Dwagi Yai Gesi Po Lukgo Asęani 8:30 - Godigo dwagi yai po buku

³⁰ Jisasgo agabolo hanalu wali, “Nage nogi de dawe?” te po wali. “Ena nogi Hauwa dao,” te bidigo te po wali. Dwai haubo noma bidi hauwa mu aga tigiba dagawani baso, te nogi “Hauwa” poai.

Dwagi Yai Gesi Po Lukgo Asęani 8:30 Referans Kwoze

Matyu 26:53

Nago eno bomo konebeo. Eno ena Ayabolo hanaluyu da, teda agai te ensel mobo bidi hani umabo mu tagala palama, tama augwali dulama, ena tau sagasaibao.

Dwagi Yai Gesi Po Lukgo Asęani 8:2

Te we dabe, me badu dwai haubogo tuaide Jisasgo sela sąyani we dabe me, me badu gasi ebaso, te gasi sela sąyani we dabe me, augwali Jisas wali bilali. Te we me nogi Maria, aga bulu nogi Makdala. Polobadu dwai haubo nogo a naga olama, me badu nogo si peda selama, te tama haubo noma bidigo te we tolalubaso, Jisasgo sela sąyani.

Dwagi Yai Gesi Po Makgo Asęani 16:9

[Jisas te kigamu mu te sę polasa gagalobo sogo tede hodaluali. Tama aga hasia te Makdala bulu we Mariaba pedelai. Te we polobadu Jisasgo te dwai haubo noma bidi te nogo a naga olama me badu si elalubadi sela sąwani te we dao.

Matyu 8:29

Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.

Dwagi Yai Gesi Po Makgo Asęani 5:9

Tama Jisasgo agabolo hanalu wali, “Nago nogi dewe?” Tama agai te po wai, “Ena nogi Ami dao. Magi baso meni, da hani genuai hauwa dao.”

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

Dwagi Yai Gesi Po Lukgo Asęani 8:29

Jisasgo dwai haubo pomainu gudulu baso, te bidigo te po wali. Polobadu hauwa sogo bidi dabego te bidi aligabo bidilama, kalabuside muani. Mubadi goli, dwai nomago tulama, dią paludali. Tama te dwai haubogo te bidi te bidi meni yai bulu tomoba sela piduali.