Dwagi Yai Gesi Po Lukgo Asęani 5:36 - Godigo dwagi yai po buku

³⁶ E po begelai po digi po me Jisasgo augwalibolo pusa mayu, te po wali, “Bidi mego me gesi ugwa nami pisalama, pobidi badia pai ugwa nami me hobologobeo. Mego tama teyu da, aga te gesi ugwa pisawaiba, tama gesi ugwa te pobidi ugwa ma gagagobeo.

Dwagi Yai Gesi Po Lukgo Asęani 5:36 Referans Kwoze

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

Bomai Po 22:11

“Dagego te sipsip kibu nisigo nigai hobi dali, te gasagi yai nisigo nigai hobi dali taluama, te gudubo ugwa nigigio,” wali.

Pris Sę Ebo Bomai Po 19:19

“Dagego eno bomai po dabe wali piyąo. Dagego te kibu hasa sibi si augwa hasi omai sę elama, te wai ame nomainogo sula tagaligio. Tama dagego te tobage nai wai hani si te gi delide buligio. Tama dagego augwaligo te olo hobigo hobolai nami ugwa dali te sipsip nisigo nigai hobigo hobolai ugwa te me gudugio. Te kolesaga ebo habu dao,” wai dao.

Dwagi Yai Gesi Po Lukgo Asęani 5:35

Tama nosali me sogo te boi bidi dabego te we sabo bidi gasa buluba sela pelama, aga age solo homu dene ebaso, te sogo nai osogo gisilabo sogo pedelaibao,” Jisasgo te po wali.

Dwagi Yai Gesi Po Lukgo Asęani 5:37

Ma mego me te gesi bomai wain wę te poloba sipsip tigiwaliba tabigobeo. Mego te eyu da, te gesi bomai wain węgo te sipsip wali aulua sanama, buluba gea paibao. Tama te sipsip wali aulua pelama, doaibao.