Dwagi Yai Gesi Po Lukgo Asęani 6:48 - Godigo dwagi yai po buku

⁴⁸ Aga be sę eyu, be beli ni aiyanu mu diganama, masigi daiba bululama, sę yani bidi ąǫ, te elalubao. Te be sęnama, nosali te pabo ąį asobo si, te be degelebe, te be degebe. Magi baso meni. Te be sę yani bidigo gisiga sę yai eyu, degebe.

Dwagi Yai Gesi Po Lukgo Asęani 6:48 Referans Kwoze

Godigo Nogi Ugwaba Sabo Tęąbi Po Wabo Buku Dabe 62:2

Agai deligo te ena tonalu, tama ena tau siyu ebao. Tama aga deli naga eno bomai obo elalubao. Tama tiyu, te hwįbo side ena me hagagobeo. Mu menio.

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

Aisaia 26:4

Tigidali sogo Genuai Bidi dago bomai duala sabo pesage dao, te moni dobo masigi tiwai dao. Tama aga tigidali sogo tama bidada peyu, bididuaibao. Tama tibaso, dago agade homu dąų mu olama, tama aga dologode tigidali sogo bidinao.

Efesus 2:20

Tama eno te be sę ebo po pagede te po digi po begelama te po megi obao. Te Krais aga digi aga te be dąų wabo page ni tiwai dao. Tama agai tagala palali bidi dabe augwaligo dagebolo pusali po me, te Godigo po ola mabo bidi augwaligo dagebolo ola mani po me, te wiegi yai po te be kau ni dabe tiwai dao. Tama dage da, te be kele ni dabe tiwai dao, te be dąų wabo page ni dali te be kau ni dali si tede dage bugagia dąų olama elalubao.

1 Jon 2:28

Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo.

Polgo Si Wali Pas Timotiba Asęani - 2TI 2:19

Tiali goli Godigo mu po te bidigo dolobo usu egobeo. Te bomai be tuni ni pos tiwai bulalio, tama te dolalubao, te be peme egobeo. Tama te tuni ni posde hagea siyu asęani po te tiwai elalubao, “Genuai Bidigo aga we bidi digi bugagia koneani.” Tama te po me asęani elalubo, “Te Genuai Bidi nogi nogi eyu ‘Ena aga bidi dao’ po wabo tigidali bidi, augwaligo te dolo isiąwai kolesaga tudiba muao,” te po asęani elalubao.

Godigo Nogi Ugwaba Sabo Tęąbi Po Wabo Buku Dabe 32:6

Tama tibaso, nage wali asobo tigidali we bidi, te augwaliba sęgę pedalubo sogo, te augwaligo gedu haluasa po nageba omainao. Tama te sęgę genuai mu pedaliyu, tama te ąį genuai asiyu, tama te bidi sainu ebo tiwai gilama ebaso da, teda te sęgęgo augwali aiyaba me elalugobeo.

2 Samuel 22:32

“Genuai Bidi naga te God mu da. Agaduba deligo naga da, te genuai masigigo bagualubo tiwai elalubao.

Bugagia Bidibo Kolesagade Po Asęai Buku 10:25

Te dwai sę ebo sogo te dwai sę ebo bidi dabeba pedaliyu da, te tebogo te augwali mu silaibao, te genuai sigi ąį asiyu, tama te pobele bage doado bage te tolasa pabo tiwai ebo dao. Tiali goli, te doloba pai bidi dabe te augwa bomo mu eyu, tama augwa sesemane sogo bugagia bidibo dao.

2 Samuel 22:47

“Genuai Bidi sesemane sogo bidibao! Aga te genuai masigigo ena bobegelalubo tiwai yali, tama dago aga nogi ugwaba sao. Godigo ena tau siyu, tama ena ma sali, tama dago aga genuai nogi ugwaba sao.

Aisaia 59:19

Genuai Bidi te genuai wę asobo tiwai eyu, te Genuai Bidigo ponobo sogo te dąų walali wę gisigilama, te wę asesa mu pomainu yaibao. Te tigidali tǫ asesa mu pomainu yaibao. Te tigidali tǫ habu we bidi dabe, te giliga pedalubo badu gagalasa pelama, te giliga degegi paboba usu nigi paibao, te augwaligo Genuai Bidigo bomo me genuai nogi koneama, te aga nogide wi elama, te augwali aga dologoba aselama, bidimainogo yaibao.

2 Pita 1:10

Eno ama dede, u haniani dwagi yai kolesaga ebode eno po me elalubao. Godigo dage aga sa muyu, tama agai dage i wai dao. Tama agai dage dali yali sę bugagia dąų omainogo te dage bomo eyu, te u haniani dwagi yai kolesaga yao. Dagego tama tiyu da, teda dage munu me tulalugobeo.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Dwagi Yai Gesi Po Jongo Asęani 16:33

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Nahum 1:8

Te genuai ąį asobo tiwai elama, tama aga boi bidi dabe te Ninive bage te aiyaba mu elaluama, tama te agai po sela sąbo bidi dabe te ela muyu yaibao.

Godigo Nogi Ugwaba Sabo Tęąbi Po Wabo Buku Dabe 95:1

Dage asiąo. Dago te Genuai Bidi nogi ugwaba sabo balia po wainao. Dago te bomai Godigo da ma sali, te homu koneama, tama dena balia weyu, tama agaba wiegi yai pemene yao.

2 Samuel 22:5

“Te isabogo te ena pąde gegali, te wę si genuai pedaliyu, tama ena haluainu yai.

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

2 Samuel 22:2

Te baliade te tama po wali, “Genuai Bidi te eno bomai obo dao. Aga te ena geme sesalubo masigi tiwai, tama agai ena te boi bidi dabego nogode ma sai dao.

1 Samuel 2:2

Genuai Bidi, nago kolesaga te gasagi yai tedali mu ebo, tama nage wiegi yai gagawai, tama nage tiwai bidi tobage bidi me deli me elalubeo. Mu menio. Nago tigidali mu aiyaba elaluai. God, nage deligo te da tudi badu pogalu, tama da tau sobao. Te niwai bidi me deligo te nago ebo tiwai gilama me egobeo, te dago God nage naga dao,” wali.

Bomai Po 32:31

Te boi bidi dabe augwaligo koneani da, augwaligo tibo god dabego bomo menio homu yali. Tiali goli, Israel dabego Godigo genuai bomo te genuai masigi deli tiwai dao.

Bomai Po 32:18

Augwaligo bomai God, augwali nigali God da, gegeda palali.”

Dwagi Yai Gesi Po Lukgo Asęani 6:47

Eno wabo po odagasama, wali pabo bidi da, mena tama tiwai yali wenama sumainu, ola mawaibawe?

Dwagi Yai Gesi Po Lukgo Asęani 6:49

Tiali goli, eno po odama, wali pisąbo bidi da, te bidi aga be beli ni bugagia bulisiąwai digi, wę asiyu pogolobode polo mu pagesa soali. Tama te be mu dolali,” Jisasgo te po wali.