibao. Te eno augwali nai menia somainu ilama, te augwali isaibao. Tama genuai gasi augwaliba pedalumainu elama, te augwali isila paibao. Tama tebo kolesagade te eno augwali silimainu yaibao,” wali.

Maika 3:7

“Tama te mena sę dabe te nosali pedelaibao po pusali profet dabe, te augwali hale elama, te augwali dwai haliga yaibao, magi baso meni, Godigo te augwaligo gedu haluasa po wabo me odisąma, te pedelao wali nai dabe pedalumainu me isąbaso, te tama tiai dao.” Genuai Bidigo te po obao.

Maika 7:13

Tiali goli, te tǫ kantri dabe te olo masigi kemi tǫ pesage pedelaibao, magi baso meni, tede bidali we bidi dabego te dwai kolesaga hauwa yalio.