Maika 3:12 - Godigo dwagi yai po buku

¹² Tialima, te tobolu bidi dabe me, pris me profet, te duga yali sęde naga te Godigo Jerusalem dolaibao wali. Te Jerusalem tigidali nai doado bage te dolama, tama te pobele bage hogomu pesage holobo tiwai yaibao wali. Tama Saion te olo tǫ pedelama, te bidi dabego tede te gi nai bulaibao wali. Tama te bulu dude te dasu nosai pedelaibao, te Godigo be elalubo madi tiaibao wai dao.

Maika 3:12 Referans Kwoze

Jeremaia 26:18

“Polobadu, te Hesekia Juda king bidali sogo, te profet Maika te taun Moreset bidigo te Juda dabeba te tiwai po pusai, ‘Tigidali Bomo Elalubo Genuai Bidigo te po wai, te Jerusalem nai tigidali dolama, te pobele bage du holobo tiwai pedelaibao,’ wai dao. ‘Te Saion olo tǫ bulu pedelama, te bidi dabego tede gi bulaibao. Tama te bulu dude ni dulu pedelaibao, te Genuai Bidigo be elaluali madi te tama tiaibao.’

Godigo Nogi Ugwaba Sabo Tęąbi Po Wabo Buku Dabe 79:1

God, te gasa hani dabe dago tǫba asalio, tama augwaligo te naga we bidi dabe da dali hwįani ebao. Augwaligo te nago tedali wiegi yai be dwai ilama, tama meda mu pedelali. Tama augwaligo te Jerusalem dwai mu ilama, dolalio.

Matyu 24:2

Tiali goli agai po augwalibolo wei ponoyu, te po wai, “Awe, dagego te haniani be dabe tigidali suao. Eno mu po dagebolo obao, augwaligo e gasa masigi daide ugwadu manama elalubo masigi dabe, te me gogolama me sula tagalogobeo. Te tigidali augwali pebedelama, te tǫba aiyaba sąsąwaibao.” Jisasgo te po wai.

Maika 1:6

Tialima, Genuai Bidigo te po wai, “Te eno Samaria taun dolama, te pepeli dilide te pobele bage du holobo tiwai yaibao. Tama te ni wain du kulubi bulubo pesage pedelaibao. Te aga be dabe tigidali eno elama, dolaibao,” wali, “tialima, eno te be dabego masigi kakali hogomu, te odogo pesageba gea palaibao,” walio.

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Jeremaia 9:11

Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Jeremaia 17:3

Dage te bulu du dabeba pelama, lotu wagi pabo dao. Tama tialima, eno te dagego mone tigidali, me te wiegi yai doado bage dabe, te boi bidi dabeba mawaibao. Dagego dwai sę hauwa te duga tǫ kantri tigidali usu nama ebao. Tama eno te boi bidi dabego dagego te lotu wabo pesage somainogo ilaibao wai dao.

Jeremaia 22:6

“Ena Genuai Bidi, eno te Juda kingo bede po elalubao. Be, eno suali, te wiegi yai mu yai, te distrik Gileat me te bulu du pesage Lebanon tiwai elalubao. Tiali goli, eno nage te olo tǫ pedalubo tiwai yaibao, te tǫ wa pai pesage, me te bidi mu meni yai taun tiwai elalueibao.

Jeremaia 35:17

Tama tialima, ena Genuai Bidi, ena Tigidali Bomo Elalubo God, ena Israelgo God, eno te po obao. Dage Juda me Israel we bidigo, odao. Polobadu eno po dageba pusali, tiali goli dagego te poba olo me mubeo. Eno dage i wali, tiali goli dagego eno i wali wei me ponobeo. Tama tibaso, eno te dwai dene mabo sę tigidali dageba pedalumainogo ebao, eno te sę yaibao po wai dao,’ te po te Jerusalem bage dali te Juda bagebolo pusigi pao,” Genuai Bidigo Jeremaiabolo wali.

Jeremaia 44:2

“Tigidali Bomo Elalubo Genuai Bidi, aga da Israelgo God, agai te tiwai po wali, ‘Duga digi te tigidali dene mabo sę ena Genuai Bidigo te Jerusalemba me te tigidali Juda taunba yali sę suai dao. Megi augwali dolama elalubao, tede bidi me bidibe dao.

Jeremaia 52:13

Tama agai te augwaligo Genuai Bidiba lotu wabo tempel be, me te Juda kingo be, me te Jerusalem gegunai bidi dabego be, tigidali isigo ula silali. Te genuai dila pai be me deli digi te Babilon dabego me ulubeo.

Aisaia 32:14

Magi baso meni. Te tigidali we bidi dabe augwali te hanu taga pelama, tama augwali te hanude ugwa eda iyu, augwali te hanude sę dabe me egobeo. Te tuni bidigo be, me te ami bagego bomai obo, me te ami bidi dabe bidama boi bidi dabe asobo tonalubo te bobobage sigi be dabe, sese olo elaluama, tama dolaibao. Tama te bulu yowi donki dabe tede biliyu, wiegi yai homu yaibao. Tama me, te sipsip kibu dabe aselama, teba nosai tuagasaibao.

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Jeremaia 22:5

Tialima, dagego eno po wali pisąbaso da, teda ena Genuai Bidi, eno mu po ena nogide digi obao, teda eno te nago genuai wiegi yai be mu dolaibao,’ te po te Juda king bidibolo pusao,” te po wai dao.