Dwagi Yai Gesi Po Lukgo Asęani 8:28 - Godigo dwagi yai po buku

²⁸ Te bidigo Jisas suyu, moni hai gela olama, Jisas sągą pageba degagaselama, moni i hai olama, te po wali, “Jisas, nage moni genuai Godigo Ogwa dao. Nago enabolo magi sę egowe? Nago ena dene magio,” wali.

Dwagi Yai Gesi Po Lukgo Asęani 8:28 Referans Kwoze

Matyu 8:29

Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.

2 Pita 2:4

Magi baso meni. E tiwai dao. Te Godigo ensel mobo bidi dabe augwali mebago polobadu dwai kolesaga yai. Tiali goli Godigo augwali sula tagalobeo. Menio. Agai augwali te sao dedage pagede kalabus elaluyu, tama te sau dedage page dwai be mu hulia side bidibao. Tama megi me augwali te po tų yabo sogo te pedalobo tonaluyu bidibo dao.

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

1 Jon 3:8

Niwai bidigo dwai sę idu bidibo, te bidi Satango hani bidi dao. Magi baso meni, te Godigo tigidali nai nigisiąbadi, polobadu mu Satango dwai sę ebo gagalama, tama eyu, tama megi me aga tama tibo dao. Tama agai te Satango we bidi tomode ebo dwai kolesaga ela silimainogo te Godigo Ogwa aga hania pedalai.

Jems 2:19

Tama nago konealubo po dąų wabo homu tama yai, “Te God deli digi bidibao,” wai. Te homu wiegi yai dao. Tama tiali goli te usu menio. Te dwai haubo noma bidi augwaligo me te homu tiwai ebo dao, tama te pode augwali homu didibili eyu midigi sabo dao.

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Dwagi Yai Gesi Po Lukgo Asęani 8:27

Tama Jisas te gebadu asobadi yaide, dwai haubogo toai bidi Jisas tiąba asali, te ąį saniba. Polobadu te be nanide bidama, bolu olo te isai bidi mubo ola be dabeba gudasa pelama, bidai.

Dwagi Yai Gesi Po Lukgo Asęani 8:29

Jisasgo dwai haubo pomainu gudulu baso, te bidigo te po wali. Polobadu hauwa sogo bidi dabego te bidi aligabo bidilama, kalabuside muani. Mubadi goli, dwai nomago tulama, dią paludali. Tama te dwai haubogo te bidi te bidi meni yai bulu tomoba sela piduali.