Dwagi Yai Gesi Po Lukgo Asęani 6:42 - Godigo dwagi yai po buku

⁴² Nago naga gedude te genuai bǫ nami tiwai elalubo pobele bage sela sąsiąbadi, te nago magi baso naga amabolo te po weyu, ‘Ama, nago gedude elalubo pobele bage eno sela sąwaio,’ te po obawe? Nage ugwadu homugo naga po wabo bidi, hasia bolo nago naga gedude te bǫ nami tiwai elalubo pobele bage guda sąyao. Tama tiyu nosali te nago gedu bugagia wiegi yai ebaso, teda naga amago gedude elalubo pobele bage sela sąyu guda sabode nage usu yaibao,” Jisasgo te po wali.

Dwagi Yai Gesi Po Lukgo Asęani 6:42 Referans Kwoze

2 Pita 1:9

Tialima te tobage wiegi yai kolesaga esiąbo bidi te gedu widai bidi tiwai dao, aga digibulu tonobo gisiga bugagia susiąbo bidi dao. Tama te bidigo gegeda pai, te Godigo aga polobadu yai dwai sę tigidali sela sąwai dao.

Polgo Si Wali Pas Timotiba Asęani - 2TI 2:21

Tama bidi dabe augwali te pou dabe tiwai dao. Bidi me deligo te olo po ola mabo bage tagalama, tama aga te meda meni yai bidali da, teda aga te dwagi yai sę mu ebo pou tiwai bidiyu, te aga tedali gasagi yai sę ebo bidi bidaibao. Magi baso meni, aga magi sę me isąwai bugagia bidibaso agai aga Genuai Bidigo sę ebo usu eyu, tama we bidi tau sabo haniani dwagi yai sę tigidali yabo sisi ilaibao.

2 Korin 5:18

God aga digi te tigidali hasegelebo sę page bidi dao. Polobadu da agade boi bidi bidali, tiali goli Kraisgo yali sęde Godigo da aga dali deli homu ilama, tama da aga abagi hani pedalai. Tama agai te sę dabolo mani, te aga tau selama te aga dali boi bidi homu ebo bidi dabe augwaligo aga dali abagi homu pedalomainogo ilibo sę dabolo mani.

Polgo Po Pas Rom Dabeba Asęani 2:1

Te Godigo te tobage dwai dwai kolesaga ebo we bidi dabe dali sębę ebo dao. Tama agai te sębę ebo homu haninanigo da, teda dage tigidali bidi dabego gasa bagebolo po ela palobo da, eno dage deli delibolo e po obao, nago te naga yali dwai sę te geme dualobo usu me egobeo. Nago po wei ponainogo yali usu egobeo. Odao, nago gasa bidi dali naga po weyu yali, tama tebo kolesagago nago po nagaba digi te po obao. Magi baso meni, nago gasa bidi agabolo naga “Nago dwai kolesaga yai,” po wai, tiali goli naga digi nago me te tobage dwai kolesaga ebo dao.

Godigo Sęba Tagala Palai Bidigo Po 13:10

Pol agai te po wai, “Nage da, te Satango ogwa dao. Te nago tigidali dwagi yai kolesaga boi bidi homu ąǫ, te ebe yabao. Nage dwai dwai kolesaga elama, tibo po wabo bidi me dao. Nago te Genuai Bidigo dwagi yai tų mu dolobao. Nago te tibo kolesaga tagalabo homu meniwe?

Godigo Sęba Tagala Palai Bidigo Po 8:21

Godigo gedude nago homu dolo meni baso, te nage da dali te sęde me bidigobeo.

Godigo Sęba Tagala Palai Bidigo Po 2:38

Te Pita agai augwalibolo te po wai, “Dage tigidali deli deli dabego tigidali dwai sę dabe tudiba togolama, tama homu begelama, Jisasgo nogide baptais sao, te Godigo dagego dwai sę sela sąnama, boi bidi egobe weyu yao. Tama tilama, Godigo aga Dwagi Yai Mobo dagebolo mawaibao.

Dwagi Yai Gesi Po Lukgo Asęani 22:32

Satango te sę yainogo yai digi, eno nage tau sainogo, God hanalu wali, ‘Saimon tau sao. Agai homu kolesaga tigidali nageba mubo sę tagalidali weyu, nago Saimon tau sao.’ Tama Saimon, nosali nage begasa, ma aselama, tama nago naga ama dabe bomo mayu dąų walao,” Jisasgo te po wai.

Dwagi Yai Gesi Po Lukgo Asęani 13:15

Te Genuai Bidi Jisasgo te tobolu bidibolo te po wei ponani, “Dage magi ebo bidi dawe? Dagego po mobo mabo da, tiali goli duga po mobo mabo te dagego tibo po dali weyu, te wabo po wali pabo meni. Te dagego wabo po me te ebo kolesaga me deli tigi tiwai si me elalubeo. Te Sabat sogode, dage tigidaligo te duga kibu hos me, te kau kibu me muani madi pelama, te wę tumainu, te duga augwali muani pesage tagalama, te węba odasa pabo da, te Sabat sogode tiaibao. Tama te sę ebo si, dage moni homu ebo meni dao.

Matyu 26:75

Tama megi da Pitago Jisasgo aga dali wali po homugo ma koneanio, “Te ba kakaruk po wasiąbadi, tama nago po sela sogo olama, te nago ena konebeo waibao.” Tama Pita aga te bedu buluba solama, gela geninama mu wai dao.

Bugagia Bidibo Kolesagade Po Asęai Buku 18:17

Te bidi me deli te po tųba doligi pelama, te po mibo sogo, te agai po te ugwaba ela holobo ąǫ yai. Tiali goli, te gasa bidigo agaba hanalu, te po page hanilama wao po wabo sogo, te bidi dabego te dego mu ela hologowe, te me konebeo.

Matyu 7:3

Tama tibaso, magi baso nago naga amago gedude elalubo dwasianu pobele bage suai, tiali goli nago naga gedude elalubo genuai pobele bage te bǫ nami tiwai te nago magi baso subo meniwe?

Matyu 7:4

Nago naga gedude te genuai bǫ nami tiwai elalubo pobele bage sela sasiąbadi, te nago magi baso naga amabolo te po weyu, ‘Ama, nago gedude elalubo pobele bage eno sela sąwaio,’ te po obawe?

Dwagi Yai Gesi Po Lukgo Asęani 6:41

Magi baso nago naga amago gedude elalubo dwasianu pobele bage suai, tiali goli nago naga gedude elalubo genuai pobele bage te bǫ nami tiwai te nago magi baso subo meniwe?

Dwagi Yai Gesi Po Lukgo Asęani 6:43

Jisasgo te po digi po ma wadolali, “Bugagia pua pai holai nigo du dwai walobo menio. Ma, haganawai nigo du geswai walobo menio.