Dwagi Yai Gesi Po Lukgo Asęani 5:17 - Godigo dwagi yai po buku

¹⁷ Me sogo Jisas be me tomode bidai. Agai te we bidibolo aga po pusa mawai. Tama te Farisi hani sibi dabe me, te Godigo bomo yai po konebo bidi dabe me, augwali bidibadi, augwaligo aga tonaluali. Augwali te Galili bulu tǫ bulu tigidalidu asai, te Judia tǫdu me, te Jerusalem be nanidu me asai. Tama Genuai Bidigo te gasi dabe silabo bomo Jisasbolo mani.

Dwagi Yai Gesi Po Lukgo Asęani 5:17 Referans Kwoze

Dwagi Yai Gesi Po Lukgo Asęani 6:19

Jisas agai bomogo gasi yai we bidi hauwa usu ilibaso, mebago me Jisas agai tigi diąwainu yali, augwali dwagi yai ma emai hagede.

Dwagi Yai Gesi Po Lukgo Asęani 8:46

Tiali goli, Jisasgo te po wali, “Eno bomo dią si da obaso, eno koneanio, bidi mego ena dią yani homu ebao.”

Godigo Sęba Tagala Palai Bidigo Po 19:11

Te sogo God agai genuai bomo mu Polbolo mani. Tama Godigo tigidali we bidibolo haniani bomai sę bidigo ebo usu isąwai sę mu ola mawai.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Godigo Sęba Tagala Palai Bidigo Po 4:30

We bidigo nago bomo sumainao. Gasi ebo we bidi dwagi yai ma ilao. Da tagala palama, nago dolo sę ebo bidi agai nogide we bidigo polobadu susiąwai bomai sę emainao,” augwaligo te po wai, Godibolo.

Dwagi Yai Gesi Po Makgo Asęani 7:1

Te meba Farisi hani bage meba dali, te Juda dabego bomai po page koneai bidi dabe meba dali, augwaligo te mone hanu Jerusalem taga soyu, te augwali Jisas bidibo madiba sisinagasai.

Dwagi Yai Gesi Po Makgo Asęani 5:30

Tama polo Jisasgo koneani, te meba bomo agade taga pabo koneani. Tama tibaso aga begelama, te we bidi dabebolo te po wali, “Dego eno ugwaba nogogo diąyaniwe?”

Matyu 15:1

Te Farisi hani bidi meba me, te Juda dabego bomai po page koneani bidi hani bage me, augwaligo te moni hanu Jerusalem tagalama, Jisas agaba aselama, augwaligo te po hanalu wagasai dao,

Dwagi Yai Gesi Po Jongo Asęani 3:21

Tialima, te dwagi yai kolesaga mu ebo bidi, te bidi aga da te ulaba pedalobo dao. Tama bidi dabe augwaligo te bidi agai sę yali te Godigo bomode te sę yai bugagia sumainogo, te bidi ulaba asobo dao.

Dwagi Yai Gesi Po Lukgo Asęani 2:46

Augwa si gegedubadi, sela sogo hulide usu nama gegalio, nosali augwali sigo aga te Moni Lotu Be tempel tomode suali. Te Juda dabego po ola mabo bidi dabe tomode duguladubo suali. Augwaligo po wabo odalu, agai me ugwaba hanalu idubo suali.

Dwagi Yai Gesi Po Lukgo Asęani 15:2

Tama te Farisi bidi hani dabe me, te Juda dabego bomo yai po koneani bidi dabe me, augwaligo hagelabo po weyu, te po wai, “E bidigo te dwai sę ebo we bidi pagebo dao, augwali hodobo beba pelama, nai tugi pabo dao,” wali.

Dwagi Yai Gesi Po Lukgo Asęani 7:30

Tiali goli, te Godigo augwali tau sainu yali homu Farisi sibi dabe me, Juda dabego bomo yai po ola mabo bidi dabe me, augwaligo te homu sela sąnama, “Jongo da baptais mabo hagelabo,” te po wai dao.

Dwagi Yai Gesi Po Lukgo Asęani 5:30

Tama te Farisi hani sibi bidi dabe me, te Godigo bomo yai po konebo bidi dabe me, augwaligo te sulama, Jisas wali pabo bidi dabebolo wado po weyu, te po hanalu wali, “Dage te takis sabo dwai bidi dabe me, te dwai sę ebo dabe me, te augwali dali hodobo magi baso nai tubawe?”

Dwagi Yai Gesi Po Lukgo Asęani 5:21

Tama Godigo bomo yai po page konebo bidi dabe dali, te Farisi hani sibi dabe dali, augwa hasi ugwa tono, eda tono eyu, te po wali, “E bidi magwai bidi yaliwe? E bidigo Godigo nogi dolobo po olamuo. God deligo naga bidigo dwai sę sela sąbo da.” Te po wai.

Dwagi Yai Gesi Po Makgo Asęani 16:18

Te augwaligo augwa nogo te bidi gąų kelebo dwai hasamaniba mubaso, ma te konesiąbadi augwaligo te bidi isibo nai tubaso da, teda te hasamanigo me te isibo naigo me augwali dologobeo. Tama augwaligo nogo te gasi sai we bidiba mubo si da, tama te gasi sai bidi dabe usu ma yaibao,” Jisasgo te po wai.

Dwagi Yai Gesi Po Makgo Asęani 3:22

Te Juda dabego bomai po page koneani bidi dabe augwali te Jerusalemde bidaluali tama meba edaba dulama, tama augwaligo Jisasde te po wai, “Te dwai haubo noma bidi dabego tobolu bidi nogi Belsebul, tego Jisasde dagana siyu bididubao. Tama te Belsebulgo agabolo mani bomogo Jisasgo te dwai haubo noma bidi dabe sela sąbo dao,” augwaligo te po wai.

Dwagi Yai Gesi Po Makgo Asęani 1:45

Tiali goli te bidigo Jisasgo agaba wali po wali pisąma, agai te sę yali po tigidali we bidi dabeba subigila pususu bilali, te tigidali hanuba pususu bila silali. Tama tibaso, te we bidi umabo augwali agaba asidali weyu, Jisas aga te hanu dabe tomoba hania pabo usu ebeo. Menio. Aga te hanu bulu badu naga bidali, te bidi meni yai madi naga bidai. Tama te tǫ pedai tigidali habu badu we bidi dabe te aga bidibo madi naga asiyu yai.

Dwagi Yai Gesi Po Jongo Asęani 3:10

Jisasgo Nikodemusbolo te po wei ponoyu, te po wai, “Magi yaliwe? Nage te Israel bidi dabe te bomai po page ola mabo bidi dao. Tama magi baso nago te nai konebewe?

Godigo Sęba Tagala Palai Bidigo Po 5:34

Tiali goli, bidi me deli augwali tomode bidali, te Juda dabego kaunsil bidi doligiluali te Farisi bidi sibi bidi, te bidi nogi Gamaliel. Te bidi agai Mosesgo bomo yai po pusubo bidi, tigidali we bidi augwaligo bugagia konemai hagede, tama te we bidigo te dwagi yai bidi mu augwaligo aga dali dwagi yai homu elama, te bidi nogi ugwaba sali. Te bidi Gamaliel te kaunsil tomode dolaluyu tama te po wali, “Te Jisasgo tagala palai bidi dabe gasa habuba osogo pomainao.”