Maika 2:5 - Godigo dwagi yai po buku

⁵ Tialima, nosali augwaligo te tǫ te Genuai Bidigo we bidi dabeba ma mabo sogo, dagego hanigo te me badu pedai deli me sogobeo.

Maika 2:5 Referans Kwoze

Josua 18:4

Te tigidali hani deli delide te bidi sela naga nidigili pao. Tama eno augwali te tigidali tǫ pedai usu nama tagala palama, tama augwa digi te augwa hanigo sabo tǫ dąį iligi paibao. Tama elama, tama augwaligo te tǫde po te ripot te asęaibao. Tama nosali augwali ena bidibo digi ma asaibao.

Bomai Po 32:8

God ogwa dagalu bidi, aga digi te tigidali we bidi hani bidabo pesage dobola menama, tama augwali bidabo digi dąį elama, mawai dao. Tama hasia bolo agai te Israel dabe nedama, augwaligo namba wali pelama, tama augwaligo tǫ dąį elama, tama tebogo gasa hani we bidi bidabo digi nosali dąį ilai dao.

Josua 18:10

Tialima, Josuago te tǫ sabo po dodolobo sę elama, te mena tǫ Genuai Bidigo augwalibolo mabowe naga koneainogo yali. Tama nosali agai te tǫ dobolama, te Israel hani deli deli augwaliba te tǫ mani.

Hosea 9:3

Tama dage Israel te Genuai Bidigo mani tǫde me bidigobeo. Tama dage te Isipba kalabus ma igi peyu, te Asiria bulu tǫba me kalabus igi paibao. Tama te bulude te Godigo dageba te habu selali nai dabe tueibao.

Godigo Nogi Ugwaba Sabo Tęąbi Po Wabo Buku Dabe 16:6

Eno dwagi yai nai tigidali nage dali naga olo sai. Mu tama, te nai dabe dwagi yai mu dao.

Nehemia 7:61

Te Delaia, Tobia, Nekoda, te hani bidi dabe augwaligo namba te 642 da. Augwali te taun Telmela, me Telharsa, me Kerup, me Adon, Imer bidi dabe da wali. Tiali goli, te bidi selago te augwa wąį nǫųgo nogi te augwa kuna konesiąwai elaluai. Tama tibaso, augwaligo te Israel tobolu bidi dabebolo te augwa hani page bidi dabe nogi bugagia ola maiabo sunumi meni yai, augwali te Israel haniwe, ma meniwe, te konebeo.

Bomai Po 23:8

Augwaligo hani wąįgo waidu gagalasa, augwali te Genuai Bidigo we bidi hani tomoba asobo te usu yaibao,” Mosesgo te po wali.

Bomai Po 23:2

“Tialima, bidi mego te we me dali penani sę elama, tama wai ame naibaso da, teda te wai te Genuai Bidigo we bidi hani tomoba me aselamuo. Tama agai wai hani me, augwali nosali te Genuai Bidigo we bidi tomoba aselamuo, te wąį hani nosali ame neyu, neyu idu gelama, tama hani sibi nogo siba usu nenama, tama te nosali ame nabo bage augwali te Genuai Bidigo we bidi hani tomoba asobo te usu dao, te nosali mu,” wali.

Israel Hanigo Namba 34:13

Tama tialima, Mosesgo Israel dabe augwalibolo walali, “Genuai Bidigo te tǫ te 9 wąį hani bidi dabe, me te Manase hani bugai me badu, dage tama bagego tǫ magi yalio. Dagego duga satu gagali yao, duga te tǫ bugulama, dąį elama sainogo tama iyąo.

Israel Hanigo Namba 34:16

Tama Genuai Bidigo Mosesbolo te po wali,

Te Israel me Juda Hani Sigo Tuni Bidigo Po Elalubo Buku Si 17:23

Tama nosali te Genuai Bidigo augwali hagela mu ebaso, tama augwali aga pąde me bidisiąmainogo eyu, agai augwali te gasa buluba bidigi pomainu digibulu mu sela sąyani. Genuai Bidigo tama tiali, magi baso meni, te Israel hani bidi dabe augwaligo te tigidali po agai te aga sę bidi profet bidi dabego pedauwalidu ola mani podu wali pabe, te profet bidi dabe te aga sę ebo bidi dabe dao. Tama tibaso, te Asiria hani augwali asama, te Israel hani dabe dali boi hwįagaselama, te Israel hani augwali aiyaba elaluali, tama augwali te Asiria buluba odasa pali. Tama augwali te bulude me bidibao. Te gasa hani we bidi dabe augwali asama, te Israel hanigo buluba bidagasali.

Tuni Bidi Dabego Po Elalubo Buku Deli 16:18

Genuai Bidigo te tama po wali, ‘Eno te Kenan tǫ nageba mawaibao, tama te tǫ te nago wąį nǫų dabe augwali hani wai dabego tǫ elalueibao,’ wali.