Dwagi Yai Gesi Po Lukgo Asęani 6:6 - Godigo dwagi yai po buku

⁶ Te me sogo Sabatde Jisas te Juda dabego bomo yai po ola mabo be tomoba pelama, we bidibolo po ola mani. Tama tede te dolo nogo penenai bidi me deli bidai.

Dwagi Yai Gesi Po Lukgo Asęani 6:6 Referans Kwoze

Dwagi Yai Gesi Po Jongo Asęani 5:3

Te be mabode gasi yai we bidi hauwa bidai, gedu widai bidi dabe dali, sągą dwai bidi dabe dali, tama nogo sągą dili isai bidi me, augwali te be mabode bidai. (Augwaligo te ąį memenege ebo tonaluyu bidai.

Dwagi Yai Gesi Po Lukgo Asęani 4:31

Te bidi Jisas Galili bulude be nani me nogi Kaperneamba dulali. Tama te Sabatde we bidi Godigo po ola maduali, te Juda dabego bomo yai po ola mabo be tomode.

Dwagi Yai Gesi Po Lukgo Asęani 4:16

Te bidi Jisas polobadu aga dwasianu badi bidama, gomunai yali pesage te Nasaret be nani tomoba palio. Te Sabat sogo aga te Juda dabego bomo yai po ola mabo beba pidu bogia. Tama tede aga te Godigo wali po buku po nedai hagede, dolalugulali.

Matyu 4:23

Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.

Dwagi Yai Gesi Po Jongo Asęani 9:16

Tama te Farisi bidi hani tomode si bugulama, mebago Jisasde te po wai, “Godigo te bidi tagala palobeo. Agai Sabat sogode bomo yai po wali pabeo.” Tialima meba bidigo te po wai, “Dwai sę ebo bidi mego te tiwai bomai sę me ebo menio. Te bidi dwagi yai bidi dao,” wai.

Dwagi Yai Gesi Po Lukgo Asęani 14:3

Jisasgo te bidi sulama, te Juda bagego bomo yai po mu koneai bidi dabe me, te Farisi sibi dabe me, te hanibolo te po hanalu wali, “Te Sabat sogode dago te gasi yai bidi dabe usu ma iliyu dodolobo sę ebaso da, usu yaibawe?”

Dwagi Yai Gesi Po Lukgo Asęani 13:10

Te Sabat sogo mede Jisas te Juda dabego bomo yai po ola mabo be tomoba pelama, te we bidi dabebolo Godigo po ola mani.

Dwagi Yai Gesi Po Lukgo Asęani 6:1

Me sogo Sabatde te Jisas me aga dali bidali bidi dabe me, augwali te gi tomodu pali. Tama te gide te rais tiwai nai wit holobo gi dao. Tama augwali pobadi, te bidi dabe augwaligo te wit ge togolama, nogogo pelegelama, te sabea wali ma te agau buluba tedela sąnama, te ge dabe tubo gagalali.

Te Israel me Juda Hani Sigo Tuni Bidigo Po Elalubo Buku Deli 13:4

Tama te king Jeroboam te alta saide dolalubadi yaide, te po tama wabo odali. Tialima, agai nogo hodolama, tama te profet bidiba nogo tų eyu, te po wali, tama po wali, “Te bidi pageabi yao,” wali. Tama tialima, te polo tama mu te king Jeroboamgo nogo tama mu dąų olama, tama dolaluali, tama agai nogo aiyaba me elalubo usu meni.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Dwagi Yai Gesi Po Lukgo Asęani 6:5

Tama Jisasgo augwalibolo te po wali, “Ena da, te Godigo Bidi Mu da. Ena da, te Sabat sogode te genuai bidi dao. Tama tibaso, bidigo Sabatde mena sę yagameo te eno waibao,” wali.