Maika 1:2 - Godigo dwagi yai po buku

² Dage tigidali we bidi hani, te po odiąo. Dage te tǫde bidibo bidi tigidali, te Godigo poba olo muiyąo. God Genuai Bidigo dage po tų ilaibao. Dagego odao. Genuai Bidi aga be te dagalude bidiyu, te po walio.

Maika 1:2 Referans Kwoze

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Godigo Nogi Ugwaba Sabo Tęąbi Po Wabo Buku Dabe 11:4

Genuai Bidi God aga dwagi yai bede bidibo. Tama aga dagalude genuai tuni bidi bidiyu, tama agai gedugo tigidali bidi subo dao. Tama augwaligo tigidali sę ebo agai osola subo dao.

Kraisgo Geme Dualali Sę Pedelabo Po Jonbolo Ola Mani 3:22

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te eno suali bidigo enabolo wai.

Kraisgo Geme Dualali Sę Pedelabo Po Jonbolo Ola Mani 3:13

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te bidigo enabolo wai.

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Habakuk 2:20

Tiali goli, Genuai Bidigo te tiwai egobeo. Aga te aga be tomode bidibao, tama dage tigidali tǫde we bidi, dage aga pąba aselama, te dage pedauwali pania selama, bidao.

Jona 2:7

Genuai Bidio, ena kone palali, te ena isabo homu yai, tama nage eno homugo ma koneani. Tama eno gedu haluasa po wali, te po nago genuai tempel lotu beba pedelalio.”

Jeremaia 22:29

Israel tǫ, Israel tǫ, nago Genuai Bidigo po odao.

Godigo Nogi Ugwaba Sabo Tęąbi Po Wabo Buku Dabe 50:7

Godigo te po wali, “Dage te eno we bidi da, odao. Eno po elalubao. Dage Israel dabe, eno dage po tų ilaibao. Ena naga, ena te God mu da, tama ena te dagego God dao.

Kraisgo Geme Dualali Sę Pedelabo Po Jonbolo Ola Mani 3:6

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te bidigo enabolo te tama po wai.

Kraisgo Geme Dualali Sę Pedelabo Po Jonbolo Ola Mani 2:29

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao.”

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”

Kraisgo Geme Dualali Sę Pedelabo Po Jonbolo Ola Mani 2:11

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te si sogo isibogo te bidi munu me dologobeo. Mu menio.’”

Malakai 2:14

Tama nosali dagego te Godiba hanalu, te tiwai po wali, “Magi baso nago dago ofa sabo meniwe?” E tiwai ebao. Genuai Bidigo koneani, dagego te duga ogwa bidide sali we dabe sela sąwanigo te duga dąų wali bomai po bolalio. Te we dabe duga hai namu dao, tama duga te God gedude po dąų weyu, te dagego augwali munu me tagalogobeo wai. Tiali goli, dagego te bomai po bolali dao, wali.

Jeremaia 29:23

Eno augwali si dolaibao, magi baso meni, augwali sigo te dwai kolesaga mu dage Israel tomode yalio. Augwali sigo te augwa abagi dabego we dabe dali pagela pilama, tama augwali sigo tibo po eno nogide pusali. Eno augwaliba te po me mabeo. Ena Genuai Bidi, eno augwali sigo kolesaga koneama, tama eno tede po pusubo dao. Eno po tama dao,” wali.

Jeremaia 6:19

“Tǫ, nago me odao. Eno ena te we bidi dabe dolainu ebao, te augwa yali dwai sę wei ponainogo ebao. Magi baso meni, augwaligo eno po sela sąyu, te augwaligo eno bomo yai po wali me pabeo.

Godigo Nogi Ugwaba Sabo Tęąbi Po Wabo Buku Dabe 50:12

“Ma, te ena nasi ebaso, te eno dageba po me wagobeo. Magi baso meni, te tǫ dali, tigidali elalubo nai, te eno naga dao.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Godigo Nogi Ugwaba Sabo Tęąbi Po Wabo Buku Dabe 28:2

Te eno nageba i weyu, nago ena tau sao wabo sogo, te nago eno gela wabo odao. Eno gedu haluasa po weyu, tama eno nogo ugwaba siyu, te nago wiegi yai be elalubo madiba nogo dų yaibao.

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Bomai Po 32:1

“Dagalu dali, tǫ dali, dage sigo eno po odao. Eno wabo poba bugagia olo munama, odao.

Te Israel Tobolu Bidi Dabe 11:10

Tama te genuai bidi dabego te tama po wali, “Te dago nago te wabo po gilama tiwaibao. Genuai Bidigo te tama tiabo koneani,” wali.

Te Israel me Juda Hani Sigo Tuni Bidigo Po Elalubo Buku Deli 22:28

Tama Mikaiago Ahapba te tiwai po ma wali, “Nage te dolobo sęgo gegesiąma, te nage asobaso da, teda Genuai Bidigo enabolo te po mabe da homu yagameo,” wali. Tama Mikaiago te tama po ma wali, “Dage tigidali hani we bidigo te po bugagia odao,” wali.

Tuni Bidi Dabego Po Elalubo Buku Si 18:27

Tama Mikaiago Ahapbolo e tama po ma walali, “Te nage tigide dene me sisąma ma asobaso da, teda Genuai Bidigo te po enabolo mawai meni yabo wao.” Tama Mikaiago po genina ma weyu te po wali, “Dage tigidaligo eno po bugagia mu odiąo,” wali.

Aisaia 18:3

Dage te tigidali tǫde bidibo we bidi, dagego odao. Te dagego bulu dude magi me dodolai yaibaso da, dagego bugagia suiąo. Tama bu wabo nai biugel po wai da wabo si da, dagego olo saganama, bugagia odiąo.

Aisaia 50:7

Te augwaligo dwai po wabogo ena aiyaba me elalugobeo, magi baso meni, God Genuai Bidigo ena tau sabo dao. Te ena digi ena dąų walama, te ena sę yali. Eno te tiwai koneani, eno ebo sęde te ena hale me sogobe homu ebao.

Jeremaia 42:5

Tialima, te we bidi augwaligo Jeremaiabolo te po wali, “Mu dao, te Genuai Bidi nago Godigo dabolo mabo po, tigidali dago wali paibao. Genuai Bidigo mu kolesaga eyu, sesemane sogo doloba pai elalubao, te dago agai po wali pisąbaso da, teda agai da po tų ilimainogo yaibao.

Bugagia Bidibo Kolesagade Po Asęai Buku 8:4

“Eno dage tigidali we bidi bomonama i obao.

Jona 2:8

“Te tibo godiba lotu po wabo bidi dabe, augwaligo te nago augwali homu dene eyu, tau sabo kolesaga te tudiba mubo dao.