Dwagi Yai Gesi Po Lukgo Asęani 7:16 - Godigo dwagi yai po buku

¹⁶ Tama te tigidali we bidi moni wi elama, augwaligo Godigo nogi ugwaba sali. Augwaligo te po wai, “Moni Godigo po ola mabo bidi da tomode megi e pedaligulai yabao. God aga we bidi tau sagasu, te asai yabao.”

Dwagi Yai Gesi Po Lukgo Asęani 7:16 Referans Kwoze

Dwagi Yai Gesi Po Lukgo Asęani 7:39

Tama Jisas i wali Farisi bidigo aga homude ‘E bidi Godigo po ola mabo bidi tigi sogo da, teda te mena tama bilibo wego ena dią yagasobo we homu egi dao, ma mena tama bidibo we yaliwe wagi dao,’ te Farisi bidigo te homu yali.

Matyu 9:8

Tama te hanude bidali we bidi augwaligo te tebo bomai sę sulama, tama augwali wi yai. Tama augwaligo Godigo nogi ugwaba sai. Magi baso meni, agai te tobage bomo yai sę yabo bomo te we bidibolo mawai dao.

Dwagi Yai Gesi Po Lukgo Asęani 1:68

“Dena Genuai Bidi Israel dabego God nogi kegenaninao. Agai aga we bidi da tau sagasalio.

Jeremaia 33:9

Tama tigidali tǫde we bidi hanigo eno te wiegi yai sę tigidali te Jerusalemba ebo sulama, tama tebogo te hani dabe wiegi yai pemene elama, enaba bugai haliga eyu, enabolo genuai nogi mawaibao. Te hani dabego te Jerusalem bugagia dugulalubo sulama, te eno wiegi wiegi yai nai dabe te Jerusalemba mobaso, te augwali dwai noma mu selama, midigi umabo yaibao,” wali.

Dwagi Yai Gesi Po Lukgo Asęani 5:26

Tama tigidali we bidi gegemani mu selama, Godigo nogi ugwaba sali. Augwali wi elama, te po wali, “Megi dago gasagi yai sę mu ebo sualio.”

Dwagi Yai Gesi Po Lukgo Asęani 2:20

Tama te sipsip tonalubo bage te sipsip tonalubo sęba ma geasa peyu, Godigo nogi kegene nalani. Te augwaligo gedugo suali sę dabe me, te augwaligo odali po dabe me, tų sisu pela silali. Tama tibaso, augwaligo bugai homu elama, augwaligo Godigo nogi ugwaba kegenanali.

Dwagi Yai Gesi Po Lukgo Asęani 1:65

Te po weyu, agai Godigo nogi ugwaba sali. Tama augwa deli bulu bidi dabe me wi kisu dali. Augwali tigidaligo te po ola silama, pomo mu yalio, te Judia dabego bulu bageba me bulu agebele me.

Matyu 21:11

Tama aga dali asali we bidi augwaligo te po wai, “Aga te Jisas dao, te Godigo po pusubo profet bidi, te Nasaret hanudu te Galili tǫdu asai dao,” augwaligo te po wai.

Matyu 15:31

Tama te we bidi augwali noma siyu, augwali homu hauwa yai. Magi basowe, augwaligo suali, te pedauwali pania sai we bidi dabe po ma weyu, te dili gagea pali bage te usu ma eyu, tama te sągą dwai bage me te ma biliyu yai, tama te gedu widai bage te gedu pedeliyu yai. Tama tibaso, augwaligo te Israel bagego God nogi ugwaba mu sai dao.

Godigo Nogi Ugwaba Sabo Tęąbi Po Wabo Buku Dabe 65:9

Nago te tulubage tagala palu, te tama tebogo naga nago te tǫ bugagia tonalubao. Tama nago te tǫ ili hauwa pedalumainu ilama, tama te nai bugagia holobao. God, nago te wę dabe tigidali badu muai elalubao, tama augwali te me sula sabeo. Tego te nai hauwa pedalumainu ilama, tama te we bidi dabego sobao. Te sę nago digi ebo dao.

Ma Dobola Sali 4:31

Tama tibaso, augwaligo homu Aronba mu dąų wai. Augwaligo te po tiwai wabo odali, Genuai Bidigo suali, te Isip hani augwaligo te Israel hani dali dwai kolesaga ebaso, agai homu hauwa augwalide ebo dao. Tama te we bidi dabe augwaligo te po odolama, tama augwa tobolu tǫba aiyaba munama, Genuai Bidibolo lotu po wai.

Galesia 1:24

Tama augwaligo enade te po odoyu, tama augwaligo Godigo nogi ugwaba sai. Tama tibaso, te sęde dagego koneagameo, Godigo digi te eno dagebolo ola mani gesi dwagi yai po agai enabolo ola mawai dao.

