Dwagi Yai Gesi Po Lukgo Asęani 9:29 - Godigo dwagi yai po buku

²⁹ Tama agai Godiba gedu haluasa po obadi yaide, aga megi tama elaluali tigi gesabidi tagalama, gasa tigi yai gesabidi hasegelama, aga ugwa dabe me te gasa tedela yai mu gagalama, te ula umagi mu pedelalio.

Dwagi Yai Gesi Po Lukgo Asęani 9:29 Referans Kwoze

Matyu 17:2

Tama augwali te bulu dude bidibadi, te bidi sela augwaligo gedugo Jisas tonalubadi yaide, tama Jisasgo tigi augwaligo gedude gasagi yai pedalai. Aga gesabidi te giliga ge nanobo tiwai yai. Aga ugwa dabe me te gegemani eyu, tama ba nala nisi tiwai mu pedalai dao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

Aisaia 33:17

Dagego duga tuni bidigo aga sawi yai tuni bidigo ugwa ma gudama, tama te bulu ma tonalubo sueibao. Tama dagego duga bulu genuai ma pedalobo sueibao.

Godigo Sęba Tagala Palai Bidigo Po 6:15

Tama olama, te kaunsil dabe dali dualu tonalubo bidi dabe augwaligo Stiven bomona tonaluali. Augwaligo te bidi gesabidi suali da, te Godigo dagalude sę ebo ensel bidi gesabidi tiwai suali.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Makgo Asęani 16:12

Tama nosali te wali pali bidi sigo te moni hanu Jerusalem tagalama, tama te sunumidu pai. Tama Jisas te gasagi yai hasegelama, tama augwali siba pedaligi pai.

Dwagi Yai Gesi Po Lukgo Asęani 3:21

Te Jongo tigidali we bidi baptais menama, tama nosali agai Jisas me baptais mani. Tama baptais selama, Godibolo po odubadi yaide, dagalu tomode si buga pali.

Dwagi Yai Gesi Po Lukgo Asęani 5:16

Tiali goli, hauwa sogo agai te we bidi dabe bidalubadi pali. Aga te bidi meni yai sesawai digiba pelama, agai Godibolo gedu haluasa po wagi pidu geduai dao.

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Dwagi Yai Gesi Po Lukgo Asęani 9:18

Te me sogo Jisas agaduba Godibolo po odubadi yaide, aga wali pali bage aga pageba asali. “We bidi augwaligo ena da de da wabo dawe?” augwalibolo tama hanalu wali.

Dwagi Yai Gesi Po Lukgo Asęani 9:30

Te sogo naga polo tama bidi si aga dali po udubo suali, te bidi Moses dali Elaija si dao. Te Moses, polobadu mu te bidibolo God agai te bomo yai po Juda dabebolo mani. Te bidi Elaija aga nosali bidiyu, Godigo agabolo ola mani po agai te Juda bagebolo pusali bidi dao.