Dwagi Yai Gesi Po Lukgo Asęani 7:33 - Godigo dwagi yai po buku

³³ Te we bidi baptais mabo bidi Jon asama, nai gisilu, bomai wę gisilu yali goli, dagego te agade ‘Aga da, te dwai noma bulalubo bidi dao,’ te po wali.

Dwagi Yai Gesi Po Lukgo Asęani 7:33 Referans Kwoze

Dwagi Yai Gesi Po Lukgo Asęani 1:15

Godigo gesabidide agai nogi genuai elaluaibao. Agai diluai wę dabe tulamuo. Te Jon aga ame nabo sogo gagalama, Godigo Dwagi Yai Mobo Bidi aga dali bidaibao.

Dwagi Yai Gesi Po Makgo Asęani 1:6

Tama Jongo gudubo ugwa te moni kibu kamel nisigo nigai dao, tama aga tabide te kibu wali kukulu gudai. Tama aga te bulu tomode bidibo kuli mano me hanamu dali si tuyu bidai dao.

Godigo Sęba Tagala Palai Bidigo Po 2:13

Tiali goli, bidi dabe me badu augwaligo te posobo po weyu, te po wai, “E bidi dabego bomai wę tulama, wabo pabo sę gagawai ebao,” te po wali.

Dwagi Yai Gesi Po Jongo Asęani 10:20

Bidi hauwago te po wai, “Dwai haubo noma bidi agade bidiyu, aga polobao. Magi baso dagego agai po odobawe?” Juda bage me badugo Jisasde te po wai.

Dwagi Yai Gesi Po Jongo Asęani 8:52

Te Juda bage augwaligo Jisasbolo te po wai, “Megi da dago mu konebao, nagede dwai haubo mobo bidi bidibao. Abraham isai dao. Godigo nosali yabo sę po ola mani profet bidi dabe me augwali isai dao. Te genuai nogi elalubo bage augwali isai digi, nago te po wai, ‘Eno po wali pabo bidi dabe augwali munu me isigobeo.’

Dwagi Yai Gesi Po Jongo Asęani 8:48

Te Juda bagego Jisasgo po wei ponoyu, te nogi posobo po wai, “Dago nagede tama po wai dao, ‘Aga da dwai Samaria hani bidi dao. Tama dwai haubo mobo bidi agade bidibao,’ dago te po nagede wai dao. Dago mu po tamao,” Juda bagego Jisas dali te po wai.

Matyu 3:4

Jongo te moni kibu kamel nisigo te augwaligo nigai bobage ugwa munama, tama agai tigide te kugulu gudai. Tama agai te mano tiwai nai me te mege ąį te nai si tuyu bidai.

Matyu 10:25

Tama te skul ogomanigo te aga tisago ebo kolesaga tiwai ebo usu ebaso da, te usu dao. Tama te sę ebo bidigo aga tonalubo bidigo kolesaga tiwai ebo usu ebo si da, teda te me usu dao. Te augwaligo te nogi posobo po weyu, ‘Nage te dwai haubo bidigo tobolu bidi Belsebul dao’ po te hani tobolu bidibolo obaso da, teda dago koneao, te augwaligo dwai dwai nogi weyu posobo po wabo te aga dali bede bidibo bagebolo mu waibao,” Jisasgo te po wai.

Matyu 3:1

Te nosali augwali te Nasaret hanude bididubadi te Jon, te baptais mabo bidi aga pedelai. Aga te Judia tǫ tomode te bidi meni yai bulude bidali, tama agai te po augwalibolo pusali,

Dwagi Yai Gesi Po Lukgo Asęani 7:32

Dage da, te maketde gagali ebo wai puluba ąǫ, te elaluba. Te wai puluba mego hai ulugu weyu, ‘Dago ona sulubadi goli, dagego tęąbi ebe. Me ma, dago gela obadi goli, dagego gela wabe.’ Magi baso meni.

Dwagi Yai Gesi Po Lukgo Asęani 7:34

Me ma, ena Godigo Bidi Mu asama, nai tuyu, ąį tuyu ebadi goli, dagego enabolo ‘Buluba sela sąwai bidi dabe, takis sabo bidi dabego abagi dao,’ wai dao. Me dagego enade ‘Bomai ąį me nai e tudu gebo dwai bidi dao,’ wai dao.