Biblia Todo Logo
Bib sou entènèt

- Piblisite -




Dwagi Yai Gesi Po Lukgo Asęani 9:19 - Godigo dwagi yai po buku

19 “Mebago nage da te we bidi baptais mani bidi Jon dao wabo dao,” augwaligo te po wali. “Mebago ma nage Elaija dao, te wabo dao. Mebago ma polobadu Godigo po ola mani bidi ma hodaloai bidi dao wabo dao,” augwaligo te po wali.

Gade chapit la Kopi




Dwagi Yai Gesi Po Lukgo Asęani 9:19
12 Referans Kwoze  

Tama augwaligo Jonbolo hanalu wai, “Magi yaliwe? Nage te bidi polobadu Godigo po wali bidi nogi Elaija dawe?” Tama Jongo te po wai, “Ena te bidi Elaija menio.” Tama augwaligo te po wai, “Dago te Godigo po wabo bidi asobo tonalubo dao. Nage te bidi dawe?” Tama Jongo te po wei ponoyu, te po wai, “Ena te bidi menio.”


Tama meba augwaligo te po wali, “Woo, te meni. Jisas da, te aga te polobadu bidali profet bidi Elaija dao.” Tama mebago te po wali, “Aga te profet dao, te polobadu Godigo po pusubo sę ela bilali profet dabe tiwai dao.”


Tama agai aga sę ebo bidi dabe augwalibolo te po wai, “Te bidi aga te baptais mani bidi Jon dao. Aga te gų pagede ma hodaluali dao. Tama tibaso, te tobage genuai bomai sę te aga nogodu pedalobo dao,” te po wai.


“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.


Augwa hasi tama bugulama, tama augwaligo te gedu widai bidibolo ma hanaluyu, te po wai, “Nago gedu geselali bidi, te bidide nago magi homu ebowe?” Agai te po wai, “Aga da, te Godigo nosali yabo sę po ola mabo profet bidi me deli dao, eno te homu ebao,” wali.


Meba we bidi augwaligo Jisasgo wali po odolama, te po wai, “Mu tama, te bidi Jisas da te polasa asobo bidi, te Krais aga asobo sogo te pąde tama dao.”


Te nosali augwali te Nasaret hanude bididubadi te Jon, te baptais mabo bidi aga pedelai. Aga te Judia tǫ tomode te bidi meni yai bulude bidali, tama agai te po augwalibolo pusali,


Tama megi da, te gavman tuni bidi Herot agai te sę ebo po dabe odali, magi baso meni, te tigidali tǫ pedaide te Jisasgo nogi usu elalualio. Te meba we bidi augwaligo te po Jisasde wali, “Te we bidi baptais mani bidi Jon aga te gų pagede ma hodalualio, te aga Jisas dao. Tama tibaso te genuai bomo aga nogode pedalubao,” te po wai.


Te me sogo Jisas agaduba Godibolo po odubadi yaide, aga wali pali bage aga pageba asali. “We bidi augwaligo ena da de da wabo dawe?” augwalibolo tama hanalu wali.


“Dagego homugo ma ena de da wabo dawe?” wali. Pitago te po wei ponoyu, te po wali, “Nage da, Krais da, Godigo da Juda we bidi tau somai hagede tagala palali bidi dao,” Pitago te po wai.


Swiv nou:

Piblisite


Piblisite