Dwagi Yai Gesi Po Lukgo Asęani 8:52 - Godigo dwagi yai po buku

⁵² Te isali wegi diliigi asai we bidi tigidali te wai hagede moni hobede elama, gela wali. Tama Jisasgo augwalibolo “Gela wagimio, e wegi isibe dao. Aga olo pila mubao,” te po wali.

Dwagi Yai Gesi Po Lukgo Asęani 8:52 Referans Kwoze

Dwagi Yai Gesi Po Jongo Asęani 11:4

Jisasgo te po odama, te po aga wali pabo bidi dabebolo wai, “Te gasi page tama telalubuo. Te gasigo sę te bidi Lasarus isibo gasi naga menio. We bidi augwaligo Godigo ula yai bomo sumainogo eyu te bidi gasi yai. We bidi augwaligo Godigo Ogwa me nogi ugwaba somainogo eyu, te gasigo Lasarus sai,” Jisasgo te po wai.

Dwagi Yai Gesi Po Lukgo Asęani 23:27

Te hauwa we bidi augwali Jisas wali pai. Tama te wali pabo we dabe hauwago Jisas hagede augwaligo gela weyu, te hobede ebo didigi weyu yai.

Matyu 11:17

‘Dago dage ona sulubadi, tiali goli dagego tęąbi ebo hagela ebao. Dago homu dene ebo tęąbi obadi, tiali goli dagego gela wabo hagela ebo dao.’

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

2 Samuel 18:33

Kingo te po odolama, tama aga haliga dwai mu elama, tama aga hogodasa peyu, te obo bagulali sunumi te elalubo pąde daiba te be habu tomoba pelama, tama aga gela udali. Tama aga ugwaba holiyu, te tama tiwai i wali, “Te eno ogwa, Apsalom o. Eno ogwao, eno ogwa, Apsalom. Te eno nage hasegeliyu, te ena isigi sogo da, te wiegi yai mu igi dao. O Apsalom, eno wai o, eno wai o!”

Tigidali Nai Gagalama Nigali Side 23:2

tama aga te Kiriat Arba, te gasa nogi Hebron, te Kenan pedai badu tede isai. Tama Abrahamgo te Sarade homu dene mu ebaso, aga tigi osogo muani madiba hogonigi peyu, tama agai aga we hagede gela wai.

Dwagi Yai Gesi Po Lukgo Asęani 8:51

Tama Jisas te beba sabolama, bidi me asa wabe. Tiali goli, Pita badi, Jems badi, Jon badi, te wegi aga ida de aya si badi elama naga Jisas dali te be tomoba pali.

Dwagi Yai Gesi Po Lukgo Asęani 8:53

Te wegi isai goli, Jisasgo mu isibe da obaso, augwaligo Jisas gisugu mani.

Dwagi Yai Gesi Po Lukgo Asęani 23:48

Tama tigidali we bidi sisinama, te bidi sela elai hagede baso, tonaluai. Augwaligo te Jisas isibo suali. Tama homu dene eyu, augwa nogo pagasa, tama augwa beba pai.