Dwagi Yai Gesi Po Lukgo Asęani 8:47 - Godigo dwagi yai po buku

⁴⁷ Tama te wego agai yali sę Jisas agai aga sulama konebaso, te we didibili dali eyu, Jisas sągą pageba kidu sugunagasalio. Te we bidi tigidali gesabidide Jisasbolo Jisas aga tigi dią yani po pusali. Tialigo aga ma polo gesa pali po pusali.

Dwagi Yai Gesi Po Lukgo Asęani 8:47 Referans Kwoze

Dwagi Yai Gesi Po Makgo Asęani 5:33

Tama te wego te sę agade pedelali koneama, tama aga wi eyu didibili dali yali. Tama tiyu aga asama, Jisas pąba kidu sugunagasama, tama te tigidali sę agade yali po te hanilama pusali.

2 Korin 7:15

Taitus aga dage bidibo madi pedalobaso, tama dage wi elama didibili eyu, tama dagego aga siyu geseali, tama dage tigidaligo agai po wali pai. Agai megi te homu me konedu tama agai dage dali dwagi yai homu eyu godolo mu ebo homu genuai pedalobo dao.

Hibru 12:28

Te dago sali te bidibo digi te magi naigo munu me dologobeo, usu egobeo. Tama te tebode dago Godibolo usu da olama gedu haluasa po wao. Tama dago agaba lotu po weyu, tama agai godolo ebo kolesagade sę tulama yao. Tama tiyu dago aga nogi ugwaba siyu, tama agade wi yao.

1 Korin 2:3

Tama polobadu ena dage dali bidali sogo, te sogo ena bomo meni yani. Ena moni wi elalu, tama ena tigi didibili hauwa yai.

Godigo Nogi Ugwaba Sabo Tęąbi Po Wabo Buku Dabe 2:11

Dagego Godide wi elama, tama agade midigi siąo.

Godigo Sęba Tagala Palai Bidigo Po 16:29

Tama te kalabus bidi tonalubo tobolu bidi agai te enesigi bidi i weyu, te po wali, “Sole selasa asao,” wali. Tama sole selama, agai te kalabus be tomoba polo pali. Agai moni wi mu elama, didibili yali. Didibili ebadi, agai tobolu Pol dali Sailas dali si sągą pageba muani.

1 Samuel 16:4

Tialima, Samuelgo te Genuai Bidigo po odama, tama hogodama, te Betlehemba pai. Aga sabaligi pabode, te taunde bidali tobolu bidi dabego te aga dali deliba gesabidi ununani. Augwali wi elama, dwai noma siyu, tama agabolo te po wali, “Haniani po page konebo bidi, magi yaliwe? Nage asali, te da wiegi yai bugagia ilagasu asaliwe, ma meniwe?” wali.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Aisaia 66:2

Genuai Bidi ena digi, eno te dagalu me tǫ tigidali nai nigilama, te augwali pedelama, megi elalubao. Eno te tobage bidi dabeba bugagia haliga yaibao, te augwa digi aiyaba elaluama, te augwa yali dwai sęde homu dene eyu, enaba wi elama, te eno po dologoba aselama, bidibo bidi.”

Godigo Nogi Ugwaba Sabo Tęąbi Po Wabo Buku Dabe 38:9

Genuai Bidi, nago te eno bomai homu wei ebo koneani. Eno haligago dwai gela wabo, tama nagede tebo te geme me dualalubeo.

Filipai 2:12

Eno abagi mu dede, Krais aga Godigo po mu wali pali. Tama tibaso, ena dage dali polobadu bidibadi dagego eno po wali pali tiwai gilama, te megi me, ena digibulu bidibadi te dagego bomo elama, te eno po bugagia wali pao. Te sęgę dao, olo sę mu menio. Tama tiyu, God dali duga homugo kęą pai we bidi mu bidiyu, tama te dage bidibo kolesaga wiegi yai mu sese pedalomainu bomo elama tiduao.

Matyu 28:8

Tama te we si wi homu dali elaluyu, tama wiegi yai homu pemene dali te geninama mu eyu, tama polo augwali sigo te gų page ola be tagalama, tama te ensel bidigo wali po te aga wali pali bidi dabebolo wagi painogo udulama polo palio.

Hosea 13:1

Polobadu te Efraimgo hanigo po obaso, tama te Israel gasa hani wi elama, te po odali. Tiali goli, te Efraim hanigo te tibo god Balba lotu po obaso, augwaligo sęgę salio. Tama tialima, te augwali isaibao po wai dao.

Hosea 5:3

“Eno te dage Israelgo dwai kolesaga koneai dao. Dage enade geme me duala sogobeo. Dage ena wali me asisąma, tama dage tigidali eno gedude meda yai pedelai, te penani ebo we tiwai yai dao,” wali.

Godigo Nogi Ugwaba Sabo Tęąbi Po Wabo Buku Dabe 66:16

Dage te God dologode bidibo we bidi dabe, dage aselama, te eno po odagasiąo. Te eno dagebolo te tigidali sę po te Godigo ena tau selama, yali sę po waibao.

Dwagi Yai Gesi Po Lukgo Asęani 8:46

Tiali goli, Jisasgo te po wali, “Eno bomo dią si da obaso, eno koneanio, bidi mego ena dią yani homu ebao.”

Dwagi Yai Gesi Po Lukgo Asęani 8:48

Tama Jisasgo te webolo te po wali, “Eno wegi, naga enaba homu konealubo homu bealubogo nage te usu ilaliąo. Dwagi yai homu elasa pao,” wali.