Maika 1:10 - Godigo dwagi yai po buku

¹⁰ Dagego te Get dabebolo olamuo, te dago boi bidi dabe, te Godigo da dolali po wagimio. Te augwaligo dage gela wabo te augwaligo sumainu me elamuo. Dage te Bet Leafra we bidi, dage te haliga sęgę mu elama, gela weyu, te duga tigide pu muiyąo.

Maika 1:10 Referans Kwoze

2 Samuel 1:20

Dagego te tiali sę po munu me te Get taunde me, ma te Askelon taun sunumide me pusulamuo. Tiyu, te Filistia dabego we dabego odoyu, tama augwali wiegi yai homu pemene yabuo. Tiyu, te Genuai Bidigo po odisąbo bidigo wegi manigo te augwa bugai haliga mu yabuo.”

Jeremaia 6:26

Tialima, Genuai Bidigo te po wai, “Dage eno we bidi dabe, dagego te homu dene ebo ugwa dabe gudulama, te sia kelide pila mudu bebegeliduao. Dagego genuai gela weyu, hobede ebo tęąbi wao, te aya ida wai deli naga elaluali, augwa te wai isibo sogo homu dene ebo tiwai yao. Magi baso meni, te polo mu tama te boi bidi dabe dageba pedeliyu, te dage dolaibao,” wali.

Amos 6:10

Te bidi me deli isali sogo, te aga deli kaneme bidi me deli asama, te aga tigi selama, ulugi painu yaibao. Tama te deli kaneme hani bidigo te be tomode geme dualalubo bidi i weyu, te tiwai waibao, “Te gasa bidi dabe me bidibawe, ma meniwe?” Te geme dualalubo bidigo te tiwai po wei ponaibao, “Menio,” wali. Tialima, te deli kaneme hani bidigo te tama po waibao, “Pedauwali pania sao. Dago Genuai Bidigo nogi munu me nogi ilamo dao,” te po waibao.

Amos 5:13

Te we bidi augwaligo te tobage dwai kolesaga ebo sogo, te kolesaga koneai bidi, doloba pai bidi, agai pedauwali pania sai elalu, te agai po me deli augwaliba me wagobeo.

Te We Bidi Dabego Jerusalem Hagede Gela Wali 3:29

Teda Godigo aga tau sabo homu yali bogo. Tama tiyu, agai aga digi aiyaba elaluama, tama tonaluao.

Jopgo Po Asęani Elalubo Buku 2:8

Tama tibaso, Jop aga moni hanude dwai dwai nai sąbo madi pali, tama aga te isi nogani sisi dulude dulaluali. Tama agai te tǫgo nigali sene me toga pai, te dage me deli selama, tama agai aga te dene ebo keni naga hadu bidali.

Josua 18:23

Avim, Para, Ofra,