Dwagi Yai Gesi Po Lukgo Asęani 9:45 - Godigo dwagi yai po buku

⁴⁵ Te po page augwaligo koneidali weyu, Godigo dualali. Tama te po page Jisasbolo ma hanalu wabo augwali wi yali.

Dwagi Yai Gesi Po Lukgo Asęani 9:45 Referans Kwoze

Dwagi Yai Gesi Po Lukgo Asęani 18:34

Jisasgo te po olama, aga wali asobo bidi augwaligo te po page gisiga konebeo. Te po page geme dualali, tama Jisasgo magi naibolo waliwe augwaligo konebe.

Dwagi Yai Gesi Po Jongo Asęani 12:16

Te sę yali sogo Jisas wali pabo bidi dabe augwaligo te sę page konebeo. Tiali goli nosali Jisas dagaluba hodaluama, aga genuai nogi dali, genuai bomo dali si ma selama, te sogo augwaligo te bukude asęani po ma koneai. Te po ma koneyu, augwaligo te homu yai ‘Jisas te kibu donki wai tudide dualasa pali me, te we bidi augwaligo wali po me, te po si polobadu bukude asęani po wali peyu, te sę yai.’

Dwagi Yai Gesi Po Lukgo Asęani 2:50

Tiali goli augwali sigo agai te wali po page konebe.

Dwagi Yai Gesi Po Makgo Asęani 9:32

Tiali goli augwaligo te po page konesiąwai. Tama augwaligo agabolo hanalu wabo wi yalio.

Dwagi Yai Gesi Po Jongo Asęani 14:5

Tomasgo Jisasbolo te po wai, “Genuai Bidi, nage mena paiwe, dago konebeo. Magi ilama, dago te tų koneaibawe?” Tomasgo te po Jisas dali wai.

Dwagi Yai Gesi Po Jongo Asęani 12:34

Te we bidi augwaligo Jisasbolo po wei ponoyu, te po wai, “Dago bomo yai pode tama po elalubo dao, Godigo sa muyu, asaiba wali bidi Krais aga bidada peyu, bidada paibao, te po wai. Tama tibaso, magi baso nago te po obawe, augwaligo te Godigo Bidi Mu ugwaba sao, po wai. Te Godigo Bidi Mu wali te de dawe?” augwaligo te po wai.

Dwagi Yai Gesi Po Makgo Asęani 9:10

Tama tibaso te po augwa homuba dąų ola selama, tama augwa hasi digi te e tama po miani, “Te gų page tagalama ma hodaluaiba po wali, te mena sę dawe?” te po miani.

Matyu 16:22

Tama Pitago aga te gasaba odasa aselama, tama bomonama yoga sabo po wabo gagalai, “Genuai Bidi, mu menio. Eno homugo God agai nage dali homu dene eyu, tau siyu yao, te sę nageba pedalidali weyu. Te sę nageba me pedalogobe dao, te homu ebao,” Pitago te po wai.

Dwagi Yai Gesi Po Lukgo Asęani 9:46

“Da tomode de genuai mu dawe?” te po olama, Jisas wali bilibo bidi augwa hasi konila yali.

Matyu 17:22

Augwali hodobo te Galili tǫde deliba sisinama, tama Jisas aga wali pabo bidi dabebolo te po wai, “Augwaligo ena te Godigo Bidi Mu e tǫde bidigo nogoba mawaibao.

Dwagi Yai Gesi Po Jongo Asęani 4:33

Tama tibaso, augwa hasi po wai, “Bidi me deligo aga nai magasaliwe?” Jisas wali pabo bidi augwaligo te po miai.