Dwagi Yai Gesi Po Lukgo Asęani 8:54 - Godigo dwagi yai po buku

⁵⁴ Tiali goli, Jisasgo nogogo te wegi nogo tulama, bomonama, “E wegi, nage hodaluao,” te wali. Aga noma ma bula sagasama, te sogo tama polo hodaluali.

Dwagi Yai Gesi Po Lukgo Asęani 8:54 Referans Kwoze

Jeremaia 31:32

Te dąų wabo bomo yai po te polobadu eno duga wąį nǫų dabe dali yali tobage tiwai meni, te eno augwali te Isipde selama, te augwali nogo tolasa odasa asai. Augwali te eno we tiwai bidibaso, te ena, Genuai Bidi, ena te augwa bidi tiwai bidali. Tiali goli, augwaligo te polasa dąų wai elaluali bomo ya i po te bolai dao.

Godigo Sęba Tagala Palai Bidigo Po 9:40

Tama Pitago augwali “Buluba piąo,” wali. Tama agai kidu sugunama, Godibolo po wali. Nosali agai isai we tigiba suali, te po wai, “Tabita, nage hodaluao,” wali. Tama te we agai gedu peda sanama, tonono bilali, tama agai Pita sulama, hodasa holama, duagulali.

Dwagi Yai Gesi Po Jongo Asęani 11:43

Jisasgo te po olama, tama agai i bomo elama wai, “Lasarus, nage buluba asao,” Jisasgo te po wai.

Dwagi Yai Gesi Po Jongo Asęani 5:21

God Ayago isai bidi ma hodolama, bidabo bomo mabo dao. Tama tibo gilama, Ogwago me aga homugo we bidibolo bidabo bomo mabo dao.

Dwagi Yai Gesi Po Lukgo Asęani 8:51

Tama Jisas te beba sabolama, bidi me asa wabe. Tiali goli, Pita badi, Jems badi, Jon badi, te wegi aga ida de aya si badi elama naga Jisas dali te be tomoba pali.

Dwagi Yai Gesi Po Makgo Asęani 9:27

Tiali goli Jisasgo aga nogo tola selama, tama aga hodolobaso, tama aga doligulalio.

Dwagi Yai Gesi Po Makgo Asęani 8:23

Tialima, Jisasgo te gedu widai bidigo nogo tola selama, tama agai aga te buluba odasa soali. Tama agai te bidi geduba pesa sąnama, tama aga geduba te nogo ugwadu munama, tama agabolo hanalu wali, “Nago te nai me deli subowe, ma meniwe?”

Dwagi Yai Gesi Po Makgo Asęani 1:31

Te po olama, tama Jisas agaba pelama, tama aga nogo tola sigi pelama, hodolali. Tama te tigi posolo gasi agade elaluali tagalama, tama te wego augwali nai sisi ilibo sę yai.

Matyu 9:25

Tama te we bidi augwaligo te bedu buluba gudulama, tama te wegi tigi munalubo be dąį togali tomoba pelama, tama Jisasgo nogogo te wegigo nogo tubaso, tama te wegi ma hodaluali.

Polgo Po Pas Rom Dabeba Asęani 4:17

Tama tede te Godigo po bukude e tiwai po wai dao: “Eno nage te geninama pedalabo bidi hani hauwago wąį mubao” wai. Te dąų wali po Godigo obaso, Godigo gedude te po te bomo elalubao. Abraham te dago aya dao. Tama Abrahamgo konealubo po te dąų wali po wali peyu Godiba homu dąų wai. Te Godigo naga te isali bidi dabebolo te bidibo ula mayu, tama te pedalisiąwani nai dabe me i weyu, te augwali pedelainu ebo dao. Tama tibaso Abrahamgo e homu mu yali, te Godigo aga yaibao po wali sę te mu yaibao.

Dwagi Yai Gesi Po Lukgo Asęani 8:53

Te wegi isai goli, Jisasgo mu isibe da obaso, augwaligo Jisas gisugu mani.

Dwagi Yai Gesi Po Lukgo Asęani 8:55

Tama Jisasgo te wegi aga ida ayabolo “Tubo nai me te wegibolo mao,” wali.