Maika 1:13 - Godigo dwagi yai po buku

¹³ Dage te Lakis taun we bidi dabe, dagego te karis dabe selama, te udabo mu koneai hos dabeba gebelama, te wi pomainao. Magi baso meni, dagego te Israel dabego dwai kolesaga ebo wali pali, tialima dagego te Jerusalem tulalumainu yali dao.

Maika 1:13 Referans Kwoze

Te Israel me Juda Hani Sigo Tuni Bidigo Po Elalubo Buku Si 18:17

Tama te king Senakeripgo te gol dabe me, te silva dabe me agai sali, tiali goli agai te ami gavman tobolu ofisa bidi sela dali, te ami soldia bidi umabo dali, tagala palali, tama augwali te Lakis bulu taun tagalama, Jerusalem taun buluba pali. Tama augwali te Jerusalem taunba sabolali, tama augwali te Jerusalem taunba te sigi węgo te ugwadu da Jerusalemba aiyaba kegasa tulali wę pabo gamia, te wę gamia pąde augwali bidaluali. Te wę gamia tų te moni sunumi sesegede te name ugwa nigibo buluba pabo sunumi sesegede pąde elaluali.

Tuni Bidi Dabego Po Elalubo Buku Si 32:9

Tama te sogo te Senakerip aga ami dali augwali taun Lakisde boi hwįduali. Tialima agai ofisa bidi meba Jerusalemba taga palama, Hesekia me Juda dabe dalibolo po magi pomainu tagala palali. Agai te po e tama tiwai wali,

Josua 10:3

Tialima, Adoni Sedek tuni bidigo po te Hebron tuni bidi Hohambolo po tolobadi, tama Piram te Jarmut hanu tuni bidibolo me, tama Jafia te Lakis hanu tuni bidibolo me, tama Debir te Eklon hanu tuni bidi dali, te augwalibolo po ola tolalio.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Kraisgo Geme Dualali Sę Pedelabo Po Jonbolo Ola Mani 2:14

Tiali goli eno po meba nage dali elalubao. Nage dali bidibo bidi meba, augwaligo te bidi Balamgo kolesaga wali pabo dao. Tama te Balamgo kolesaga e dao. Polobadu bidibadi agai te tuni bidi nogi Balak agabolo te Israel dabe gea gano bilabo kolesaga ola mawai. Tama ola menama, tama Balakgo te Israel we bidi homu hodolama, tama augwaligo te tibo god dabebolo ula mani nai tuyu, tama augwaligo te penani ebo kolesaga emainogo yai.

Maika 1:5

Te tigidali sę pedelaibao, magi baso meni, te Israel dabego dwai sę eyu, te Godigo po sela sąwani. Te hagoma ebo kolesaga te Israelde elaluali, te sę page dego dawe? Te Samaria dabede naga dao. Te Juda tibo godiba lotu po wali kolesaga, te sę page dego dolai dawe? Te page Jerusalem dabede naga elaluai dao.

Esekiel 23:11

“Te tomo wegi Oholibago te sęgę dabe te Oholaba pedalubo suali, tiali goli agai tede homu kone palobeo. Menio. Agai te penani sę ebo bomo umagi mu eyu, tama agai te Oholago yali dwai kolesaga aiyaba elaluai dao.

Jeremaia 4:29

Ena Jeremaia dao, eno suali, te ami bidi dabe te hosde ene sesemoni tolalu dulalubo suali, te tigidaligo Judaba hwįagasali. Te we bidigo augwali asobo odolama, te augwa taun tagalama, te wi paibao. Me badu te bulu buside duala siyu, me badu te masigi ola bede duala sali. Te taun tigidali olo elalueibao, tama te taun dabede te bidi menia sai mu elalueibao.

Jeremaia 3:8

Israelgo we bidi dali bidibo tiwai elaluali, te togwali sogo te penani kolesaga hauwa mu ebaso, eno te bidigo we tagalobo pepa asęnama, te eno agaba menama, te aga sela sąwai. Aga ama, Juda da, agai tebo suali, tiali goli, aga wi dwasianu me ebeo. Menio. Tama eno suali, aga me pelama, te penani sę ebo kolesaga ela bilali.

Aisaia 37:8

Te Asiria ami ofisa bidigo po odali, te king Senakeripgo te taun Lakis taga pali po odali. Tialima, te ami ofisago te Jerusalem taga peyu, ma begasa pelama, tama te king te taun Lipnade boi hwįdubadi suali, tama aga pelama, aga sugi palio.

