Dwagi Yai Gesi Po Lukgo Asęani 5:11 - Godigo dwagi yai po buku

¹¹ Tama te geba si ąį saniba ma nogelama, tigidali nai dabe tede tagalama, augwali tigidali Jisas wali pela sialio.

Dwagi Yai Gesi Po Lukgo Asęani 5:11 Referans Kwoze

Matyu 4:20

Tama polo augwali sigo te sųgų sabo wa tagalama, tama Jisas aga wali pai.

Dwagi Yai Gesi Po Lukgo Asęani 5:28

Livai hodaluama, agai ebo sę tagalama, Jisas wali pali.

Matyu 19:27

Jisas agai te po olama, tama Pitago agabolo po wei ponoyu, te po wai, “Da suao, te dago tigidali nai dabe tagalama, nage wali asobao. Te dago magi nai saibawe?”

Dwagi Yai Gesi Po Makgo Asęani 10:21

Jisasgo agaba tonaludama, tama aga dali dwagi yai homu eyu godolo mu yai. Agai agabolo te po wai, “Nage te nai me deli digi habuge yai elalubao. Nage pelama, te nago doado bage tigidali munama, tama nago tede mone selama, tama te magi nai meni yai bidi dabeba dobayao. Tama tiyu da, te nago wiegi yai nai mu te Godigo bidibo madide elaluaibao. Tama nage ena wali asao,” te po wali.

Matyu 10:37

Tama niwai bidi agai aga aya me ida naga mu godolo eyu tama ena kuna godolo me isąwani da, te bidi aga eno abagi bidigobeo, te usu menio. Tama bidi mego aga ogwa ma wegi naga godolo eyu, tama ena kuna godolo me isąbo bidi, te aga eno abagi bidigobe dao.

Matyu 4:22

Tialima tama polo augwali sigo te augwa si aya me te geba me tagalama, tama Jisas wali pai.

Matyu 19:29

Tama tigidali we bidigo eno nogiba homu tia sagaselama, tama augwaligo augwa be dabe me, augwa ama dede me, abe dede me, te augwa ida aya me, augwa wai puluba me, gi dabe me tagalama, tama ena wali asali we bidi da, te augwaligo te tagalali nai wei genuai mu ma saibao. Augwaligo nosali sabo naigo te polobadu tagalali nai edelaibao. Tama te sesemane sogo bugagia bidada pabo wiegi yai ula me saibao.