Dwagi Yai Gesi Po Lukgo Asęani 5:39 - Godigo dwagi yai po buku

³⁹ Te bidi mego te polobadu muai bomai ąį tulama, gesi bomai ąį ma tuabo homu ebo menio. ‘Polobadu muani bomai ąį da usu da,’ te po wabo da,” Jisasgo te po wali. Te po weyu, agai te Farisi bagebolo te po page wąį hagede, te poloba po dali, te gesi po dali te si augwaligo taluamuo.

Dwagi Yai Gesi Po Lukgo Asęani 5:39 Referans Kwoze

Hibru 11:39

Te tobage polobadu bidali Godiba konealubo po dąų wali tigidali we bidi, tama augwali te God gedude wiegi yai nogi mu sai, agai augwalide ‘Augwaligo kolesaga te wiegi yai yali,’ te homu yai dao. Tiali goli augwaligo te wiegi yai nai polobadu Godigo augwalibolo te mawaibao po wali nai te augwaligo te sogo me sabeo.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Matyu 5:40

Tama bidi mego nage dali po tų elama, tama nago holobo ugwa sainogo ebaso da, teda nago holobo ugwa te agabolo mao, te nago kedau sogo gudubo kol siot te me mao.

Dwagi Yai Gesi Po Lukgo Asęani 5:38

Gesi bomai wę te gesi sipsip waligo nigali botolba tabiao.

Dwagi Yai Gesi Po Lukgo Asęani 6:1

Me sogo Sabatde te Jisas me aga dali bidali bidi dabe me, augwali te gi tomodu pali. Tama te gide te rais tiwai nai wit holobo gi dao. Tama augwali pobadi, te bidi dabe augwaligo te wit ge togolama, nogogo pelegelama, te sabea wali ma te agau buluba tedela sąnama, te ge dabe tubo gagalali.