Dwagi Yai Gesi Po Lukgo Asęani 9:55 - Godigo dwagi yai po buku

⁵⁵ Tama Jisas tudiba begelama, augwali siba wado po weyu, hageali.

Dwagi Yai Gesi Po Lukgo Asęani 9:55 Referans Kwoze

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

Jopgo Po Asęani Elalubo Buku 26:4

Dego mobogo nage homu hodolama, te po omainu tau saliwe?”

Jopgo Po Asęani Elalubo Buku 2:10

Tiali goli, Jopgo wei ponoyu, te po wali, “Nago po te dwai kolesaga yai wego wabo ąǫ te ebao. Ma, dago dwagi yai te Godigo da dwagi yai nai dabe mabode dwagi yai homu ebo dao. Te magi baso dago Godigo dabolo te dwai sęgę mabode dwagi yai homu egobewe?” te po aga webolo hanalu wali. Mu tama, te dwai sęgęgo Jop pedelali goli, agai Godibolo dwai po me deli wabeo.

Matyu 26:51

Tialima, Jisas dali bidali bidi me deligo agai aga bobobage hwą ge kega sai. Tama agai te hwągo te pris tobolu bidigo sę bidigo olo togwa sąnama, tǫba tulaluai.

Matyu 26:41

Dagego tonaluyu, gedu haluasa po wao. Tiyu dage usu sabo dwai kolesagago te dage aiyaba elalugobeo. Mu tama, dagego homugo te wiegi yai sę naga yaibao. Tiali goli, te dagego bomo usu egobeo,” wali.

Matyu 26:33

Pitago po wei ponoyu, bomonama agabolo te po wai, “E bage augwali tigidaligo te nageba augwa homu mubo kolesaga tagalama tolalueibao nago te tama po wabo digi, te ena da, ena tama me tegobeo,” Pitago te po wai dao.

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Bugagia Bidibo Kolesagade Po Asęai Buku 9:8

Tama tiyu, te dwai posobo po wabo bidi me dodoligio, tagalao. Agai te nage dali boi bidi naga yaibao. Tiali goli, nago te wiegi yai homu kolesaga elalubo bidi dodolobaso da, te agai nage wei homu yaibao.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

2 Samuel 19:22

Tiali goli, Devitgo te Abisaide, te aga ama Joap dali siba te tama po wai, “Te dage sigo sę menio,” wali. “Dage si te Seruiago ogwa si da, magi baso megi dage sigo enaba boi bidi yabo homu ebawe? Megi eno koneani, ena te tigidali Israelgo king bidibao, tama te tobage sogo, dago te Israel bidi deli me ela mugobeo. Mu menio!”

Dwagi Yai Gesi Po Jongo Asęani 16:9

Te tǫde we bidi augwaligo dwai sę page e dao, te augwaligo enaba augwa homu tigidali mubeo.

Dwagi Yai Gesi Po Lukgo Asęani 9:54

Tama Jisas aga wali bilibo bidi si Jems de Jon dali sigo te Samaria bagego te tama tebo kolesaga ebo sulama, augwali sigo Jisasbolo hanalu te po wali, “Genuai Bidi, nago homugo dago dagalu badu isi i olama, te bage isigo domai hagede yaiwe?”

Dwagi Yai Gesi Po Lukgo Asęani 9:56

Tama tiyu, aga augwali dali gasa be naniba pali.