Godigo Sęba Tagala Palai Bidigo Po 5:5

Ananaias te po odama, polo tama tǫba degasa dulama, te aga polo tama isalio. Tama gesi ogwa bidi dabe aselama, augwaligo te bidi te nami ugwade belama, tolasa pelama, pubaligi pai. Tigidali we bidigo te yali sęde po odama, wi mu yali.

Dwagi Yai Gesi Po Jongo Asęani 9:17

Augwa hasi tama bugulama, tama augwaligo te gedu widai bidibolo ma hanaluyu, te po wai, “Nago gedu geselali bidi, te bidide nago magi homu ebowe?” Agai te po wai, “Aga da, te Godigo nosali yabo sę po ola mabo profet bidi me deli dao, eno te homu ebao,” wali.

Dwagi Yai Gesi Po Jongo Asęani 6:14

Te we bidi augwaligo Jisasgo te bomo yai sę ebo sulama, tama augwaligo te po wai, “Mu tamao, te aga e tǫba asaiba wali bidi te aga dao, te Godigo po ola mabo bidi dao,” te we bidi augwa hasi te po wai.

Dwagi Yai Gesi Po Jongo Asęani 4:19

Wego Jisasbolo te po wai, “Genuai Bidio, megi eno koneanio, nage da te Godigo nosali yabo sę po ola mabo profet bidi deli dao.

Dwagi Yai Gesi Po Jongo Asęani 1:21

Tama augwaligo Jonbolo hanalu wai, “Magi yaliwe? Nage te bidi polobadu Godigo po wali bidi nogi Elaija dawe?” Tama Jongo te po wai, “Ena te bidi Elaija menio.” Tama augwaligo te po wai, “Dago te Godigo po wabo bidi asobo tonalubo dao. Nage te bidi dawe?” Tama Jongo te po wei ponoyu, te po wai, “Ena te bidi menio.”

Dwagi Yai Gesi Po Lukgo Asęani 24:19

Te bidi agai tama wai, tama Jisasgo augwali sibolo hanalu wai, “Magi sęwe?” Tama te bidi sigo Jisas dali te po wai, “Te sę te Nasaret bidi Jisasde pedalai. Te bidi Godigo nosali yabo sę po wabo bidi, Godigo po ola mabo bidi. Tama te bidigo agai bomai sę dali, bomai po dali Godigo gedude dali, te we bidigo gedude dali te sę yai,” te bidi sigo Jisas dali te po wai.

Dwagi Yai Gesi Po Lukgo Asęani 9:19

“Mebago nage da te we bidi baptais mani bidi Jon dao wabo dao,” augwaligo te po wali. “Mebago ma nage Elaija dao, te wabo dao. Mebago ma polobadu Godigo po ola mani bidi ma hodaloai bidi dao wabo dao,” augwaligo te po wali.

Dwagi Yai Gesi Po Lukgo Asęani 8:37

Tama te Gerasa bulu bidi dabe tigidali wi kisu mu dobaso, Jisas pao olama, gudulali. Tama te po obaso, Jisas te geba daiba holama, painu yali.

Dwagi Yai Gesi Po Lukgo Asęani 5:8

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Matyu 28:8

Tama te we si wi homu dali elaluyu, tama wiegi yai homu pemene dali te geninama mu eyu, tama polo augwali sigo te gų page ola be tagalama, tama te ensel bidigo wali po te aga wali pali bidi dabebolo wagi painogo udulama polo palio.

Godigo Sęba Tagala Palai Bidigo Po 7:37

Te bidi Moses agai tigidali Israel we bidibolo te po wai, ‘Godigo te po pusabo bidi me deli dagebolo tagala palaibao, ena tiwai. Te bidi duga hani bidi digi dao,’ te po wai.

Dwagi Yai Gesi Po Lukgo Asęani 19:44

Augwaligo dage Jerusalem dabe ela silaibao, te be dabe tigidali augwaligo mu hųgiaibao. Be nigali masigi me deli ugwadu me munalugobeo, tigidali pepedelama, aba sąwaibao, meba me tedali, tedali, besala paibao. Magi baso te sę yaibawe? Woo, te Godigo dage suagasu tau sabo sogo asali side te dagego konebeo,” Jisasgo te po wai.

Bomai Po 18:15

Tiali goli, Genuai Bidi dago God agai duga ama me te profet bidi ena yali gilama tiwai bidi nigabo sa muaibao. Tama dagego agai po wali peyu yao,” wali.

Dwagi Yai Gesi Po Lukgo Asęani 7:15

Tama te isali bidi hodaluama, po wabo gagalobadi, Jisasgo aga idabolo ma mani.