Dwagi Yai Gesi Po Lukgo Asęani 6:25 - Godigo dwagi yai po buku

²⁵ Te nai dabe megi elalubo bage, dage dwai side bidaibao. Nosali duga nasi yaibao. Te megi gisugu wabo bage, dage dwai bede bidaibao. Nosali dage moni homu dene elama, gela waibao.

Dwagi Yai Gesi Po Lukgo Asęani 6:25 Referans Kwoze

Aisaia 65:13

Tama tibaso, ena God, Genuai Bidi, eno te tama po obao. Te eno sę bidi dabego te nai me ąį hauwa elalueibao. Tiali, dage te ena tudiba mubo hani dabe, te dage nai sili bidu, te tuabo ąį meni yaibao. Te eno hani dabe, te augwa wiegi yai pemene yaibao, tiali te dage dwai hale mu saibao.

Jems 4:9

Tama duga te dwai sę ebo kolesagade homu sęgę eyu tama gela hauwa waiyąo. Tama dagego megi tama tebo kolesagade dagego dwagi yai homu eyu gisugu wai, tama dagego te dwai sęde gisugu wabo te kolesaga hasegelama, tama duga te dwai sę yalide homu begeleyu gela wao. Tama dage te megi naga wiegi yai homu te dwai sęde ebo bidi dabe, dagego te homu ebo hasegelama, tama duga te yali dwai sęde hale eyu homu dene yao.

Bugagia Bidibo Kolesagade Po Asęai Buku 14:13

Te dago gisugu obadi goli tagala, te haliga sęgę elalubogo te da me tagalogobeo. Tama te wiegi yai pemene ebo homu silai madi, te haliga sęgę ebo te me elaludaibao.

Kraisgo Geme Dualali Sę Pedelabo Po Jonbolo Ola Mani 3:17

Nago te po wabo dao, ‘Eno nai hauwa selama, tama eno walu hauwa elalubao. Tama ena magi nai me sǫą pabeo,’ nago te po wabo dao. Tiali goli nago naga bidibo page bugagia konebeo. Nage da, nage te dwai mu bidibo, nage mu hobedagia bidibao. Tama nage magi nai meni yai mu bidiyu, tama nago gedu halua sai bidiyu, tama nago tigi bolu olo bidibao.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Efesus 5:4

Dagego dwai meda yai po me, te homu kolesaga meni yai bagego wabo po me, te dwai gagali po wabo me, te po dabe dagego wagio. Te tebo kolesaga usu egobeo. Menio. God agai dage tau sobaso, tama dagego agabolo usu da wabo po weyu da, teda te po usu dao, te tobage po wao.

Dwagi Yai Gesi Po Lukgo Asęani 13:28

Tama olama, dage tede bidiyu, te polobadu bidali bidi dabe te Abraham me, Aisak me, Jekop me, te Godigo po ola mabo profet bidi dabe me, augwali tigidali Godigo we bidi tonalubo madigi tomode bidibo dagego sueibao. Tiali goli, dage te bulu badu bidaibao. Dage bulu badu bidibaso, dage hwa waibao, duga kele gąųgo ma halua tueibao, te duga sębę ebaso tieibao.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Dwagi Yai Gesi Po Lukgo Asęani 8:53

Te wegi isai goli, Jisasgo mu isibe da obaso, augwaligo Jisas gisugu mani.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Aisaia 9:20

Tama augwaligo nai anoma elama, sabo sę ebo dao. Tiali goli, tego augwaligo homu kolesaga pągąnabeo. Augwali te bidi nai hauwa tuai goli, augwali tabia pisąma ebo tiwai dao. Tama augwaligo te kolesaga augwa deli hani dali me ebo dao.

Aisaia 8:21

Menio. Augwali dwai dene mu saibao. Te augwali genuai homu sęgę mu elama, nasi elama, tama augwali subigila te bulude bilaibao. Nasigo augwaligo haliga sębę mu elama, tama augwaligo augwa tuni bidibolo, me augwa Godibolo dwai po waibao. Te augwaligo dagaluba tonoyu,

Kolesaga Koneai Bidigo Pusali Po Elalubo Buku 7:6

Te wiegi yai homu kolesaga elalusiąbo bidi dabego gisugu obaso da, teda augwaligo gisugu wabo te page meni yai elalubao. Awe, te kolesaga te sesane yai bono te siade ulali te podila sabo tiwai yali, tiali goli agai te sene sospen posolo mu ilabo usu egobeo.

Kolesaga Koneai Bidigo Pusali Po Elalubo Buku 7:3

Te dago nai me delide haliga sęgę ebaso, te wiegi yai da, te gisugu wabo kolesaga aiyaba elalubao. Mu dao, te haliga sęgę ebaso, te dago gesabidi hulia sali, tiali goli te tama tebogo da tau sobaso, te tǫde kolesaga tigidali bugagia homu kone palumainu ebo dao.

Kolesaga Koneai Bidigo Pusali Po Elalubo Buku 2:2

Eno gegelama, te tiwai koneani, te gisugu wabo kolesaga te dobo kolesaga da homu yali. Te homu pemene ebo kolesagago te da dwasianu tau sabo usu meni yaibao.

Bugagia Bidibo Kolesagade Po Asęai Buku 30:9

Tiyu, eno doado bage hauwa mu elalubaso, tama eno nage tudiba muyu, tama eno te po waidalio, ‘Genuai Bidi de dawe?’ Tama tiyu, ena te magi nai meni yai bidi pedaluyu, tama eno te nai dabe wi siyu, tama eno God nago nogi aiyaba elaluidalio,” wali.

Godigo Nogi Ugwaba Sabo Tęąbi Po Wabo Buku Dabe 49:19

Tialima, aga isilama, tama te hasia isali wąį dabe augwali dali te giliga ula isąwai bulude bidada peyu, bidada paibao.

1 Samuel 2:5

Te polobadu nai hauwa elaluali bidi dabe, megi Godigo augwali nasi ilama, tama augwa sę emainu elama, tama augwa te nai naga siyu, te augwa mone sabo tiwai gilama emainao. Tama polobadu te nai menia siyu, nasi elama bidali we bidi, megi te Godigo nai hauwa augwaliba menama, tama augwali nasi me egobeo. Tama te polobadu wai ame nesiąwani we dabe, megi te Godigo augwali tau selama, tama augwaligo wai te a naga olama, nogo me si, te tama ame nabo usu yaibao. Tama te polobadu wai hauwa ame nani we, megi te wai dabe hagala silama, tama Godigo te we agaduba deli digi hobedagia bidimainu ilibo dao,” wali.

Dwagi Yai Gesi Po Lukgo Asęani 6:24

Tiali goli, dage megi nai hauwa munalubuo we bidi dabe dwai side bidaibao. Duga homu tegaluama, bugagia bidali sogo te ela pali dao.

Dwagi Yai Gesi Po Lukgo Asęani 6:26

Tama tigidali we bidigo dage kegenano baso da, nosali dwai bede bidaibao. Augwa nǫųgo me te tiwai po naga tibo po pusa mabo profet bidibolo tebo po udai dao,” Jisasgo te po wali.