Dwagi Yai Gesi Po Lukgo Asęani 8:24 - Godigo dwagi yai po buku

²⁴ Augwaligo Jisas hodolagasu, te po wali, “Genuai Bidi, Genuai Bidi. Da isabo magana pali.” Tama Jisas hodaloama, wali hageyu, te waligo sabilibo ąį hagelama togoliyu yali. Te waligo me, ąįgo me moni te bomo hodali tagalama, ma tamugulali.

Dwagi Yai Gesi Po Lukgo Asęani 8:24 Referans Kwoze

Dwagi Yai Gesi Po Lukgo Asęani 4:39

Te we pageba Jisas aga dolalugi pelama, “Te dwai gasi, nago te we taga pao,” Jisasgo te po wali. Te po obaso, te gasigo te we taga pali. Tama tilama, te we polo tama ma hogoda sanama, be page asali bidi dabe nai ula mabo sę ela bilali.

Dwagi Yai Gesi Po Lukgo Asęani 5:5

Saimongo wei ponoyu, te po wali, “Genuai Bidi, moni huli sesabi dago yabo sę iduali goli, te sųgų deli munu me sai menio. Tiali goli, nago po obaso da, eno agane wa te ąįba tuluaibao,” wali.

Nahum 1:4

Te agai tamu ąįba wado ilibaso da, teda te tamu ąį sula saibao. Tama agai te wę dabe me sula somainu ilaibao. Te agai tama po obaso, te wiegi yai nosai me gi me te nai yabe dabe sasia paibao. Te Basan badu gi dabe me, te Karmel bulu dude te nedu du walobo ni dabe me, te Lebanon bulu du dabede elalubo plauwa dabe me, te tagalao, tigidali te sasia pabo dao.

Godigo Nogi Ugwaba Sabo Tęąbi Po Wabo Buku Dabe 65:7

Nago naga te tamu ąį moni dini ebo, te wę kulukulu wabo me isimainu ilibo dao, tama nago te bidi dabego hwįbo me togolobo dao.

Matyu 14:30

Tiali goli agai te wali asobo sulama wi yali, tama aga te ąį tomoba tigi dwasianu hoasainogo yai. Tama agai bomonama i weyu, te po wai, “Genuai Bidi, nago ena tau sao,” te po wai.

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Matyu 8:25

Tama augwaligo aga pila mubadi hodoligi pali, tama augwaligo te po wai, “Genuai Bidi, nago da tau sao. Da megi e gebade dolama isiebao,” wali.

Dwagi Yai Gesi Po Makgo Asęani 4:39

Tama Jisas hodasa holama, tama te waliba wado po obadi, tama wębolo po weyu te po wali, “Megi da, usu dao. Nage sia sao! Nage megi tama silama isao!” Tama wali kekasa peyu, tama te wę me dwasianu memenege munu me ebeo.

Dwagi Yai Gesi Po Lukgo Asęani 4:35

Tama Jisasgo agai po tomode togwa sąyu, te po wali, “Nage sagiasa peyu, te bidi taga soao,” wali. Tama te dwai haubogo te bidi augwali tomode te tǫba sąyani. Tama te dwai mobogo taga pelama, te bidigo tigi me dolobe.

Dwagi Yai Gesi Po Lukgo Asęani 8:25

Tama aga wali bilibo bidi dabebolo te po wali, “Magi baso enaba homu beagasobewe?” Tiali goli, augwali noma selama, wi yali. Augwa hasi ugwa tono eda, tono elama, te po wali, “E magwai bidi yaliwe? Agai te wali dabe, ąį dabebolo me hage baso, augwali sigo agai wabo po wali pabo dao,” augwaligo te po wali.