Maika 2:4 - Godigo dwagi yai po buku

⁴ Te dwai sę dabe pedalubo sogo da, te bidi dabego dage dolali po mimi pelama, te dageba posobo po waibao. Tama augwaligo te tibo homu dene eyu, te tiwai tibo gela wabo weyu, balia po waibao, ‘Da mu dolali dao. Genuai Bidigo dago tǫ salio. Agai te tǫ te da kalabus yali bidi dabeba dobayu, mawai dao.’ Augwaligo te po waibao,” Genuai Bidigo te po obao.

Maika 2:4 Referans Kwoze

Habakuk 2:6

Tialima, te tǫ pedai kantri bulu we bidi augwaligo te augwali tonalubo Babilon bidi dabeba posobo po waibao. Te augwaligo te tiwai po augwaliba waibao, “Dage te gasa hani bidi dabego doado bage anoma elama sabo bidi dabe dao, te dage dolaibao. Nisu sogo te bidi dabego dagego nai negeli elalubo wei ponomainu selibo sę ebo kolesaga tagalaibawe?” te po waibao.

Maika 1:15

Dage te Maresa we bidi, te Genuai Bidigo dage te boi bidi dabego nogoba munama, te dagego taun augwaligo saibao. Tama te Israel polaluali tobolu bidi dabe te Adulam masigi ola beba geme wi duala sigi peyu, ela paibao.

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Aisaia 24:3

Tǫ tigidali mu dolama, tama te tǫ olo mu elaluaibao. Genuai Bidigo te sę dabe yabo po polo walio.

Aisaia 6:11

Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali, “Te tigidali hanu dabe, me tǫ dabe, me be dabe sese dola silama, be dabe olo elalua pabo sogode. Tama bidi dabe te bede dabe bidi me bidisąma ebo sogoba usu nigi paibao.

Bomai Po 28:29

Te moni giliga tomode mu dage pelama, tama dagego sunumi dabe gege bilaibao, te gedu widai bidi dabego sunumi gegebo tiwai yaibao, tama dagego sunumi gegebo usu egobeo. Tama dagego ebo sę dabe tigidali wiegi yai me pedalogobeo. Tama tigidali sogo gasa bidi dabe augwaligo dage aiyaba elaluama, tama augwaligo dagego nai dabe wi saibao. Tama dage tau sabo bidi me bidigobeo,” wali.

Israel Hanigo Namba 23:7

Tama Balamgo augwalibolo profet po pusuyu, te po wali, “Balak, te Moap tuni bidigo, ena odasa asai dao. Agai ena Siria bulu oda selama asali, te giliga asobo badu bulu dude, tama ena asali. Agai te po wali, ‘Eno homugo nage aselama, e god dabego te Jekopgo hani bage dolabo po pusagasomainao,’ po wali. ‘Asao, nago te Israel dabeba dwai sę pedalumainogo eyu, nago naga po wao,’ te po wali.

Dwagi Yai Gesi Po Makgo Asęani 12:12

Te Juda dabego tobolu bidi dabe augwaligo Jisas pageabi elama tuainu yali, tiali goli augwali te we bidide wi yai. Augwaligo koneani, Jisasgo te po digi po begelama, te augwali tobolu bagede wai. Tama augwaligo aga taga peyu, tama augwali palio.

Sefanaia 1:2

Te Genuai Bidigo Sefanaiabolo e tama tiwai po walalio, “Eno tigidali tǫde elalubo nai dabe mu dolaio.

Maika 2:10

Dage hogodasa pao. Te toma nabo pesage menio,” wali. “Dagego te dwai kolesaga eyu, te eno gedude dage dwai mu pedalubaso, tialima eno te dage dwai ilama, mu dolaibao,” wai.

Amos 5:1

Dage Israel hani dabe, dagego te isai bidide wabo balia odao. Megi ena, Amos, eno dageba te balia obao, magi baso meni, dage te isai bidi tiwai yaibao.

Joel 1:13

Dage te altaba ofa ebo pris dabe, dagego te homu dene ebo side gudubo ugwa gudama, tama dage gela waiąo. Te hulide dagego te homu dene ebode gudubo ugwa gudama, te Godigo be tomoba pelama, tama gela udubadi, te be posoboba usu nao. Magi baso meni, te dena Godiba ofa yabo nai me wain meni yai dao.

