Biblia Todo Logo
Bib sou entènèt

- Piblisite -




Dwagi Yai Gesi Po Lukgo Asęani 9:38 - Godigo dwagi yai po buku

38 Te we bidi tomode bidi me deligo moni hai i olama, te po wali, “Po ola mabo bidi, eno nagebolo hanalube dao, e suao. Eno ogwa deli digi tama dao.

Gade chapit la Kopi




Dwagi Yai Gesi Po Lukgo Asęani 9:38
8 Referans Kwoze  

Tama te gasi yai ogwa aga aya agai Jisas Judia tǫ tagalama, Galili tǫba asali po odai. Tama tibaso, te bidi Jisas bidibo digi pelama, tama Jisasbolo hanaluyu, po bomo elama wai, tama Jisas te agai ogwa Jisasgo geselemainogo yai. Aga homu Jisas te Kaperneamba pelama, tama agai ogwa ma geselaibao. Te gasi yai ogwa pąde tama isainu elalubo wai.


Te be naniba sabaligi pobadi, te isai bidi me deli te pubaligi peyu tolasa soabo sualio. Te isali bidi wilawe wego ogwa deli digi tama pubaligi su sobaso, aga ida me we bidi me hauwa wali asali.


Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.


Tama te Kenan tǫdu asai we me deli te bulude bidai, te we da te Israel hani isiąwai we dao. Tama te we Jisas pageba asama, tama te po wedu geai, “Genuai bidi, nage te polobadu bidali bidi Devit aga hani bidi, nage ena dali homu dene eyu, tau siyu yao. Eno wegi te dwai haubogo mu dagana sai, tama te dwai haubogo te wegibolo dene mu mabo dao,” te wego te po wedu geai.


Tama dago te po wali, ‘Awe, dago aya bidibo, aga te monu dabe yai. Tama dago ama gesi ogwa bidi me bidibo,’ wai. ‘Te ida Reselgo te aya monu dabe badi ame nani,’ te po wai. ‘Tama te gesi ogwa bidi aga ama te isai da. Tama te Reselgo ame nani ogwa si te me deli naga bidibo,’ wai, ‘tama aga ayago aga godolo mu ebo dao,’ wai.


Te sogo do te Jisas aga wali bilibo bidi dabe dali te bulu bubia bidu aiyaba dulubadi, te we bidi umabo te Jisas tiąba asali.


Dwai noma bidigo tuai digi, moni hai olama, nogo sągą didigi ebo dao. Te aga kele dawede pesą dini pągąna pabo dao, kelelaude. Tama tiduama, bomonama, dene ilama, taga pabo da.


Swiv nou:

Piblisite


Piblisite