Dwagi Yai Gesi Po Lukgo Asęani 4:22 - Godigo dwagi yai po buku

²² Te we bidi tigidali augwaligo Jisas nogi ugwaba sali, tama Jisasgo dwagi yai po pusalide augwali tigidali noma sali. Tiali goli, augwaligo te po wali, “Mena tamawe, e bidi da, Josepgo ogwa meni yali wenagao,” te po wai dao.

Dwagi Yai Gesi Po Lukgo Asęani 4:22 Referans Kwoze

Dwagi Yai Gesi Po Jongo Asęani 6:42

Augwaligo te po wai, “E bidi da, te Josep aga ogwa dao. Dago aga aya ida dali koneai dao. Magi baso agai te po megi wabowe, ‘Ena dagalu tagalama, e tǫba duali dao,’ wabowe? Agai po usubeo,” augwaligo te po wai.

Godigo Nogi Ugwaba Sabo Tęąbi Po Wabo Buku Dabe 45:2

King bidi, nage te gasa sawi yai bidi mu dao. Te gasa bidi nage tiwai me menio. Nago po te wiegi yai naga elalubo. Tama te sesemane sogo Godigo nageba te wiegi yai homu ebo yai.

Bugagia Bidibo Kolesagade Po Asęai Buku 16:21

Te bidi dabego koneani, te wiegi yai homu kolesaga elalubo bidi yai baso da, teda agai te tobage homu kolesaga dabe dagalobaso, te usu yaibao. Tama aga te wiegi yai po wabo bidi yai baso da, teda te bidi dabego agai po odobo wei mu yaibao.

Taitus 2:8

Tama nago agai po ola mabo si te dolo po naga augwali dali wao. Tama tiyu da, teda nage dali boi bidi homu ebo bage augwaligo da dali, te nago ola mabo po dali, tede augwaligo dwai po me wabo usu sąbaso, tama augwali hale yaibao.

Godigo Sęba Tagala Palai Bidigo Po 6:10

Tiali goli, Godigo Dwagi Yai Mobogo dwagi yai bomai po Stivenbolo mani. Tama menama, Stivengo wali po augwaligo aiyaba elalubo usubeo.

Dwagi Yai Gesi Po Jongo Asęani 7:46

Te enesigi bidi dabego po wei ponoyu, te po wai, “Polobadu bidi mego Jisasgo wabo po tiwai munu me wai menio,” te po wai.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Aisaia 50:4

God Genuai Bidigo enabolo te wiegi yai po wabo kolesaga ola mawai, tama eno te wiegi yai po te bomo meni yai we bidi dabego haliga dąų walu, waibao. Tigidali sogo kigamude agai enabolo te wiegi yai gesi sę po ola mawainu ebo po odabo homu godolo mu ebo dao.

Solomon 5:16

Agai ena dali naboge si dilibo sogo da, eno te pusu umagi mu yalio. Agai tigi pedai tigidali badu usu nama, te wiegi yai naga yali. Dage Jerusalem we dabe, eno bidi da te tama tiwai tobage bidi me dao.

Bugagia Bidibo Kolesagade Po Asęai Buku 25:11

Te bidigo te wiegi yai homu kolesaga me deli te hanilama, mu pusubaso da, teda agai po te wiegi yai piksa te augwaligo te golgo nigilama, tama te silvago au ilali tiwai ebo dao.

Bugagia Bidibo Kolesagade Po Asęai Buku 10:32

Te doloba pai bidigo po da, te dolo usu dao, tama te we bidigo olode pusu yaibao. Tiali goli, te dwai bidi dabego pogo da, te we bidi dabego haliga dolobo dao.

Godigo Nogi Ugwaba Sabo Tęąbi Po Wabo Buku Dabe 45:4

Nage te genuai nogi elalu, te polalubo king dao. Nage te hosde dugulasa, tama te hwįboba pelama, tama te hwįbo bage aiyaba elaluao. Nago hwįainu da, te bidi dabego nago po te aiyaba me elalugobeo. Tama nago hwįbo te bidi dabe dolasa bilimainu tau siyu hwįani. Te nago hwįbo te bomo yai pedelaibao, tama te dwai bidi dabe nagede wi mu emainu ebo dao.

Dwagi Yai Gesi Po Lukgo Asęani 2:47

Agai po odali we bidi dabe tigidali noma sali, “Agai homu poa pelamubao, agai pusali po dwagi yai po dao,” wali.

Kolesaga Koneai Bidigo Pusali Po Elalubo Buku 10:12

Te wiegi yai homu kolesaga elalubo bidigo aga wabo pogo digi te agaba genuai nogi mawaibao. Tialima, te wiegi yai homu kolesaga elalusiąbo bidi te aga pogo digi aga dolaibao.

Dwagi Yai Gesi Po Lukgo Asęani 2:48

Aga ida dali aya sigo sulama, noma sali. Aga idago agabolo te po wali, “Idao, magi baso nago tama te ebawe? Naga aya dali dadi si homu adaladu baso, gegaligo sai dao,” te po wali.

Dwagi Yai Gesi Po Lukgo Asęani 4:21

Tibaso, agai te po wabo gagalali, “Megi tama te eno nedali po dolo tų sisu pabo po duga te odali dao,” te po wali.

Dwagi Yai Gesi Po Jongo Asęani 1:45

Filip pelama, Natanielbolo te po wagi pai, “Te bidi polobadu Mosesgo te bomo yai po bukude asęani po dali, tama Godigo polobadu po ola mani profet bidi dabe me, augwaligo te bidi dali po asęai, te bidi dago suai. Te bidi Jisas aga Nasaret bulu bidi Josepgo ogwa dao,” Filip agai te po wai.