Dwagi Yai Gesi Po Lukgo Asęani 9:33 - Godigo dwagi yai po buku

³³ Tama te bidi sigo Jisas taga pidali weyu, Pitago Jisasbolo te po wali, “Genuai Bidi, da ede tama bidibo da usu dao. Da selago ugwa be sela sęnama, me nage osogo bidabo be sę eyu, me Moses osogo bidabo be sę eyu, me Elaija osogo bidabo be sę eyu yaibao,” te po wali. (Pita noma siyu, agai wali po page kuna konesiąma tama wali.)

Dwagi Yai Gesi Po Lukgo Asęani 9:33 Referans Kwoze

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Dwagi Yai Gesi Po Jongo Asęani 14:8

Te bidi nogi Filip agai te po wai, “Genuai Bidi, nago Aya dabolo ola mao, tama tiyu da, te da usu yaibao,” Filipgo Jisas dali te po wai.

Dwagi Yai Gesi Po Lukgo Asęani 5:5

Saimongo wei ponoyu, te po wali, “Genuai Bidi, moni huli sesabi dago yabo sę iduali goli, te sųgų deli munu me sai menio. Tiali goli, nago po obaso da, eno agane wa te ąįba tuluaibao,” wali.

Dwagi Yai Gesi Po Makgo Asęani 10:38

Tiali goli Jisasgo te aga tamadi tama dene sabode me, te aga isibo side yabo sę po, te side agai po digi po begelama, weyu, tama augwali sibolo te po wali, “Dage sigo te enabolo hanalubo naide po te dage sigo bugagia konesiąma te obao. Te dage sigo eno tamadi e ąį tuainu ebo kap tede te dage sigo homugo tuabo te usu dawe? Ma, te dage sigo eno megi sainu ebo baptais te dage sigo me te sabo homu usu dawe?”

Matyu 17:14

Te Jisas dali, aga wali pabo bidi me sela hodobo augwali te bulu du dulama, tama te genuai we bidi hani bidalubo madi sabolali. Tama augwali teba sabalobadi, tama bidi me deli Jisas pąba kidu sugunagaselama,

Godigo Nogi Ugwaba Sabo Tęąbi Po Wabo Buku Dabe 73:28

Tiali goli, ena, te ena nage pąde bidibaso, tama te wiegi yai mu ebao. God, Genuai Bidi, nago ena mu seselalubo da, tama eno nago yali sę po tigidali hanilama, pusainu ebo dao.

Godigo Nogi Ugwaba Sabo Tęąbi Po Wabo Buku Dabe 27:4

Eno te nai me delide naga te Godiba hanalu wali, tama eno homugo agai te tama sę emainu homu yali. Eno agaba te tama po hanalu wali, te ena bidibo ula elalubo sogo ena te agai bede tigidali sogo bidainogo yai. Te agai enaba wiegi yai homu bugagia ebaso, te eno wiegi yai homu pemene agaba yaibao. Tama eno agaba hanalu, te enaba wiegi yai sunumi ola momainu homu ebo dao.

Matyu 17:4

Tama tibaso, Pitago Jisasbolo te po wai, “Genuai Bidi, da ede bidibo te wiegi yai mu dao. Tama nage te homu eyu da, eno te osogo bidabo be sela sę yaibao, me nage bidabo be, me Moses bidabo be, me Elaija bidabo be tama sę yaibao,” Pitago te po wai.

Dwagi Yai Gesi Po Lukgo Asęani 9:34

Pita agai po odubadi yaide, pǫ pedalama, pǫ tiwaigo augwali mesaga sali. Tama te pǫgo augwali mesaga sagasobadi yaide, te Jisas dali bilali bage wi yali.

Dwagi Yai Gesi Po Lukgo Asęani 9:49

Te bidi Jongo po dagalama weyu, “Genuai Bidi,” te po wali. “Bidi mego Jisas nago nogide dwai noma haubo bidi dabe sela sąsą bilibo dago sulama, te bidiba dago hagebo po wai dao. Aga nage wali pabo bidi meni baso, dago aga habu seliyu, hageai dao,” wali.