Maika 2:2 - Godigo dwagi yai po buku

² Te dagego bidi me deligo gi sabo homu pesą eyu, dagego bomonama te siyu naga yaibao. Dagego te be sabo homu pesą ebaso da, dagego te siyu naga ebo dao. Dagego te tibo sę ebo kolesaga elama, te gasa bidi dabego be me, te augwa wąį nǫųde sali tǫ me, wi sabo dao.

Maika 2:2 Referans Kwoze

Aisaia 5:8

Dage te tǫ dabe, be dabe hauwa abelama, duga naga pesage hola sabo bage, dage dolaibao. Te tamadi tama dagego tigidali tǫ me, bulu me, sese sela silaibao. Tama gasa bidi dabe meba bidabo bulu menia saibao. Tama dage naga tama bidaibao.

Amos 8:4

Amosgo po e dao. Dage Israel bisnis sę ebo bage, dagego te magi nai sǫą pai meba bidi dabe agayu, aiyaba elaluama, tama dagego te magi nai meni yai bidi dabe te dagego tǫ kantride bidibo dolabo homu ebo bage, dagego odao.

Jeremaia 22:17

Tialima, nagade digi, naga homu elama, te nago sesemane sogo te tobage nai dabe pesa elama, tama nago te nai dabe sainogo tibo kolesaga ebao. Tama nago te magi dwai sę isąwai bidi dabe odolali elibao. Tama nago te we bidi elaluama, te augwaliba dwai sę ebo dao,” wali.

Esekiel 18:12

Agai te magi nai doado bage meni yai bidi dabeba dwai dwai sę eyu, te agai nai wi siyu, tama te gasa bidi dabego agabolo mani nai dabe dąų olama tolalu, te augwaligo mani negeli ponabo dąįba usu nubo tiwai yali. Tama agai te tibo god dabeba lotu weyu, tama te lotu wabo pesagede te tobage dwai kolesaga dabe mu eyu ebo dao.

2 Timoti 6:10

Magi baso meni, te mone godolo homu ebo kolesaga te tigidali haniani dwai kolesaga page mu elalubao. Te bidi meba augwaligo te bomo elama te mone godolo ebaso, tama te kolesagago augwali kegelama tama augwaligo te Kraisde konealubo po tagalai digi, tama augwa yali dwai sę hauwago te augwali homude enani tama genuai dene mu tolali.

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Maika 3:9

Dage Israel tobolu bidi dabego odiąo. Dagego te doloba pai kolesaga godolo homu meni isąwai. Dagego te wiegi yai kolesaga te dwai kolesaga pedalumainu ilibo dao.

Esekiel 22:12

Te mebago augwa abagi dabe ela muabo mone sabo dao. Te mebago augwa abagi dabego te negeli ilali wei augwaliba ponobo sogo te gasa ugwadu daganobo mone dali sabo dao. Te mebago augwa abagi dabe wi ilibo sę elama, te augwaligo mone kekebo sę yalio. Dagego te ena God Genuai Bidi homu kone isąma, kegeda pali da,’ te po augwalibolo wao,” wali.

Te Israel me Juda Hani Sigo Tuni Bidigo Po Elalubo Buku Si 9:26

‘Tialima, te do tama eno suali, ma te bidi dabe augwaligo te nago homugo ebo kolesaga tų wali peyu, tama augwali te Nabot aga wai buluba dali te augwaligo elama isilalio, tama teyu, te ena Genuai Bidi dao, te eno mu po tama obao, tama te nago te Nabot tǫde yali dwai kolesaga te eno nagebolo dolo mu wei begelaibao.’” Tama te Jehugo te Bitkarbolo e tama po ma wali, “Te Joramgo tigi selama, tama te Nabotgo tǫ naga tama sągi pao, te Genuai Bidigo poba usu nigi peyu, tama tiao,” wali.

Ma Dobola Sali 20:17

“Nago gasa bidigo be sulama, pesą eyu, godolo igio. Tama nago gasa bidigo we dali gedu igio. Tama aga sę ebo bidi, me te sę ebo we, me te bulmakau, me bidi duabo donki, me te agai tigidali gasa nai dabe me, te nago godolo eyu, sabo homu me igio.”

