Maika 2:8 - Godigo dwagi yai po buku

⁸ Tiali goli, odiąo. Duga digi ilama, tama eno hani te ena dali boi bidi pedalubao. Te bidi dabe augwa boi hwįani te ugwa ela holai, te ma aselama, beba bugagia dugulaluagasobo homu yai. Tiali goli, dagego augwaligo kedau side gudubo ugwa wi sabo dao.

Maika 2:8 Referans Kwoze

Aisaia 9:21

Te Manase hanigo Efraim hani aiyaba elaluainu yaibao. Tama Efraimgo Manase hani aiyaba elaluabo homu yaibao. Tama te hani sigo Juda dabe aiyaba elaluabo homu yaibao. Genuai Bidigo augwa digi augwa hasi ma dolomainu yaibao. Tiali goli, tego agai sębę ebo siligobeo. Menio. Agai nogo me balalubao.

Godigo Nogi Ugwaba Sabo Tęąbi Po Wabo Buku Dabe 55:20

Eno te abagigo agai te aga abagi dabe dali digi hwįani. Tama agai te augwali dali polobadu te dąų walali bomai po bolalio.

2 Samuel 20:19

Odao. Te dago hanu te Israel bulu tǫ pedaide te polalubo hanu me deli dao. Dago te hwįbo sę dabe me isiąwai. Dago te dena king naga mu wali peyu ebao. Tiali goli, megi nago te hanu dolainu ebao. Magi baso nago te Genuai Bidigo nai te dolainu ebawe?” wali.

Jeremaia 12:8

Eno te we bidi dabe, augwaligo enaba boi bidi yali. Augwaligo ena aiyaba elaluainu i bomonama weyu, te laion me deligo genuai buside i wabo tiwai yali. Tialima, te eno augwali godolo homu munu me egobeo.

Maika 3:2

tiali goli dagego te dwai kolesaga godolo mu elama, te doloba pai kolesaga godolo homu me ebeo. Dagego te kolesaga dabego te dagego eno we bidi dabe bidibadi digi, te tigi wali dagala sabo tiwai ebao. Te dagego augwaligo tigi mi togobo tiwai elama,

Maika 3:3

tama dagego te tigidali tualio. Te dagego augwaligo tigi wali sela sąbo tiwai eyu, te augwaligo dili togobo tiwai elama, tama dagego te augwali mi te hwą gego todogolama, te sene sospende bubo tiwai yalio.

Maika 7:2

Te po digi wabo po page e dao. Te dago bulu tǫ kantride te doloba pai bidi me deli me bidibeo, te bidi me deligo te God wali me pabo meni. Mu menio. Tigidali bidigo te gasa bidi ela muabo sunumi naga gegebo dao. Te tigidaligo augwa abagi dabeba boi bidi ebo sę ebo dao.

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.