Dwagi Yai Gesi Po Lukgo Asęani 8:22 - Godigo dwagi yai po buku

²² Me sogo Jisas me aga dali bilibo bidi dabe me moni geba ugwaba daiba holama, tomoba dualama, tama agai te po wali, “Da e sigi ąį u badu bogo badu pinao.” Tama augwaligo nogebo gagalali.

Dwagi Yai Gesi Po Lukgo Asęani 8:22 Referans Kwoze

Dwagi Yai Gesi Po Makgo Asęani 6:45

Te nai mabo sę silama, tama Jisasgo aga wali pabo bidi dabe augwali te asesa piąo olama, te augwali polo te gebaba holomainogo elama, tama augwali te aga asabo badu te sigi ąį pedai badu polasa te Betsaida buluba piąo wali. Agaduba digi te we bidi dabe augwa beba tagala palu pomainogo yai.

Dwagi Yai Gesi Po Lukgo Asęani 8:23

Tama augwaligo te wę gebadu hąbesegego todogo pidubadi, te Jisas godege piali. Moni bomai wali te sigi ąįde pedelama, te geba tomoba ąį pągela sąwani. Augwali dwai tųba mu degelali.

Dwagi Yai Gesi Po Lukgo Asęani 5:1

Te me sogo Jisas te Genesaret sigi ąį sesegede dolalubadi, Jisas aga pageba Godigo po odainu we bidigo mu odoga sagasalio.

Dwagi Yai Gesi Po Makgo Asęani 8:13

Tama agai te Farisi bidi dabe augwali tede bidaludubadi taga peyu, tama aga te gebaba ma holama, tama te sigi ąį pedai u badu pabo gagalali.

Matyu 14:22

Tama te nai tula silama da, tama megi da Jisas aga wali pabo bidi dabe augwalibolo te po wali, tama augwali te gebaba holama, te augwali polasa te sigi ąį u badu pao wai. Tama agaduba digi te we bidi augwali tagala palainogo yai.

Dwagi Yai Gesi Po Jongo Asęani 6:1

Te wali po silama, tama nosali me sogo Jisas Galili sigi ąį te moni gebadu nogelama, u badu pai. Augwaligo te ąį nogi me Taiberius nogi yai.

Dwagi Yai Gesi Po Makgo Asęani 5:21

Te Jisas te gebadu peyu, te sigi ąį ma nogeali. Aga te wę u badu pedai badu tugi pali, tama genuai we bidi hani augwali aselama agaba sisinagasali. Tama Jisas aga te sigi ąį sane pąde bidali.

Matyu 8:18

Jisasgo te genuai we bidi hanigo aga bagulubo sulama, tama agai te aga wali asobo bidi dabebolo te po wai, “Da te sigi ąį u badu sesege badu te gebadu pinao,” te po wai.

Dwagi Yai Gesi Po Lukgo Asęani 8:33

Tama tibaso, te bidi tagalama, kibu dabe tomoba pali. Moni te kibu dabe tigidali wi peyu, te sigidu sau padoba samonama, sigi ąįba tulaluama, tama augwali te wę tulama poma peyu isila pai dao.

Godigo Sęba Tagala Palai Bidigo Po 27:2

Tama da moni geba me deli tomoba pali, te geba Esia tǫ nabisde elalubo bulu tigidali bilibo geba da. Te geba page bidi aga bulu nogi Adramitium be nani da, te Esia tǫde. Tama te bidi me nogi Aristarkus aga da dali asali. Agai page bulu nogi Tesalonaika, te Masedonia provins tǫde. Tama da te Sisaria bulu taga pali, te moni gebadu, te tamu ąį daide pali.