Biblia Todo Logo
Bib sou entènèt

- Piblisite -




Dwagi Yai Gesi Po Lukgo Asęani 4:8 - Godigo dwagi yai po buku

8 Tibaso, Jisasgo wei ponoyu, te po wali, “Woo, Godigo bukude wali po e tiwai po wai dao, ‘Nago naga Genuai Bidi God dali naga lotu po weyu aga dologode bidao. Tama nago agai sę deli naga dąų olama yao,’ te po wai dao,” Jisasgo te po wai.

Gade chapit la Kopi




Dwagi Yai Gesi Po Lukgo Asęani 4:8
14 Referans Kwoze  

Dage God dago Genuai Bidi dologode naga bidiąo. Tama dage deli deligo gasa bidi dali po dąų omainogo eyu da, teda Genuai Bidigo nogi naga nogi elama, te po dąų walao.


Dage tigidali sogo God dago Genuai Bidi dologode bidiąo, tama aga delide naga lotu weyu yao. Dagego agaba dąų ola selama, tama dagego tigidali po aga delide naga dąų waliyu yao.


Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.


Tialima, ena te ensel mobo bidi sągą pąba kidu sugunama, tama eno gesabidi tǫba munama, tama eno aga dali lotu po wabo homu yai. Tiali goli agai enabolo te po wai, “Nago tama tigio! Ena nage dali, nago ama dede dali deli sę ebo bidi dao. Dagego konealubo po Jisasde dąų olama, agai nogi haninama pusubo dao. Nago God deli dali naga lotu po wao. Te Jisasde gasa bidibolo po pusubo we bidi, te Godigo Mobo Bidi agai augwali homu hodolama, tama augwaligo te po pusubo dao. Te Mobo Bidigo te tobage sę naga te Godigo nosali yabo sę po pusubo bidi dali me ebo dao,” agai te po wai.


Eno homugo nago te tiwai yao homu ebao, teda augwa mu konemainu ebao, nagaduba deli naga, nage te Genuai Bidi, tama nage te Ugwade Mu Bidibo God da, tama nago te tigidali tǫ tonalubo dao.


Tiali goli agai enabolo te po wali, “Nago tama tigio! Ena nage dali me, e naga ama dede dali, da deli sę naga ebo dao, augwali te Godigo po ola mabo bidi dabe dao. Tama ena e bukude po wali pabo tigidali bidigo deli sę ebo bidi dao. Nago lotu po God deli dali naga wao,” te ensel bidigo te po wai.


Tama tibaso, dagego duga dwai kolesaga ebo te homu aiyaba dualao, tama dage Godigo bomo dologode bidao. Tama tiyu, dagego te Satango dwai sę yainogo ebo dagalama sela sąyao, tama agai dage dali te dwai sę yainogo yali tagalama Satan aga wi paibao.


Tiali goli, Jisasgo agai po wei ponoyu, te po wali, “Woo, Godigo bukude wali po e tiwai po wai dao, ‘Te tubo nai bretgo naga te bidi bidabo ula magobeo.’”


Tama nosali Samuelgo te Israel dabebolo te tiwai po wai, “Te dage homu mu begelama, tama Genuai Bidiba ma begasa asabo homu ebaso da, teda duga te tibo god, me tama te tibo god we Astarte piksaba lotu wabo, te dagego sela sąyao. Tama dage Genuai Bidi dologode mu bidiyu, tama aga deliba naga lotu waiąo, tama teyu da, agai dage tau selama, tama te Filistia ami bidi dabe sela sąyu, te augwaligo dage ma tonalumainu me egobeo,” wali.


Tama dagego duga Godide konealubo homu bugagia dąų olama, tama dolaluyu te boi bidi sela sąyao. Dagego koneani, te augwaligo dage dene mabo tiwai gilama eyu, te gasa bidi dabego te Godigo hani we bidi tigidalibolo te tobage dene mabo dao, te tigidali tǫde.


Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.


Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.


Tama te king Hesekia agai te Genuai Bidi dolo gedu haluasa e po tama wali, “Genuai Bidi, nage da Israel hanigo God, tama nage e bede naga sę ebo ensel mobo bidi si noma si ugwadu daide bidibo dao, tama nage king naga te dugabo ni namede dugulalubao. Nage te nage God mu dao, te nago naga te e tǫde te tigidali bulu hani dabe tonalubo dao. Naga deli naga te tǫ me, te dagalu me, naga naga nigai dao,” te po wali.


Nago enabolo kidu tǫba polama, enabolo lotu po weyu da, teda te nai dabe naga saibao,” Satango te po wali.


Swiv nou:

Piblisite


Piblisite