Dwagi Yai Gesi Po Lukgo Asęani 4:35 - Godigo dwagi yai po buku

³⁵ Tama Jisasgo agai po tomode togwa sąyu, te po wali, “Nage sagiasa peyu, te bidi taga soao,” wali. Tama te dwai haubogo te bidi augwali tomode te tǫba sąyani. Tama te dwai mobogo taga pelama, te bidigo tigi me dolobe.

Dwagi Yai Gesi Po Lukgo Asęani 4:35 Referans Kwoze

Dwagi Yai Gesi Po Lukgo Asęani 4:41

Dwai haubo dabego we bidi hauwa taga pali. Tama te dwai haubo dabego hai olama, te po wali, “Nage Godigo Ogwa dao.” Augwaligo koneani, Jisas te Godigo we bidi tau somainu sa muani bidi Krais da. Tama tibaso, augwaligo te po te we bidibolo waidali weyu, agai augwaligo po tomode togwa sąyani.

Dwagi Yai Gesi Po Lukgo Asęani 4:39

Te we pageba Jisas aga dolalugi pelama, “Te dwai gasi, nago te we taga pao,” Jisasgo te po wali. Te po obaso, te gasigo te we taga pali. Tama tilama, te we polo tama ma hogoda sanama, be page asali bidi dabe nai ula mabo sę ela bilali.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.

Kraisgo Geme Dualali Sę Pedelabo Po Jonbolo Ola Mani 12:12

Tama tibaso, dagalu, nage tama dage tigidali dagalude bidibo bage, dage homu wiegi yai yagameo. Tiali goli tǫ dali, te tamu ąį dali, te side bidibo we bidi tigidali, dage hobedagia bidaibao. Genuai sęgę dageba pedalainogo ebao. Tama Satan dagebolo e tǫba dulai dao, tama agai sębę genuai mu elalubao. Agai koneani, aga bidabo sogo te pęwadage sogo elalubo homu ebo dao,” te po wabo dagaludu asobo eno odali.

Dwagi Yai Gesi Po Lukgo Asęani 11:22

Tiali goli, te boma pai bidi me deli pedelama, te boi sulama te bidi dali hwįnama, te bidigo bomo aiyaba elalubaso da, teda te be page bidi aga tobade tiąduali te boi hwįbo nai dabe tigidali te bomai bidigo sela pabo dao. Tama te be page bidigo polobadu wi sali nai te bomai bidigo ma selama, tama dobabo dao.

Dwagi Yai Gesi Po Lukgo Asęani 9:42

Te ogwa Jisas pageba asobadi yaide, te dwai haubo noma bidigo elama, tǫba degasa pelama, aga nogo sągą didigi yali. Tama Jisasgo te dwai haubo noma bidibolo hagebo po weyu, te haubo bidi sela sąyu, te ogwa ma sana palama, aga ayabolo ma mani.

Dwagi Yai Gesi Po Lukgo Asęani 9:39

Dwai noma bidigo tuai digi, moni hai olama, nogo sągą didigi ebo dao. Te aga kele dawede pesą dini pągąna pabo dao, kelelaude. Tama tiduama, bomonama, dene ilama, taga pabo da.

Dwagi Yai Gesi Po Lukgo Asęani 8:24

Augwaligo Jisas hodolagasu, te po wali, “Genuai Bidi, Genuai Bidi. Da isabo magana pali.” Tama Jisas hodaloama, wali hageyu, te waligo sabilibo ąį hagelama togoliyu yali. Te waligo me, ąįgo me moni te bomo hodali tagalama, ma tamugulali.

Dwagi Yai Gesi Po Makgo Asęani 9:26

Tama te dwai haubogo te dwai i weyu, tama agai te ogwa degelai sedu genama, tama te dwai haubogo te aga taga peyu tama palio. Tama te ogwa te isai bidi tiwai munaluali. Tama bidi hauwa augwaligo te po weyu, “Aga te isali dao,” wai.

Dwagi Yai Gesi Po Makgo Asęani 1:26

Tama te dwai mobogo te bidigo tigi omagia mu didibili ilai, tama i wabogo po dagą genuai mu olama, tama te bidi taga palio.

Matyu 17:18

Tama te ogwa sesama, tama Jisasgo te dwai haubo noma bidibolo wado ilibo po obaso, tama agai te ogwa dali bidali tagalama pabo si da, tama megi naga tama te ogwago gasi sia sai dao.

Sekaraia 3:2

Tama Genuai Bidigo Satanbolo e tama po walali, “Satan, eno nagebolo obao, nago po deli me olamo dao. Eno Jerusalem godolo mu ebao, tama eno nagebolo penane pania sao po te obao. Eno te bidi Josua ma salio. Te bidi mego te isi dage dolidali iside selama, agade te isi sula selama, te isi dage nogogo tolalubo tiwai, te aga dolidali weyu eno te bidi Josua te tama ma dobola salio,” wali.

Godigo Nogi Ugwaba Sabo Tęąbi Po Wabo Buku Dabe 50:16

Tiali goli, Godigo te dwai sę ebo bidi dabeba te tama po wali, “Magi baso te dagego eno bomai po tigidali nogibo dawe? Tama magi baso te dagego eno dąų wali bomai pode te po mibo dawe?

Dwagi Yai Gesi Po Makgo Asęani 4:39

Tama Jisas hodasa holama, tama te waliba wado po obadi, tama wębolo po weyu te po wali, “Megi da, usu dao. Nage sia sao! Nage megi tama silama isao!” Tama wali kekasa peyu, tama te wę me dwasianu memenege munu me ebeo.

Dwagi Yai Gesi Po Lukgo Asęani 4:23

Te Jisasgo augwalibolo te po wali, “Mu tama, dagego enabolo hasia bolo te po waibao, ‘Dokta bidi, naga digi naga ma geseleyu yao. Nago bulu me nogi Kaperneamde yali sę po dago odai dao. Tama naga te yaligia nage e pesagede me ma tama tiao,’ dagego enabolo waibao.”