Dwagi Yai Gesi Po Lukgo Asęani 9:41 - Godigo dwagi yai po buku41 Jisasgo wei ponoyu, te po wali, “Magi baso dagego homu enaba begi pisąma, gagega pidubawe? Ena dage dali nisu naga sogo bidigowe? Nisu naga sogo dagego sęgę eno tologowe?” wali. Tama te ogwa aga ayabolo te po wali, “Nago ogwa eba sesao.” Gade chapit la |
Tama tibaso, te toma nabo pesage tomoba painogo da te dago sę bomonama yao. Tiyu yaide te bidi me deligo te Godigo po sela sąbo kolesaga wali peyu, te Juda bage augwaligo polobadu yali sę tiwai yabuo, tama aga tula munama tama hagawaibao. Te tiwai idali weyu, dago bomonama Godigo po bugagia wali pao.
Te ma, nago e homu ebawe, “Te Godigo ena wiegi yai bugagia iliyu, tama ena bobobage sogo tonaluyu, tama agai te dwai sę ebo wei enabolo polo me ponogobeo.” Te homu egio. Te Godigo wiegi yai polo wei ponosiąbo kolesaga ebode, te nago homugo te olo nai tiwai da, te homu ebawe? Godigo homugo nage homu begelemainogo, tama agai dwagi yai kolesaga naga nagebolo eyu tonalubo dao. Te kolesaga page nago konebewe?
Tama aga wali bilibo bidi dabebolo te po wali, “Magi baso enaba homu beagasobewe?” Tiali goli, augwali noma selama, wi yali. Augwa hasi ugwa tono eda, tono elama, te po wali, “E magwai bidi yaliwe? Agai te wali dabe, ąį dabebolo me hage baso, augwali sigo agai wabo po wali pabo dao,” augwaligo te po wali.
Dage dwai we bidi hani, te aga bidi tagalai we agai penani sę ebo gilama, te dagego God tagaliyu ebo we bidi dabego te bomai sę suainogo i obao. Tiali goli eno bomai sę te dagego sumainogo me egobeo. Menio. Te dagego Jonago polobadu mu yali bomai sę naga suagameo,” wali. Tama Jisasgo augwali tagalama, gasaba pai.
Tiali goli agai po wei augwalibolo ponoyu bomonama te po wai, “Te God tagalama tama dwai sę ela bilibo megi bidibo we bidi hani dabe, augwaligo te bomai sę ebo suainogo i wabo dao. Tiali goli, eno dagebolo te bomai sę me deli eno ola magobeo. Te polobadu Godigo po pusali bidi profet Jona agade pedelali bomai sę tiwai naga pedelama, tama dagego te sueibao.
Tiali goli Jongo suali, te lotu po wabo bidi hani si te Farisi bage me te Sadyusi bage me te augwali me baptais somainogo asali, tama agai augwalibolo te sesanobo po weyu te po wali, “Dage te dwai hasamani dabego wai dabe, te Godigo te dwai sę yali we bidibolo dene ilabo sogo mu asaibao. Tama tialima mena bidigo dage dali po obaso, tama megi dage wi painogo ebawe?
Tiali goli Elisa, te Godigo sę ebo profet bidi, agai te kingo te holobo ugwa pisąlama, te haligade sębę ebo po odali. Tama tibaso, Elisago te kingbolo e tiwai po ola tolali, “Magi baso nage haliga sęgę elama, tama naga holobo ugwa pisą yaliwe? Te bidi ena pageba eba tagala palao, tama eno aga e tama ola mawaibao, te Godigo profet bidi me deli te Israelgo bulude bidibao,” wali.
Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.