Dwagi Yai Gesi Po Lukgo Asęani 6:30 - Godigo dwagi yai po buku

³⁰ Mena bidi augwaligo nagebolo magi nai me mao obaso da, te nago mao. Bidi mebago nago nai bomonama sobaso da, te ena ma mao wagio, somainao.

Dwagi Yai Gesi Po Lukgo Asęani 6:30 Referans Kwoze

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Godigo Sęba Tagala Palai Bidigo Po 20:35

Tubo nai sabo sę ebo kolesaga eno dagebolo ola manio. Dago te sę bomo elama, te gasi yai we bidi tigidali sogo tau sogųǫ. Te tobage sę ebo kolesaga polobadu Jisasgo dabolo ola mawai dao, te po wai, ‘Bidi mego gasa bidi nai olo mabo, te agai moni bugai homu ebo. Te nai sabo bidigo agai dwagi yai homugo te tau sabo bidi aiyaba elalubeo.’ Tama dagego Genuai Bidi Jisasgo te wali po deli naga konealuao, homugo tagalamuo,” Pol agai te po wai.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

Bugagia Bidibo Kolesagade Po Asęai Buku 21:26

Agai te tobage nai dabe te sesemane aga sabo homu eyu, bidibao. Tiali digi, te sę bomonama yali doloba pai bidi agai te doado bage hauwa te nai meni yai bidi dabeba mobaso, te usu dao.

Godigo Nogi Ugwaba Sabo Tęąbi Po Wabo Buku Dabe 41:1

Bidigo te magi doado bage meni yai bidiba homu kone palama, tama augwali tau sabo bidi da, te bidigo homu wiegi yai pemene yao. Te sęgę agaba pedalubo sogode, te Genuai Bidigo aga tau saibao.

Bugagia Bidibo Kolesagade Po Asęai Buku 19:17

Te magi nai doado bage meni yai bidiba nago te olo tau sabo wiegi yai kolesaga eyu, tama te doado bage mobaso da, te Genuai Bidigo negeli nageba ilibo tiwai ebao, tama nosali Genuai Bidigo nageba wei ponaibao.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Dwagi Yai Gesi Po Lukgo Asęani 11:41

Tiali goli, te duga munalubo pou dabe, kap dabe tomode munalubo nai dabe te nai meni yai bidi dabebolo menama, dagego te tiwai kolesaga eyu da, te dage magi dwai meda meni yai wiegi yai mu ma yaibao.

Dwagi Yai Gesi Po Lukgo Asęani 6:38

Gasa bidibolo nai maiąo. Godigo dagebolo me tiwaibao. Te wei Godigo dagebolo edelama, duga nogoba gelaibao. Duga gasa bidibolo mani tiwai, Godigo dagebolo ma tama mawaibao,” Jisasgo te po wali.

Matyu 18:35

Te tiwai me, dagego homu mu esiąyu, dagego duga ama dabego dage dali yali dwai sę sela sąsiąwani da, teda eno Aya dagalude bidibo bidi agai me te dagego dwai sę ebo te aga sela sągobeo,” Jisasgo te po wai.

Kolesaga Koneai Bidigo Pusali Po Elalubo Buku 8:16

Eno te wiegi yai homu kolesaga sabo sę bomo eyu, te tobage sę dabe te bidi dabego te giligade me hulide ebo sueinu yalio.

Bugagia Bidibo Kolesagade Po Asęai Buku 22:9

Genuai Bidigo te bidigo gasa bidiba te tubo nai mabo bidiba te wiegi yai sę eyu, tama aga pemene yaibao. Magi baso meni, te tobage bidigo te magi wali doado bage meni yai bidi te nai mabo dao.

Godigo Nogi Ugwaba Sabo Tęąbi Po Wabo Buku Dabe 112:9

Agai nai hauwa nai meni yai bidi dabe augwali mabo dao. Agai dwagi yai kolesaga sesemane sogo ebo dao. Tama agai genuai nogi agai bulude elaluaibao, tama augwaligo aga nogi ugwaba saibao.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

Kolesaga Koneai Bidigo Pusali Po Elalubo Buku 11:2

Nago konebe, mena sogo dwai sę e tǫba pedelabo elalubao, tialima nago mone sabo bisnis sunumi te nogo a naga olama, me badu si, ma a naga olama, me badu sela, te badu munama elalumainao.

Matyu 5:39

Tiali goli megi eno dagebolo obao, te bidi mego dwai sę dagebolo ebaso da, te dagego agabolo te sę ebo wei ponogio. Menio. Te bidi me deligo nage nabo gede me badu nogogo elebaso da, teda nago gasa me badu nabo ge me te begelao, agai tede elemainao.

Dwagi Yai Gesi Po Lukgo Asęani 6:29

Bidi mego nago nabogode ele baso da, me badu me elemainao. Bidi mego eda badu gulali holobo ugwa saket bomo elama sobaso da, te ugwadu tomode gudali holobo ugwa me somainao.

Dwagi Yai Gesi Po Lukgo Asęani 6:31

Nagebolo gasa bidigo te dwagi yai sę emainao homu ebogia, te nago gasa bidibolo me tama tiyąo,” wali.