Dwagi Yai Gesi Po Lukgo Asęani 6:15 - Godigo dwagi yai po buku

¹⁵ Me bidi si nogi Filip, me Bartolomyu, me bidi si nogi me Matyu, me Tomas. Me bidi nogi Jems, te Alfiusgo ogwa da. Me bidi nogi Saimon, agai nogi me Selot.

Dwagi Yai Gesi Po Lukgo Asęani 6:15 Referans Kwoze

Matyu 9:9

Te Jisas te bulu tagalama, tama aga pobadi agai bidi me deli te nai sela asobo we bidide takis mone sabo bede dulalubo suali, te bidi nogi Matyu da. Tama Jisasgo agabolo te po wali, “Nage ena wali asao.” Tama aga hodaluama, sisi elama, tama aga wali pai.

Godigo Sęba Tagala Palai Bidigo Po 1:13

Tama augwali Jerusalem tomoba pelama, beba sabolama, augwa osogo bidigi pabo be habuba ugwaba holali. Tama te bidi dabego nogi e dao, te Pita, Jon, Jems, Andru, te Filip me, Tomas me, te Bartolomyu me, Matyu me, te gasa me Jems, aga aya nogi Alfius, te Saimon, te independes sainu ebo hani bidi me, te gasa Judas me, aga aya nogi Jems.

Dwagi Yai Gesi Po Makgo Asęani 3:18

Tama gasa sa muani bidi dabego nogi Andru, me Filip, me Bartolomyu, me Matyu, me Tomas, me Jems te Alfiusgo ogwa, me Tadius, me Saimon te Kenan tǫ bidi,

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.

Galesia 1:19

Tama ena tede bidibadi, te Godigo po sela pabo bidi tigidali eno subeo. Te dago Genuai Bidi Jisas aga amanu Jems deli naga bidibo eno suai, Pita dali.

Godigo Sęba Tagala Palai Bidigo Po 15:13

Tama augwali sigo te po silibo si, Jems aga augwa tobolu bidi gagalama, aga dodoligulama, te po wali, “Ama dedeo, dagego eno po odao.

Dwagi Yai Gesi Po Jongo Asęani 20:24

Jisas aga te aga wali pabo bidi augwali bidibo digi pedalai, te sogo aga bidi me deli augwali dali bidisiąwai, te bidi Tomas dao, tama agai gasa nogi me Didimus wai, te nogi page aga idago wai si deli sogo ame nai. Te baso te nogi Didimus wai.

Dwagi Yai Gesi Po Jongo Asęani 11:16

Tomas, augwaligo aga nogi me Didimus wabo, te nogi page aga ama name dali deli sogo ame nai bidi, te bidi te Jisas wali pabo bidi me deli dao. Agai te Jisas wali pabo bidi mebabolo te po wai, “Da aga dali pinao, da me aga dali isimainogo pinao,” Tomasgo te po wai.

Dwagi Yai Gesi Po Lukgo Asęani 5:27

Te nosali Jisas te be nani taga pobadi yaide, agai te maket takis sabo bidi me deli suali, aga ofis bede. Te bidi nogi Livai. Tama sulama, Jisasgo agabolo “Nage ena wali asao,” wali.

Dwagi Yai Gesi Po Makgo Asęani 2:14

Tama aga pobadi, tama te bidi nogi Livai suali, te Alfiusgo ogwa, aga te maket takis mone sabo bede dulalubadi. Tama Jisasgo agabolo te po wali, “Nage ena wali asao,” wali. Tama aga hogodama, aga wali palio.

Dwagi Yai Gesi Po Lukgo Asęani 6:14

Tama te bidi dabe nogi e dao, me Saimon (Jisasgo aga nogi Pita poai), me bidi nogi Andru, te Saimon aga amanu. Me bidi si nogi Jems me Jon.

Dwagi Yai Gesi Po Lukgo Asęani 6:16

Bidi me aga nogi Judas, te gasa bidi Jems aga ogwa dao. Gasa bidi aga nogi Judas, aga te Keriot bulu bidi dao. Nosali te bidigo Jisas te boi bidi nogoba muani, Jisas po hwa pabo bidi.