Jopgo Po Asęani Elalubo Buku 31:38

“Ma, eno gasa bidi dali dwai kolesaga elama, tama agai tǫ wi selama, tama te tǫ eno abelesiąbadi nai wai bulama, tama te tǫ aga digi gela genuai mu olama, wado genuai mu eyu da,

Te Israel me Juda Hani Sigo Tuni Bidigo Po Elalubo Buku Deli 21:1

Te Nabot te taun Jesril bidi me deli da, tama agai wain gi te king Ahapgo genuai be pąde te Jesril taunde elaluali. Tama nosali te Siria dabego genuai boi hwįagasali side,

Esekiel 8:17

Tialima, Genuai Bidigo te tiwai po enabolo wali, “Tǫde bidio, nago te sę ebo suali da, agawe? Te Juda we bidi augwaligo te dwai kolesaga dabe mu eyu, te augwaligo te tigidali Israel habu badu gasa we bidi augwaliba boi ebo kolesaga ebao. Tibaso, eno augwaliba haliga sębę yali. Tiali goli, augwaligo te kolesaga olo nai da homu elama, te augwa dwai sę umabo sę elama mu ebao. Augwali eno be pąba aselama, te megi nago subo dwai kolesaga yali. Te bidi dabego ena te olo nai tiwai da homu elama, tama augwa te dwai kugumini yai kolesaga yalio. Tialima, odao. Augwaligo ebo dwai kolesagade eno haliga sębę dwai mu ebo dao.

Esekiel 22:13

“‘Eno wado po te dage nai wi sabo bidi dabeba, me te gasa bidi ela mubo bidi dabe, dageba eno wado ilaibao. Tialima, eno nogo bada bomonama eleyu, te eno dwai dene dageba mawaibao.

Esekiel 33:26

Tigidali sogo dagego subigila hwįyu ebo dao. Tama me, dagego dwai damua pai kolesaga dabe ebo dao, me dagego duga abagi sologo we dabe dali penani sę eyu ebo dao. Dagego homugo mena tama tiyu, dagego te tǫ saiba homu ebawe? Dagego usu munu ma me egobeo,” wali.

Esekiel 46:18

Tama me ma king agai te we bidigo tǫ wi me selamu dao. Tialima, agai aga wai puluba bolo tǫ pedai me mawainu da, te agai aga tǫ pedai mu naga momainao. Tama tiyu da, eno we bidi augwa tǫ elaluyu, tama augwali tǫ sǫą pai me elalugobeo,” God Genuai Bidigo te po wai.

Amos 2:7

Augwa te bomo kimi meni yai bidi, te augwa digi augwa tau sabo usu meni yai bidi dabe, te augwali aiyaba elaluama, tama augwa te magi nai meni yai bidi dabe ela gudulubo dao. Bidigo me, aga ayago me, te olo sę ebo we deliba naga penani igi pabo dao, te tama tiali kolesagade augwaligo eno genuai nogide hale mu ilibo dao.

Maika 6:12

“Te Jerusalemde bidibo mone hauwa elalubo bidi dabego te magi nai meni yai bidi dabego doado bage anoma elama, sali. Te dage tigidali te tibo po wabo bidi naga dao,” wali.

Aisaia 3:14

Agai aga we bidi dabego tobolu bidi me genuai bidi dabe po tų ela mani. Tama agai te po wali, “Te we bidi dabe te eno wain gi tiwai dao. Tiali goli, dage da, dagego tama te gi dolama, tama te gide elaluali nai dabe dagego wi salio. Dagego bidi nai dabe habuge yai bidi dabe dagego hobede ebo menio. Mu menio. Dagego augwaligo dwasianu nai dabe kegelama, tama duga bede pesage holobo dao.

Esekiel 45:9

“Ena God Genuai Bidi eno te tama po wali. Dage Israel dabego tobolu bidi dabego dwai kolesaga tagaliąo. Dagego we bidi dabe dali bomonama dwai sę elama, tama dagego augwali aiyaba elaluai dao. Tama tialima, dagego te dwai kolesaga dabe tagalama, tama dagego doloba pai kolesaga naga dolo iyąo. Tama dagego eno we bidi augwa tǫde sela sąbo kolesaga tagalao. Ena God Genuai Bidi, eno te tama po wali dao,” wali.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.