Joel 1:8

Dage we bidi dabe, dage gela waiąo, te gesi wegi aga sainu yali bidi isibaso, te aga gela wabo tiwai iyąo.

Esekiel 16:44

Genuai Bidigo po te tiwai ma wali, “Jerusalem, nosali te we bidi dabe augwaligo nage sulama, te tama po waibao, ‘Wegigo te aga idago kolesaga wali pabo dao,’ waibao.

Esekiel 2:10

Te buku te pepa me deli tiwai augwaligo te bebe pelama, te kęąį elaluai. Tialima, nogo te buku diliginama, tama eno suali, te bukude te si badu po asęai elaluali. Te bidi dabe augwali te haliga sęgę eyu, dwai gela weyu, homu dene ebo tęąbi ebo po dabe augwaligo asęai elalubo suali. Te tobage po te pepade asęani pągąnalualio.

Jeremaia 14:18

Te ena hanu bulu badu bilibadi, eno te hwįnama elali bidi tigi dabe suali. Tama ena te hanu sunumi dabedu pobadi, eno te nai mu meni yai we bidi te augwa tigi dolali elalubo suali. Te pris me profet dabe olo bilibao, te augwa mena sę ebowe, te augwa me konesiąwai dao,’ nago te po pusao,” wali.

Jeremaia 4:13

Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.

Aisaia 14:4

Tama Genuai Bidigo te tama tibo si da, dagego te Babilon tuni bidide elalubo po page hanilama waibao. Te hanilabo po da, e tama dao. “Suao. Bomai tuni bidi polo tulalualio. Mena tama tibaso te tobage bomai sę ebo bidi dolaliwe? Genuai Bidigo tama te we bidi dabe dwai sę ilali bagego bomo silalio. Tama te augwali wi mu ilali bidi dolalio.

Jopgo Po Asęani Elalubo Buku 27:1

Tama Jopgo po ma wadoluyu, e tama wali.

Tuni Bidi Dabego Po Elalubo Buku Si 35:25

Tama profet Jeremaiago Josaiade hobede tęąbi po me deli asęani. Tialima megi me te tęąbi po wabo we bidigo te hobede tęąbi po me wabo dao, te king Josaia kone paliyu yabo. Tama te hobede ebo sogo tigidali sogo te Israel dabe augwaligo te hobedai tęąbi po wabo dao. Te hobedai tęąbi po te hobedai tęąbi dabe elalubo bukude te elalubao.

2 Samuel 1:17

Devitgo te homu dene ebo balia po te Sol de aga ogwa Jonatan side wai dao.

Israel Hanigo Namba 24:15

Tama agai te profet po pusali, “Beorgo ogwa Balam, eno te po odao. Eno gedu wiegi yai mu elama, tama eno bugagia tonono bilibo dao.

Israel Hanigo Namba 24:3

tama agai te profet po pusuyu te po wali, “Eno e po odao. Ena Balam, te Beorgo ogwa dao. Eno gedu wiegi yai mu elama, tama eno bugagia mu tonono bilibo dao.

Israel Hanigo Namba 23:18

Tama Balamgo te pusabo po pusali, “Balak, hodaluao, odao. Siporgo ogwa, eno megi e pusainogo ebo po odao.

Jeremaia 6:12

“Eno te tǫ kantride bidibo we bidi dabeba te dwai dene sabo sęgę mawaibao, tama eno te gasa hanigo te be dabe, me tǫ, me we dabe somainogo yaibao,” Genuai Bidigo te po wai.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Maika 1:8

Tialima, Maikago te po wali, “Te sę dabe pedelaibao, tama tiyu, ena te haliga hobede eyu, gela waibao. Te eno sągą nadoba su me musiąma, te eno dwai pisila pai nami ugwa naga gudaibao,” wai. “Te eno homu dene eyu gela wabo, te yowigo goo wabo tiwai weyu, te haliga homu dene elama, te i wabo te ebigo dwai hwa wabo gilama yaibao,” po wai.

Jeremaia 9:16

Te eno augwali ela gudulama, te augwa gasa tǫ kantriba tedela pelama, bidimainu elama, te augwa wąį nǫų dabe me, augwali me, te polobadu pisąwai bulu tǫba paibao. Te eno digi te bidi dabego augwaliba boi bidi eyu, te augwali ela mumainu yaibao, te tama tede pidubadi, te tigidali isila siliboba usu naibao,” te po wali.