Aisaia 10:31

Te bulu Matmena we bidi, me te hanu Gebim we bidi, wi pepelawali, te duala sabo pesage gegegi pali.

Tuni Bidi Dabego Po Elalubo Buku Si 11:9

me Adoraim, me Lakis, me Aseka,

Te Israel me Juda Hani Sigo Tuni Bidigo Po Elalubo Buku Si 8:18

Tama agai te Ahapgo wegi sai, Israel hanigo king. Tama teyu, agai te Ahap hani dali te Israel hanigo te me badu king dabego yali te dwai kolesagadu agai wali pali, tama agai te Godigo gedude te dwai kolesaga yaligo te sęgę sai.

Te Israel me Juda Hani Sigo Tuni Bidigo Po Elalubo Buku Deli 16:31

Agai te sęgę sali te king Jeroboamgo sali sęgę tiwai agai me sai, tiali goli agai homugo te da olo bage da homu yali. Tama teyu, agai te we Jesebel sai, te Saidon hanude bidali king bidi Etbalgo wegi sali. Tama agai te tibo god Balba lotu po wabo gagalali, te Saidon hanigo tibo god.

Te Israel me Juda Hani Sigo Tuni Bidigo Po Elalubo Buku Deli 14:16

Tama te king Jeroboam agai me te sęgę sabo sę me eduali, tama agai te Israel hani augwali me kegelama, tama sęgę sabo kolesaga eyu sęgę sali. Tama te Genuai Bidi Godigo te augwaligo te sęgę sabo kolesaga homu kone palama, tama agai te Israel hani dabe augwaliba agai tudi ola mani,” Ahiyago te po wai.

Josua 15:39

Lakis, Boskat, Eklon,

Ma Dobola Sali 32:21

Tama agai Aronbolo te po hanalu wai, “Te e we bidi augwaligo magi sę nagebolo ebaso, tama nago augwaligo te dwai kolesaga mu emainogo sula tagalaliwe?”

Tigidali Nai Gagalama Nigali Side 19:17

Te mobo bidi ensel sigo te augwali bulubadu dilama, tama mego te po wai, “Dage wi piąo. Tiyu, dage isabuo! Dagego tudiba begelama, ma tonogio. Tama dage te malu elalubo madi toma me nenamuo. Te dage udada pelama, te bulu duba ugwa holali da, teda dage me isigobeo,” wali.

Te Israel me Juda Hani Sigo Tuni Bidigo Po Elalubo Buku Deli 4:28

Tama te kingo dąį ilali poluade, augwa te rais bali me, tama te karis dabe kegebo hos dabego nosa dabe me, te gasa polo pabo hos dabego tuabo nosa dabe seseyu yali. Augwa te nai dabede te hos dabe bidalubo deli deli hanuba selasa peyu yai dao.

Te Israel me Juda Hani Sigo Tuni Bidigo Po Elalubo Buku Si 14:19

Te king Amasia aga te Jerusalemde bidibadi yaide, tama te me badu bidi dabego augwaligo te king Amasia aga ela muabo po minama, dąų wali. Augwaligo te tama tiabo po wali te agai odali, tama tibaso, aga te Lakis hanuba wi pai. Tiali goli, aga te boi bidi dabe augwaligo te me badu bidi dabe tagala palama, tama augwali aga wali pelama, te Lakis taunba sabolama, tama augwaligo te king Amasia ela muani.

Aisaia 36:2

Senakerip te Lakisde bidiyu, agai aga amide polalubo namba wan ofisa dali, te genuai ami hani dali tagala palali, te Jerusalemba pomainu yai. Augwali te Jerusalemba sabolama, tialima te ofisa te Jerusalemba pabo te Ugwadu Elalubo Ulu Wę nogi wabo sabo wę pąba pelama, bidigi pali. Te ąį gamia te pelama, bidigi pali. Te ąį gamia te name ugwa nigibo madiba pabo genuai sunumi pąde elaluai.

Jopgo Po Asęani Elalubo Buku 39:10

Nago aga haliga gebelama, tama agai nago gi tǫ elebo masin kegasa bilimainu yaibawe? Tega?

Jeremaia 34:7

Te sogo te Babilon kingo ami bidi dabego te Jerusalemba hwįagasobo sę elama, te taun Lakis me Aseka taun side hwįani. Te boi bidi dabego te tǫ kantri Judade te tigidali gasa taun te bomai obo elaluali te salio, tama te taun sela naga elaluai dao, te Jerusalem, me Lakis, me Aseka, te taun dabe.